Verður fram­kvæmda­stjóri á hug­búnaðar­sviði Origo

Í tilkynningu kemur fram að Árni Geir hafi víðtæka reynslu af stjórnun í hugbúnaðarþróun og rekstri. 

„Hann starfaði áður hjá Íslandsbanka frá árinu 2011 þar sem hann var forstöðumaður stafrænnar þróunar á upplýsingatæknisviði, ásamt því að bera ábyrgð á tækniframþróun og tæknihögun, bæði í þróun og rekstri. Fyrir það vann Árni við hugbúnaðarþróun og rekstur hjá Tern Systems, VIJV og Oz.

Árni er með B.Sc. gráðu í tölvunarfræði frá Háskólanum í Reykjavík og M.Sc. gráðu í verkfræði með áherslu á máltækni og gervigreind frá Álaborgarháskóla,“ segir í tilkynningunni. 

Origo er þekkingar- og nýsköpunarfyrirtæki í upplýsingatækni. Fyrirtækið veitir rekstrarþjónustu, þróar hugbúnað og er samstarfsaðili fyrirtækja í stafrænni vegferð. Hjá Origo starfa yfir þrjú hundruð manns.