Hafa unnið alla leiki á móti Fram í heilan ára­tug

Blikar unnu fyrri leik liðanna 4-1 í maí. Það var sjötti sigurleikur Breiðabliks í röð á móti Fram í efstu deild.

Frá því að Breiðablik vann 3-0 sigur á Fram 18. ágúst 2014 þá hefur Kópavogsliðið unnið alla deildarleiki liðanna í heilan áratug.

Framarar náðu síðast stigi á móti Breiðabliki í 1-1 jafntefli í maí 2014 en þeir hafa ekki unnið Blika í efstu deild karla í tæp ellefu ár.

Síðasti sigur Fram á Breiðabliki kom 16. september 2013 þegar Framarar unnu 2-1 sigur í Kópavoginum með mörkum Almars Ormarssonar og Kristins Inga Halldórssonar. Síðasti Framþjálfarinn til að vinna Blika var Ríkharður Daðason.

Leikur Breiðabliks og Fram hefst klukkan 19.15 og verður sýndur beint á Bestu deildar rás Stöðvar 2 Sport.