Fótbolti

Eiður Smári sá son sinn leggja upp mark á móti Chelsea

Ágúst Orri Arnarson skrifar
Eiður Smári og Sveinn Aron Guðjohnsen sáust í stúkunni á Stamford Bridge. 
Eiður Smári og Sveinn Aron Guðjohnsen sáust í stúkunni á Stamford Bridge.  Nico Vereecken / Photonews via Getty Images

Eiður Smári Guðjohnsen var staddur í stúkunni á Stamford Bridge ásamt syni sínum Sveini Aroni í gær þegar Chelsea vann 4-2 gegn Gent. Annar sonur hans, Andri Lucas, lagði upp fyrra mark gestanna.

Eiður er mikil goðsögn hjá Chelsea, varð Englandsmeistari tvisvar og bikarmeistari. Hann lék í heildina 263 leiki fyrir félagið, skoraði 78 mörk og gaf 40 stoðsendingar á rúmu sex ára tímabili frá 2000 til ársins 2006 en þá lá leið hans til Barcelona.

Andri Lucas faðmar föður sinn árið 2005 eftir að Englandsmeistaratitillinn fór á loft.Mike Egerton - PA Images via Getty Images

Andri Lucas er fæddur árið 2002 og var í fangi föður síns þegar titlunum var fagnað á sínum tíma.

Guðjohnsen feðgarnir gátu því rifjað upp góðar minningar í gær, þó úrslitin hafi ekki verið Andra í hag. 

Andri Lucas hefur aðeins breyst frá því hann sást síðast opinberlega á Brúnni.vísir / getty

Yngsti sonur Eiðs, Daníel Tristan, gat ekki verið viðstaddur þar sem hann var sjálfur á bekknum í Sambandsdeildarleik hjá liði sínu Malmö, sem spilaði gegn Qarabag. Sveinn Aron leikur með Sarpsborg í Noregi, sem á ekki leik næst fyrr en 20. október.

Ungur Sveinn Aron rekur boltann með Andra Lucas í bakgrunn (til vinstri á mynd). Daníel Tristan fæddist ekki fyrr en tveimur árum síðar.Mike Egerton - PA Images via Getty Images
Sambandsdeild Evrópu

Mest lesið


Fleiri fréttir

Sjá meira


×

Mest lesið