Maca jurtin styður ein­stak­lega vel við hormóna­jafn­vægi kvenna á breytinga­skeiðinu

Breytingaskeiðið er náttúrulegt ferli í lífi kvenna sem hefst þegar hormónajafnvægi líkamans breytist. Þetta ferli veldur minnkandi framleiðslu á estrógeni og prógesteróni, sem að lokum stöðvast. Allar konur ganga í gegnum breytingaskeiðið og er eðlilegt að upplifa ýmis einkenni þegar hormónastarfsemi líkamans breytist.

Vöntun á estrógeni er oft stór þáttur í einkennum, enda hafa nánast allar frumur líkamans móttakara fyrir þetta mikilvæga hormón. Estrógen hefur áhrif á marga þætti eins og heilann, hjartað, lifrina, húðina, slímhúðina, beinin og vöðvana. Það getur einnig haft áhrif á hitabreytingar, insúlínnæmi, minni, einbeitingu, líkamlega og andlega orku, kynhvöt, ónæmiskerfið og þarmaflóruna.

Maca fyrir konur á breytingaskeiðinu

Það eru mörg bætiefni á markaðnum sem miða að því að bæta líðan á breytingaskeiði, en ekki öll efni eru jöfn. Mikilvægt er að velja bætiefni sem eru studd af klínískum rannsóknum, eru af góðum gæðum og innihalda virk efni sem líkaminn getur auðveldlega nýtt sér.

Maca jurtin er eitt þessara bætiefna, sem Þorbjörg Hafsteins næringarþerapisti mælir sérstaklega með. Maca er samt ekki bara maca, heldur eru til margar tegundir sem hafa mismunandi virkni í líkamanum. Til dæmis getur ein tegund haft áhrif á orku, á meðan önnur vinnur gegn hitakófum og þurri slímhúð.

Maca er svokölluð aðlögunarjurt en rannsóknir hafa meðal annars sýnt fram á jákvæð áhrif hennar á hormónajafnvægi og nýrnahettur. Nýlegar rannsóknir hafa einnig leitt í ljós að maca hefur jákvæð áhrif á heilsu hjarta, æðakerfis og beina, auk kynlífsheilsu.

Femmenessence er sérstaklega hannað fyrir konur fyrir og eftir tíðahvörf

Femmenessence er bætiefnalína frá Symphony, sérstaklega þróuð með ákveðnum maca tegundum og studd af klínískum rannsóknum, sem hefur það að markmiði að styðja við hormónajafnvægi kvenna fyrir og eftir tíðahvörf.

Femmenessence Maca Life er samsetning af sérstökum maca týpum og er sérstaklega hannað fyrir konur fyrir tíðahvörf. Blandan hefur það að markmiði að virka á einkenni sem tengjast hormónabreytingum og breytilegri framleiðslu á hormónum á þessu skeiði lífsins.

Femmenessence Maca Pause er síðan sérstaklega hannað til að bæta hormóna framleiðslu kvenna eftir tíðahvörf. Þessi öfluga samsetning hefur það að markmiði að auka estrógen og prógesterón sem hefur þær afleiðingar að minnka m.a. orkuleysi og vanlíðan.

Þorbjörg mælir heilshugar með vörulínu Probi

Öflug þarmaflóra er forsenda heilbrigðar starfsemi meltingarfæranna ásamt því að hafa góð áhrif á ónæmis-, tauga- og hormónakerfið. Þorbjörg Hafsteinsdóttir hefur lengi notað vörulínu Probi og mælir heilshugar með henni fyrir alla.

Þarmaflóran spilar lykilhlutverk í lífi okkar og heilsu og hefur mikið að segja um heilsufar okkar alla ævi.

„Á námskeiðunum mínum um breytingaskeiðið og heilbrigði kvenna, mæli ég alltaf með góðgerlum. Ég tek sjálf Probi Original og það hefur gagnast mér mjög vel í mörg ár. Ég hef mikla trú á þessum gerlum, studd af vísindalegum rannsóknum, eigin reynslu og upplifun fjölda margra af mínum skjólstæðingum. Góð melting og heilbrigð þarmaflóra er svo mikilvæg fyrir heilsuna okkar.“

Vöndum valið á mjólkursýrugerlum

Mjólkursýrugerlar eru mikilvægar örverur í þarmaflórunni en þeir eru eins ólíkir og þeir eru margir og með mismunandi virkni. Mjólkursýrugerla má ýmist finna í fæðu og meltingarvegi mannsins en þeir hafa heilsueflandi áhrif á líkamann með því eða efla meltingu og frásog næringarefna.

Probi Original inniheldur gerilinn Lactobacillus plantarum 299V sem hefur eiginleika til að fjölga sér í meltingarvegi og hefur það að markmiði að draga úr óþægindum tengdum maga og meltingu. Þarmaflóran hefur mikil áhrif á okkur líkamlega sem og andlega en meðal annars ver hún okkur gegn óæskilegum örverum og sýklum og hefur margskonar jákvæð áhrif á heilsu okkar almennt og því er mikilvægt að huga alltaf vel að henni.