Ekki heppilegt ef verkalýðshreyfingin tæmist inn á Alþingi Árni Sæberg skrifar 22. október 2024 12:19 Vilhjálmur Birgisson, formaður Verkalýðsfélags Akraness og Starfsgreinasambandsins. Vísir/Ívar Fannar Vilhjálmur Birgisson, formaður Starfsgreinasambandsins, hefur ákveðið að gefa ekki kost á sér í framboð til Alþingis að þessu sinni. Komið hafi verið að máli við hann, eins og raunar fyrir allar alþingiskosningar síðasta áratuginn, en hann hafi ákveðið eftir langa yfirlegu að kröftum hans sé betur varið í verkalýðshreyfingunni. Þetta segir Vilhjálmur í samtali við Vísi en hann hefur verið sterklega orðaður við framboð til Alþingis, líkt og fleiri forystumenn í verkalýðshreyfingunni. Gefur ekkert upp um hver hefur komið að máli við hann Vilhjálmur vill ekkert gefa upp um það hver hefur komið að máli við hann varðandi framboð. Hann telji enda óheppilegt að verkalýðsforkólfar séu eyrnamerktir tilteknum stjórnmálaflokkum. Því kjósi hann að halda stjórnmálaskoðunum sínum fyrir sjálfan sig, þótt sterkar séu. „Það er oft þannig þegar forystumenn eru eyrnamerktir opinberlega einhverjum ákveðnum stjórnmálaflokki, þá er hætta á því að trúverðugleiki þeirra bíði hnekki. Ég tel ekki til hagsbóta að forystumenn séu stuðningsmenn ákveðinna stjórnmálaflokka. Þá verður erfiðara að gagnrýna og þú verður líka ótrúverðugri ef þú gagnrýnir ekki.“ Nægt framboð af frambjóðendum Vilhjálmur segist telja starfskröftum hans betur borgið innan verkalýðshreyfingarinnar en inni á Alþingi, enda sé þegar nægt framboð af frambjóðendum. Þar vísar hann vitanlega til Ragnars Þórs Ingólfssonar, formanns VR, Kristjáns Þórðar Snæbjörnssonar, formanns Rafiðnaðarsambandsins, og Sólveigar Önnu Jónsdóttur, formanns Eflingar, sem hefur þó sagt framboð sitt frekar til stuðnings en í von um þingsæti. „En eins og svo oft áður þá hefur mér staðið ýmislegt til boða, það er svo sem engin breyting þar á. En hver veit hvað framtíðin ber í skauti sér? Að þessu sinni ætla ég að einbeita mér að verkalýðsbaráttunni, enda af nægu að taka þar, að veita stjórnvöldum á hverjum tíma ríkt aðhald. Kostirnir meiri við að halda áfram í skemmtilegu starfi Vilhjálmur minnir á mikilvægi þess að halda þeirri baráttu áfram og bendir á ýmsa sigra sem unnist hafa undanfarið. „Eins og til dæmis núna í síðustu kjarasamningum, þar sem okkur tókst að styrkja stöðu launafólks verulega. Nægir að nefna þar gjaldfrjálsar skólamáltíðir, hækkun á fæðingarorlofi, hækkun á greiðslum úr ábyrgðarsjóði launa, hækkun á barnabótum og annað slíkt. Þetta eru allt baráttumál verkalýðshreyfingarinnar. Ég held að þegar maður tekur kosti og galla þess að fara úr því starfi sem maður er í í dag í það sem hugsanlega gæti komið, þá eru kostirnir að mínum dómi meiri við að halda áfram í því skemmtilega starfi sem ég er í.“ Kerfisbreytinga þörf Vilhjálmur segir það ekki gott ef verkalýðshreyfingin tæmist inn á Alþingi, en svo virðist sem allir og amma þeirra séu á leið í framboð, jafnvel frændur og frænkur líka. Hann voni þó að endurnýjunin á þingi verði til þess að eitthvað verði gert fyrir almenning. „Það sem þarf núna er að stjórnmálamenn taki stöðu með almenningi og heimilum þessa lands. Það þarf að ráðast í kerfisbreytingar. Kerfisbreytingar sem lúta að því að ná niður vöxtum hér á landi, svo það sé hægt að bjóða heimilum og litlum og meðalstórum fyrirtækjum lánakjör til samræmis við það sem gerist í þeim löndum sem við berum okkur saman við.