„Ljóst að staðan er mjög strembin“ Jón Þór Stefánsson skrifar 23. júlí 2024 23:08 Bæði Play og Icelandair hafa fallið frá afkomuspám sínum. Vísir/Vilhelm Staða flugfélagsins Play er mjög strembin og þá er rekstrarafkoma Icelandair döpur um þessar mundir. Þetta sagði Hörður Ægisson, ristjóri Innherja, í kvöldfréttum Stöðvar 2 í kvöld. Hlutabréfaverð Play féll um tæplega tuttugu prósent í dag eftir að afkomuspá félagsins var felld úr gildi vegna óvissu í rekstri. Icelandair gerði það sama í maí og vísaði í endurtekin eldgos og minni eftirpsurn. „Það hafa auðvitað verið miklar væringar á flugmarkaðinum undanfarna mánuði og misseri. Samhliða því erum við að sjá blikur á lofti í ferðaþjónustunni í miklu minni komu ferðamanna til landsins heldur en búist var við og það er augljóslega að bitna á flugfélögunum.“ „Gengi Play hefur lækkað um níutíu prósent á einu ári. Icelandair um ríflega sextíu prósent. Það eru bara hartnær fjórir mánuðir síðan Play var að styrkja sína stöðu með því að sækja sér nýtt hlutafé upp á fjóra og hálfan milljarð króna.“ Hörður segir að þetta hlutafé hafi meðal annars verið fengið á grunni áætlana um að Play yrði rekið á núlli á þessu ári. „Nú sjáum við að það er ekki að ganga upp eftir að afkomuspáin var felld úr gildi.“ Mörgum hafi þótt þessi fjórir og hálfur milljarður vera heldur lág upphæð á sínum tíma í ljósi óvissu og erfiðs rekstrarumhverfis. Hörður segir að það ætti ekki að koma fólki á óvart reyni Play að fara í aðra fjármögnun aftur á þessu ári. Hörður segir þó að staða félagsins muni skýrast betur á fimmtudaginn þegar Play birti uppgjör annars ársfjórðungs. „En það er ljóst að staðan er mjög strembin hjá félaginu, líkt og á við um mörg flugfélög um þessar mundir.“ Að sögn hans er mikilvægt að hafa í huga að lausafjárstaða Play hafi verið um fimmtíu milljónir Bandaríkjadala í lok fyrsta ársfjórðungs, en að sjóðstaðan batni yfirleitt í tilfellum flugfélaga á mánuðum sem komi þar á eftir vegna þess að þá er fólk að bóka flug. „Þannig ég myndi halda að staðan hvað það varðar sé núna sterkari.“ Staðan snúist hins vegar við á seinni árshelmingi þegar sjóðstreymið er lakara samhliða því að það dregur úr kaupum á flugmiðum. Aukið framboð á flugsætum yfir Atlantshafið vegna mikillar samkeppni á sama tíma og eftirspurnin er minni en í fyrra hefur þýtt að flugfargjöld hafa lækkað, sem hefur haft mikil áhrif á afkomu íslensku flugfélaganna. „Eins og við sáum skýrt í uppgjöri Icelandair í síðustu viku. Tekjur þeirra á hvern floginn sætiskílómetra, sem er lykilmælikvarði hjá flugfélögunum, eru að minnka. Það þýðir að rekstrarafkoman er afskaplega döpur um þessar mundir.“ Það að bæði Play og Icelandair séu búin að draga afkomuspár sínar úr gildi er að sögn Harðar til marks um þá miklu óvissu sem er á markaðinum. Icelandair treysti sér ekki til að birta nýja útkomuspá vegna óvissu í utanaðkomandi aðstæðum og minni eftirspurnar. Slíkt einskorðist þó ekki bara við Ísland en Hörður nefnir að sambærilegt sé uppi á teningnum hjá Ryanair, risa í lággjaldaflugi. Hlutabréfaverð Ryanair lækkaði þannig um liðlega 17 prósent síðasta fimmtudag eftir að félagið birti uppgjör sitt fyrir annan fjórðung sem sýndi að hagnaðurinn skrapp saman um nærri helming milli ára. Forstjórinn Micheal O´Leary benti á að flugfargjöld yrðu nokkuð lægri í sumar en á sama tíma fyrir ári, en þar spilar meðal annars inn í minnkandi ferðamannastraumur. Fréttir af flugi Icelandair Play Tengdar fréttir Play sér ekki tilefni til að breyta afkomuspánni þrátt fyrir aukna samkeppni Mikil samkeppni er frá alþjóðlegum flugfélögum í flugi yfir Atlantshafið í sumar með tilheyrandi þrýstingi til lækkunar á flugfargjöldum, að sögn forstjóra Play, en vegna ýmissa aðgerða sem hefur verið ráðist í til að mæta krefjandi rekstrarumhverfi telur félagið ekki tilefni til að fylgja í fótspor Icelandair og breyta afkomuspá sinni fyrir þetta ár. Hlutabréfaverð Play hefur fallið skarpt síðustu tvo viðskiptadaga og er tæplega fimmtíu prósentum lægra miðað við útboðsgengið í nýlega afstaðinni hlutafjáraukningu. 