Ein­hleypan: Vand­ræða­legt þegar þeir eru giftir eða í sam­bandi

Spurð hvort hún eigi einhverja vandræðalega stefnumótasögu, segist Bjargey eiga efni í heila bók. 

„Ég held að ég sé komin langt með að skrifa heilt uppistand af vandræðalegum stefnumótum. Kannski ekki alltaf vandræðalegt fyrir mig en mjög vandræðalegt fyrir karlmenn þegar það kemst upp um að þeir eru nú þegar giftir eða í sambandi,“ segir Bjargey kímin:

„Annars held ég að fátt toppi það þegar ég fór á eitt stefnumót í sumar og deitið mitt fékk sér tattoo til minningar um mig daginn eftir. Hitti hann aldrei aftur eftir það en hann á líklega aldrei eftir að gleyma mér með þetta tattoo.“

Hér að neðan svarar Bjargey spurningum í viðtalsliðnum Einhlyepan.

Fullt nafn: Bjargey Ingólfsdóttir, Yin Yoga kennari og fararstjóri. Bý í miðbæ Reykjavíkur með börnunum mínum og Spora sem er 8 ára Havanese hundur.

Aldur: 42 ára

Starf: Yin Yoga kennari og fararstjóri, markaðsmál á samfélagsmiðlum og leiðbeinandi á námskeiðum. Hef kennt konum sjálfstyrkingu um árabil og stefni á að halda því áfram um ókomna tíð.

Menntun: B.A. félagsráðgjöf frá HÍ, Cranio Sacral meðferðaraðili frá Upledger, Yin Yoga kennari frá Eden Yoga og Yoga Alicia Casillas.

Áhugamál? Ferðalög, útivist og fjallgöngur, ljósmyndun, tíska og hönnun.

Gælunafn eða hliðarsjálf? It’s Britney bitch. Busy Bee er líka vinsælt gælunafn hjá mér.

Aldur í anda? Ekki deginum eldri en 25 ára.

Talar þú stundum um þig í þriðju persónu? Alveg örugglega.

Hvernig myndir þú lýsa þér í þremur orðum? Litrík, góðhjörtuð, lífsglöð.

Hvernig myndu vinir þínir lýsa þér í þremur orðum? Ég sendi þessa spurningu á vini og fékk þessi svör: Örlát, óhrædd, megabeib, extra og yfirnáttúruleg.

Býrðu yfir einhverjum leyndum hæfileikum? Já ég er mjög liðug sem ég myndi klárlega segja að væri leyndur hæfileiki.

Ég er líka fáránlega góð í því að laða að mér allt það góða sem ég vil hafa í lífinu mínu.

Ef þú værir dýr hvaða værir þú þá? Blettatígur á kvöldin en Svanur á morgnanna.

Hvað myndi sjálfsævisagan þín heita? Beðmál í borginni.

Ertu A eða B týpa? Svo mikil B manneskja að vinir mínir kalla mig Batgirl því ég vaki oft langt fram á nótt. Get ekki sagt að það sé kostur þegar ég þarf að vakna snemma!

Hvernig viltu eggin þín? Hrærð egg með miklum osti og djúsí grænmeti.

Hvernig viltu kaffið þitt? Kann ekki ennþá að drekka kaffi en elska koffín þannig að ég er mjög góð með Collab eða Mist á kantinum.

Guilty pleasure kvikmynd? Pretty Woman.

Einhver söngtexti sem þú hefur alltaf sungið vitlaust? Örugglega mjög margir þó ég telji mig svakalega góða í karaoke haha, vinkonur mínar eru líklega ekki sammála mér.

Hvað ertu að hámhorfa á? Sex and the City.

Hvaða bók lastu síðast? The Myth of Normal eftir Gabor Maté og Daniel Maté - mæli með henni.

Syngur þú í sturtu? Að sjálfsögðu, syng líka í bílnum.

Ef þú mættir velja einhverja þrjá einstaklinga úr sögunni (lífs eða liðna) til að bjóða í kvöldmat og spjall, hverja myndir þú velja?

Lady Gaga, Jonathan Van Ness og Oprah væru veisla.

Varstu skotin í einhverjum frægum þegar þú varst yngri? Já já Brad Pitt í Legends of the fall var auðvitað draumurinn

Hvað finnst þér leiðinlegast að gera? Borga reikninga því ég er mjög dýr í rekstri hahaha! En að öllu gríni slepptu þá er það leiðinlegasta sem ég geri að fara út með ruslið og ég reyni að koma mér undan því með allskonar ráðum.

Hvað finnst þér skemmtilegast að gera? Vera með krökkunum mínum sem eru mestu snillingar lífs míns, bjóða góðum vinum heim, ferðast, fara á tónleika, hanga í Vesturbæjarlauginni, kenna Yoga og gleyma mér í göngu um miðbæinn minn fallega, taka myndir og spjalla við skemmtilegt fólk.

Hvaða persónueiginleikar finnast þér heillandi? Heiðarleiki, húmor og sjálfstraust er mjög heillandi.

En óheillandi? Óheiðarleiki og neikvæðni.

Þegar þú ferð út að skemmta þér, á hvaða staði ferðu? Mér finnst mjög gaman að fara út að dansa og á tónleika svo ég fer mest á þá staði þar sem ég veit að það verður stuð. Ég hef líka gaman að því að kíkja á Petersen svítuna og á Gilligogg fyrir góðan kokteil.

Uppáhalds snjallforritið (e.app) þitt? Instagram og það getur verið gaman að skrolla smá á TikTok.

Ertu á stefnumótaforritum? Ég kíki af og til á Smitten en ég er meira fyrir það að spjalla við fólk í eigin persónu.

Draumastefnumótið? Fyrsta deit í mínum huga er alltaf bara að hittast í spjall og kynnast manneskjunni. Draumastefnumót er meira svona þegar þú vilt hafa tíma til að kynnast ennþá betur og þá væri æði að fara í gönguferð, smá slökun í náttúrulaug og borða saman. Vera einhverstaðar úti í náttúrunni og hafa gaman.

Hvað er ást? Að opna hjartað fyrir annarri manneskju og treysta henni fyrir því að elska þig fallega. Gefa og þiggja því lífið er betra með manneskju sem elskar þig fyrir það eitt að vera þú.

Ertu með einhvern bucket lista? Já heldur betur, draumalistinn er langur en ég er lifa drauminn hér og nú sem er að njóta lífsins og skapa minningar með fólkinu sem ég elska. Þeir hlutir sem eru ofarlega á listanum núna eru að skoða heiminn ennþá meira, fara til Thailands, fara á tónleika með Ólafi Arnalds, fá mér góða myndavél og taka fleiri myndir. Læra spænsku því ég vinn mikið á Spáni, opna mitt eigið Yoga Stúdíó.

 Kaupa mér síðan alla fallegu kjólana og skóna sem mig dreymir um að eiga og eiga fataskáp eins og Carrie Bradshaw í Sex and the City.

Hvar sérðu þig eftir tíu ár? Í miðbænum á Tjarnargötunni minni einu og sönnu með fallegu fjölskyldunni minni, að kenna Yoga, taka myndir og að ferðast um heiminn eins og ég geri í dag, einungis ríkari af fleira fólki sem ég á eftir að kynnast.

Einhleypan er fastur liður á Lífinu á Vísi. Endilega sendið ábendingar um einstaklinga sem gætu átt heima í Einhleypunni á svavam@stod2.is.