“ Alþingi Stéttarfélög Alþingiskosningar 2024 Mest lesið Kosningavaktin: Íslendingar ganga að kjörborðinu Innlent Hlær að töfralausnum í dreifingu við of háu kortisóli Innlent Össur segir Ingu valdspilltan leiðtoga Innlent Tíu sentímetra þarmur stóð út eftir stunguárás Innlent „Ekki góð þróun“ að flokkarnir drösli frægu fólki á listana Innlent Sautján daga fyrirburi tekinn af sjúkrahúsi í París Erlent „Hræsnin á sér engin takmörk“ Innlent Fjölmiðlar lengi í vanda með Trump: „Þetta er ekki eðlilegt“ Erlent Fjarlægja útilistaverkið Innlent Oddný gleymir aldrei símtali Bjarna Ben Innlent Fleiri fréttir Líkur á nýju kvikuhlaupi mögulega farnar að aukast Björn og Lenya Rún leiða í Reykjavík Einn enn í haldi vegna Elko-málsins Skorið úr um lögmæti verkfalla í fyrramálið Frægð ekki ávísun á frama í pólitík Samþykkja verkfall í Garðaskóla Rafmagnslaust á Húsavík fram á kvöld Össur segir Ingu valdspilltan leiðtoga Ekki heppilegt ef verkalýðshreyfingin tæmist inn á Alþingi Býður sig fram en reiknar ekki með sæti á þingi Frægir flykkjast í framboð Eva Dögg flytur sig um kjördæmi og Paola í þriðja sætið Skilorðsbundið fangelsi fyrir að keyra á barn Skýr krafa meðal lækna að hefja undirbúning verkfallsaðgerða Efnið tralopyril veldur eitrun í kræklingi Nú má heita Aster og Vestur Svandís tekur upp hanskann fyrir kennara Hlær að töfralausnum í dreifingu við of háu kortisóli Ragnar Þór býr sig undir harða baráttu Grímur undir feldi Sjálfstæðisflokkurinn skuldi kjósendum skýringar „Ekki góð þróun“ að flokkarnir drösli frægu fólki á listana Fjarlægja útilistaverkið Tíu sentímetra þarmur stóð út eftir stunguárás Reyndi að komast undan lögreglu en velti bifreiðinni Einkareknir grunnskólar möguleg lausn á brotnu kerfi „Ég hef alveg trú á að við komumst í gegnum þetta“ „Hræsnin á sér engin takmörk“ Jakob og Tómas einu oddvitar Flokks fólksins sem detta út Vill Sólveigu á lista Sjá meira
Þetta segir Vilhjálmur í samtali við Vísi en hann hefur verið sterklega orðaður við framboð til Alþingis, líkt og fleiri forystumenn í verkalýðshreyfingunni. Gefur ekkert upp um hver hefur komið að máli við hann Vilhjálmur vill ekkert gefa upp um það hver hefur komið að máli við hann varðandi framboð. Hann telji enda óheppilegt að verkalýðsforkólfar séu eyrnamerktir tilteknum stjórnmálaflokkum. Því kjósi hann að halda stjórnmálaskoðunum sínum fyrir sjálfan sig, þótt sterkar séu. „Það er oft þannig þegar forystumenn eru eyrnamerktir opinberlega einhverjum ákveðnum stjórnmálaflokki, þá er hætta á því að trúverðugleiki þeirra bíði hnekki. Ég tel ekki til hagsbóta að forystumenn séu stuðningsmenn ákveðinna stjórnmálaflokka. Þá verður erfiðara að gagnrýna og þú verður líka ótrúverðugri ef þú gagnrýnir ekki.“ Nægt framboð af frambjóðendum Vilhjálmur segist telja starfskröftum hans betur borgið innan verkalýðshreyfingarinnar en inni á Alþingi, enda sé þegar nægt framboð af frambjóðendum. Þar vísar hann vitanlega til Ragnars Þórs Ingólfssonar, formanns VR, Kristjáns Þórðar Snæbjörnssonar, formanns Rafiðnaðarsambandsins, og Sólveigar Önnu Jónsdóttur, formanns Eflingar, sem hefur þó sagt framboð sitt frekar til stuðnings en í von um þingsæti. „En eins og svo oft áður þá hefur mér staðið ýmislegt til boða, það er svo sem engin breyting þar á. En hver veit hvað framtíðin ber í skauti sér? Að þessu sinni