30. maí 2024 11:05 Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Fær bætur vegna brúnu blettanna í mottunni Neytendur Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Vefsíðan hrundi innan tuttugu mínútna Elstu starfandi fiskbúð höfuðborgarsvæðisins skellt í lás Skildu fullar körfur eftir vegna bilunar Verðbólga fari undir fimm prósent í lok árs Hagkaup hefur áfengissölu í dag Ráðinn fjárfestatengill Icelandair Veðjuðu næst mest allra Evrópuþjóða Þungur róður hjá Samstöðinni Ráðin framkvæmdastjóri VSB verkfræðistofu Flugrisar funda í Hörpu vegna seinkana og aflýsinga Farþegafjöldinn í ágúst svipaður og á síðasta ári Kveður ostasnakkið fyrir Wolt Félagar opna Fiskbúðina við Sundlaugaveg á ný Eyrún og Þorgils til SI Play bætir við áfangastað í Króatíu Stefnt á 41 milljarðs króna hallarekstur ríkissjóðs Matorka fékk samþykkta greiðslustöðvun Hlutur Skeljar stækkar eftir áreiðanleikakönnun Öllu starfsfólki Northern Light Inn sagt upp Kristrún Lilja stýrir nýju sviði hjá Orkuveitunni Mannlíf sektað vegna tóbaksauglýsinga Bónus og Jysk ríða á vaðið í Korputúni Sætanýtingin aldrei verið betri Gerður í Blush orðlaus yfir auglýsingum Play Fimm ára samningar heyra sögunni til hjá Ölmu Samið um kaup bankans á Arngrimsson Advisors Eigandi BL tekur við forstjórastólnum á nýjan leik Tekur við stöðu framkvæmdastjóra Crowberry Capital Pipar/TBWA eflir samskiptateymið Farþegum fjölgaði um tíu prósent í ágúst Sjá meira
Hlutabréfaverð Play féll um tæplega tuttugu prósent í dag eftir að afkomuspá félagsins var felld úr gildi vegna óvissu í rekstri. Icelandair gerði það sama í maí og vísaði í endurtekin eldgos og minni eftirpsurn. „Það hafa auðvitað verið miklar væringar á flugmarkaðinum undanfarna mánuði og misseri. Samhliða því erum við að sjá blikur á lofti í ferðaþjónustunni í miklu minni komu ferðamanna til landsins heldur en búist var við og það er augljóslega að bitna á flugfélögunum.“ „Gengi Play hefur lækkað um níutíu prósent á einu ári. Icelandair um ríflega sextíu prósent. Það eru bara hartnær fjórir mánuðir síðan Play var að styrkja sína stöðu með því að sækja sér nýtt hlutafé upp á fjóra og hálfan milljarð króna.“ Hörður segir að þetta hlutafé hafi meðal annars verið fengið á grunni áætlana um að Play yrði rekið á núlli á þessu ári. „Nú sjáum við að það er ekki að ganga upp eftir að afkomuspáin var felld úr gildi.“ Mörgum hafi þótt þessi fjórir og hálfur milljarður vera heldur lág upphæð á sínum tíma í ljósi óvissu og erfiðs rekstrarumhverfis. Hörður segir að það ætti ekki að koma fólki á óvart reyni Play að fara í aðra fjármögnun aftur á þessu ári. Hörður segir þó að staða félagsins muni skýrast betur á fimmtudaginn þegar Play birti uppgjör annars ársfjórðungs. „En það er ljóst að staðan er mjög strembin hjá félaginu, líkt og á við um mörg flugfélög um þessar mundir.“ Að sögn hans er mikilvægt að hafa í huga að lausafjárstaða Play hafi verið um fimmtíu milljónir Bandaríkjadala í lok fyrsta ársfjórðungs, en að sjóðstaðan batni yfirleitt í tilfellum flugfélaga á mánuðum sem komi þar á eftir vegna þess að þá er fólk að bóka flug. „Þannig ég myndi halda að staðan hvað það varðar sé núna sterkari.“ Staðan snúist hins vegar við á seinni árshelmingi þegar sjóðstreymið er lakara samhliða því að það dregur úr kaupum á flugmiðum. Aukið framboð á flugsætum yfir Atlantshafið vegna mikillar samkeppni á sama tíma og eftirspurnin er minni en í fyrra hefur þýtt að flugfargjöld hafa lækkað, sem hefur haft mikil áhrif á afkomu íslensku flugfélaganna. „Eins og við sáum skýrt í uppgjöri Icelandair í síðustu viku. Tekjur þeirra á hvern floginn sætiskílómetra, sem er lykilmælikvarði hjá flugfélögunum, eru að minnka. Það þýðir að rekstrarafkoman er afskaplega döpur um þessar mundir.“ Það að bæði Play og Icelandair séu búin að draga afkomuspár sínar úr gildi er að sögn Harðar til marks um þá miklu óvissu sem er á markaðinum. Icelandair treysti sér ekki til að birta nýja útkomuspá vegna óvissu í utanaðkomandi aðstæðum og minni eftirspurnar. Slíkt einskorðist þó ekki bara við Ísland en Hörður nefnir að sambærilegt sé uppi á teningnum hjá Ryanair, risa í lággjaldaflugi. Hlutabréfaverð Ryanair lækkaði þannig um liðlega 17 prósent síðasta fimmtudag eftir að félagið birti uppgjör sitt fyrir annan fjórðung sem sýndi að hagnaðurinn skrapp saman um nærri helming milli ára. Forstjórinn Micheal O´Leary benti á að flugfargjöld yrðu nokkuð lægri í sumar en á sama tíma fyrir ári, en þar spilar meðal annars inn í minnkandi ferðamannastraumur.
