Þau skipa lista Vinstri grænna í Suðurkjördæmi

Vésteinn Örn Pétursson skrifar 23. október 2024 19:21

Hólmfríður Jennýjar Árnadóttir, Pálína Axelsdóttir Njarðvík, Þormóður Logi Björnsson, Helga Tryggvadóttir og Guðmundur Ólafsson skipa efstu fimm sæti lista VG í Suðurkjördæmi.

Hólmfríður Jennýar Árnadóttir, ritari Vinstri grænna, leiðir framboðslista flokksins í Suðurkjördæmi í komandi Alþingiskosningum. Listar flokksins í kjördæminu voru samþykktir á fundi kjördæmisráðs í kvöld, með öllum greiddum atkvæðum.

Hólmfríður er leik- og grunnskólakennari og starfar sem leikskólastjóri í Reykjanesbæ. Hún var kjörin ritari Vinstri grænna á landsfundi flokksins í Reykjavík fyrr í þessum mánuði. Hún situr í stjórn Isavia, stjórn Leigufélagsins Bríetar og Eignasjóðs Reykjanesbæjar auk þess að sitja í stjórnum FKA og RKÍ á Suðurnesjum.

Annað sæti listans skipar Pálína Axelsdóttir Njarðvík, sem hefur, samkvæmt tilkynningunni, alla tíð sinnt fjölbreyttum bústörfum á blönduðu búi. Pálína er með BS gráðu í sálfræði og MA í félagssálfræði. Hún hefur unnið á leikskóla sem hópstjóri og sérkennslustjóri, sem ráðgjafi hjá Attentus og nú síðast sem aðstoðarmaður Bjarkeyjar Olsen matvælaráðherra.

Í þriðja sæti er Þormóður Logi Björnsson, aðstoðarskólastjóri í Akurskóla í Reykjanesbæ. Fjórða sætið vermir Helga Tryggvadóttir, sálfræðingur og námsráðgjafi frá Vestmannaeyjum. Guðmundur Ólafsson búfræðingur á Búlandi í Rangárþingi eystra skipar svo fimmta sætið.

Listinn í heild sinni:

1. Hólmfríður Jennýjar Árnadóttir, leikskólastjóri, Reykjanesbæ
2. Pálína Axelsdóttir Njarðvík, félagssálfræðingur og fyrrverandi aðstoðarmaður, Skeiða- og Gnúpverjahreppi
3. Þormóður Logi Björnsson, aðstoðarskólastjóri, Reykjanesbæ
4. Helga Tryggvadóttir, náms- og starfsráðgjafi, Vestmannaeyjum
5. Guðmundur Ólafsson, búfræðingur, Rangárþing eystra
6. Sædís Ósk Harðardóttir, deildarstjóri, Árborg
7. Ævar Pétursson, tannsmiður, Reykjanesbæ
8. Kristín Magnúsdóttir, jafningjaráðgjafi, Reykjanesbæ
9. Þórólfur Sigurðsson, háskólanemi, Árborg
10. Þorbjörg Elísabet Rúnarsdóttir, framhaldsskólanemi, Reykjanesbæ
11. Hallbjörn Valgeir Fríðhólm Rúnarsson, þroskaþjálfi, Grímsnes- og Grafningshreppi
12. Svanhvít Helga Jóhannsdóttir, kennari í fjallamennsku, Sveitarfélaginu Hornafirði
13. Sigurður Torfi Sigurðsson, ráðunautur, Árborg
14. Gunnhildur Þórðardóttir, skáld og myndlistarkona, Reykjanesbæ
15. Hörður Þórðarson, leigubílsstjóri, Vestamannaeyjum
16. Ágústa Eygló Backman, eldisstjóri, Árborg
17. Ásgeir Rúnar Helgason, dósent í sálfræði, Reykjanesbæ
18. Steinarr Bjarni Guðmundsson, bílstjóri, Sveitarfélaginu Hornafirði
19. Kjartan Ágústsson, bóndi, Skeiða- og Gnúpverjahreppi
20. Þorsteinn Ólafsson, dýralæknir, Árborg

Alþingiskosningar 2024 Vinstri græn Suðurkjördæmi

Mest lesið

Fleiri fréttir