ætla ég að einbeita mér að verkalýðsbaráttunni, enda af nægu að taka þar, að veita stjórnvöldum á hverjum tíma ríkt aðhald. Kostirnir meiri við að halda áfram í skemmtilegu starfi Vilhjálmur minnir á mikilvægi þess að halda þeirri baráttu áfram og bendir á ýmsa sigra sem unnist hafa undanfarið. „Eins og til dæmis núna í síðustu kjarasamningum, þar sem okkur tókst að styrkja stöðu launafólks verulega. Nægir að nefna þar gjaldfrjálsar skólamáltíðir, hækkun á fæðingarorlofi, hækkun á greiðslum úr ábyrgðarsjóði launa, hækkun á barnabótum og annað slíkt. Þetta eru allt baráttumál verkalýðshreyfingarinnar. Ég held að þegar maður tekur kosti og galla þess að fara úr því starfi sem maður er í í dag í það sem hugsanlega gæti komið, þá eru kostirnir að mínum dómi meiri við að halda áfram í því skemmtilega starfi sem ég er í.“ Kerfisbreytinga þörf Vilhjálmur segir það ekki gott ef verkalýðshreyfingin tæmist inn á Alþingi, en svo virðist sem allir og amma þeirra séu á leið í framboð, jafnvel frændur og frænkur líka. Hann voni þó að endurnýjunin á þingi verði til þess að eitthvað verði gert fyrir almenning. „Það sem þarf núna er að stjórnmálamenn taki stöðu með almenningi og heimilum þessa lands. Það þarf að ráðast í kerfisbreytingar. Kerfisbreytingar sem lúta að því að ná niður vöxtum hér á landi, svo það sé hægt að bjóða heimilum og litlum og meðalstórum fyrirtækjum lánakjör til samræmis við það sem gerist í þeim löndum sem við berum okkur saman við.“
Alþingi Stéttarfélög Alþingiskosningar 2024 Mest lesið Kosningavaktin: Íslendingar ganga að kjörborðinu Innlent Hlær að töfralausnum í dreifingu við of háu kortisóli Innlent Össur segir Ingu valdspilltan leiðtoga Innlent Tíu sentímetra þarmur stóð út eftir stunguárás Innlent „Ekki góð þróun“ að flokkarnir drösli frægu fólki á listana Innlent Sautján daga fyrirburi tekinn af sjúkrahúsi í París Erlent „Hræsnin á sér engin takmörk“ Innlent Fjölmiðlar lengi í vanda með Trump: „Þetta er ekki eðlilegt“ Erlent Fjarlægja útilistaverkið Innlent Oddný gleymir aldrei símtali Bjarna Ben Innlent Fleiri fréttir Líkur á nýju kvikuhlaupi mögulega farnar að aukast Björn og Lenya Rún leiða í Reykjavík Einn enn í haldi vegna Elko-málsins Skorið úr um lögmæti verkfalla í fyrramálið Frægð ekki ávísun á frama í pólitík Samþykkja verkfall í Garðaskóla Rafmagnslaust á Húsavík fram á kvöld Össur segir Ingu valdspilltan leiðtoga Ekki heppilegt ef verkalýðshreyfingin tæmist inn á Alþingi Býður sig fram en reiknar ekki með sæti á þingi Frægir flykkjast í framboð Eva Dögg flytur sig um kjördæmi og Paola í þriðja sætið Skilorðsbundið fangelsi fyrir að keyra á barn Skýr krafa meðal lækna að hefja undirbúning verkfallsaðgerða Efnið tralopyril veldur eitrun í kræklingi Nú má heita Aster og Vestur Svandís tekur upp hanskann fyrir kennara Hlær að töfralausnum í dreifingu við of háu kortisóli Ragnar Þór býr sig undir harða baráttu Grímur undir feldi Sjálfstæðisflokkurinn skuldi kjósendum skýringar „Ekki góð þróun“ að flokkarnir drösli frægu fólki á listana Fjarlægja útilistaverkið Tíu sentímetra þarmur stóð út eftir stunguárás Reyndi að komast undan lögreglu en velti bifreiðinni Einkareknir grunnskólar möguleg lausn á brotnu kerfi „Ég hef alveg trú á að við komumst í gegnum þetta“ „Hræsnin á sér engin takmörk“ Jakob og Tómas einu oddvitar Flokks fólksins sem detta út Vill Sólveigu á lista Sjá meira