Fréttir af flugi Icelandair Play Tengdar fréttir Play sér ekki tilefni til að breyta afkomuspánni þrátt fyrir aukna samkeppni Mikil samkeppni er frá alþjóðlegum flugfélögum í flugi yfir Atlantshafið í sumar með tilheyrandi þrýstingi til lækkunar á flugfargjöldum, að sögn forstjóra Play, en vegna ýmissa aðgerða sem hefur verið ráðist í til að mæta krefjandi rekstrarumhverfi telur félagið ekki tilefni til að fylgja í fótspor Icelandair og breyta afkomuspá sinni fyrir þetta ár. Hlutabréfaverð Play hefur fallið skarpt síðustu tvo viðskiptadaga og er tæplega fimmtíu prósentum lægra miðað við útboðsgengið í nýlega afstaðinni hlutafjáraukningu. 30. maí 2024 11:05 Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Fær bætur vegna brúnu blettanna í mottunni Neytendur Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Vefsíðan hrundi innan tuttugu mínútna Elstu starfandi fiskbúð höfuðborgarsvæðisins skellt í lás Skildu fullar körfur eftir vegna bilunar Verðbólga fari undir fimm prósent í lok árs Hagkaup hefur áfengissölu í dag Ráðinn fjárfestatengill Icelandair Veðjuðu næst mest allra Evrópuþjóða Þungur róður hjá Samstöðinni Ráðin framkvæmdastjóri VSB verkfræðistofu Flugrisar funda í Hörpu vegna seinkana og aflýsinga Farþegafjöldinn í ágúst svipaður og á síðasta ári Kveður ostasnakkið fyrir Wolt Félagar opna Fiskbúðina við Sundlaugaveg á ný Eyrún og Þorgils til SI Play bætir við áfangastað í Króatíu Stefnt á 41 milljarðs króna hallarekstur ríkissjóðs Matorka fékk samþykkta greiðslustöðvun Hlutur Skeljar stækkar eftir áreiðanleikakönnun Öllu starfsfólki Northern Light Inn sagt upp Kristrún Lilja stýrir nýju sviði hjá Orkuveitunni Mannlíf sektað vegna tóbaksauglýsinga Bónus og Jysk ríða á vaðið í Korputúni Sætanýtingin aldrei verið betri Gerður í Blush orðlaus yfir auglýsingum Play Fimm ára samningar heyra sögunni til hjá Ölmu Samið um kaup bankans á Arngrimsson Advisors Eigandi BL tekur við forstjórastólnum á nýjan leik Tekur við stöðu framkvæmdastjóra Crowberry Capital Pipar/TBWA eflir samskiptateymið Farþegum fjölgaði um tíu prósent í ágúst Sjá meira
Play sér ekki tilefni til að breyta afkomuspánni þrátt fyrir aukna samkeppni Mikil samkeppni er frá alþjóðlegum flugfélögum í flugi yfir Atlantshafið í sumar með tilheyrandi þrýstingi til lækkunar á flugfargjöldum, að sögn forstjóra Play, en vegna ýmissa aðgerða sem hefur verið ráðist í til að mæta krefjandi rekstrarumhverfi telur félagið ekki tilefni til að fylgja í fótspor Icelandair og breyta afkomuspá sinni fyrir þetta ár. Hlutabréfaverð Play hefur fallið skarpt síðustu tvo viðskiptadaga og er tæplega fimmtíu prósentum lægra miðað við útboðsgengið í nýlega afstaðinni hlutafjáraukningu. 30. maí 2024 11:05