Hörður Ellert dæmdur fyrir ítrekuð brot gegn stjúpdóttur sinni Árni Sæberg skrifar 28. júní 2024 08:43 Landsréttur kvað upp dóm í málinu í gær. Vísir/Vilhelm Hörður Ellert Ólafsson, frumkvöðull og ljósmyndari, hefur verið dæmdur í þriggja og hálfs árs fangelsi fyrir kynferðisbrot gegn dóttur þáverandi sambýliskonu sinnar. Þegar stúlkan var níu til tólf ára braut hann margítrekað gegn henni, meðal annars með því að láta hana veita honum munnmök. Hann fékk síma stúlkunnar afhentan hjá lögreglu á meðan málið var til rannsóknar og fékk nálgunarbann á föður hennar um tíma. Þetta segir í dómi Landsréttar, sem kveðinn var upp í gær. Hörður Ellert er ekki nafngreindur í dóminum en samkvæmt heimildum Vísis er um hann að ræða. DV greindi fyrst frá. Í dóminum segir að Hörður Ellert, sem hefur í gegnum tíðina komið að stofnun og rekstri þónokkurra fyrirtækja, þar á meðal Inhouse, Nostra veitingahúss, Mótherja og Syndis, verið ákærður fyrir að hafa á árunum 2016 til 2019 í ótilgreindan fjölda skipta með ólögmætri nauðung haft við stúlkuna önnur kynferðismök en samræði með því að setja fingur inn í leggöng hennar, getnaðarlim sinn á milli læra hennar og viðhafa samfarahreyfingar, sleikja kynfæri hennar, nudda kynfæri hennar og fróa sér á meðan og í eitt skipti látið hana veita sér munnmök. Þá hafi hann sýnt stúlkunni klámmyndir og tekið myndir af kynfærum hennar í eitt skipti. Sneri við dómi héraðsdóms Hörður Ellert var sýknaður af öllum kröfum ákæruvaldsins og einkaréttarkröfu stúlkunnar var vísað frá með dómi Héraðsdóms Reykjavíkur í júní í fyrra. Þá taldi héraðsdómur að framburður stúlkunnar, sem þó hefði verið trúverðugur, hefði ekki þá stoð að nægði til að sakfella Hörð Ellert gegn eindreginni neitun hans. Í dómi Landsréttar kemur fram að framburður stúlkunnar hefði frá upphafi verið skýr, stöðugur og án mótsagna. Frásögn hennar hefði verið einlæg, ýkjulaus og sannfærandi og yrði ekki séð að framburður hennar væri í ósamræmi við framburð annarra vitna eða gögn málsins. Framburður Harðar Ellerts fengi hins vegar takmarkaða stoð í framburðum vitna og gögnum málsins sem rýrði trúverðugleika hans og sönnunargildi. Trúverðugur framburður stúlkunnar hafi verið lagður til grundvallar við úrlausn málsins þrátt fyrir eindregna neitun Harðar Ellerts. Hann hafi því verið sakfelldur fyrir þá háttsemi sem honum var gefin að sök í ákæru. Þegar gagnrýnd málsmeðferð Herði til refsimildunar Í dóminum segir að við ákvörðun refsingar Harðar Ellerts hafi verið litið til þess að hann hefði ekki áður hlotið refsidóm og dráttur hefði orðið á málinu, sem honum yrði ekki kennt um, honum til refsimildunar. Fréttastofa ræddi við Helgu Baldvins Bjargardóttur, réttargæslumann stúlkunnar, í janúar árið 2019. Hún gagnrýndi vinnubrögð lögreglu og ákæruvaldsins harðlega og sagði ekki boðlegt að réttarkerfið gæti ekki unnið úr málum án þess að valda brotaþolum skaða. Stúlkan hefði þurft að bíða í nærri tvö ár án ákæru og lögreglan hafi á þeim tíma afhent Herði Ellerti síma stúlkunnar. Í dóminum segir að hins vegar hafi verið litið til þess að Hörður Ellert hefði nýtt sér yfirburðastöðu sína gagnvart stúlkunni, sem var á barnsaldri, og misnotað sem stjúpfaðir hennar traust stúlkunnar og trúnað um þriggja ára skeið. Þessi háttsemi Harðar Ellerts bæri vott um styrkan og einbeittan ásetning hans. Þá bæru gögnmálsins með sér að háttsemi hans hefði haft alvarlegar afleiðingar fyrir heilsu stúlkunnar. Samkvæmt þessu væri refsing Harðar Ellerts hæfilega ákveðin þriggja og hálfs árs óskilorðsbundin fangelsisvist. Þá var dómur héraðsdóms ómerktur hvað einkaréttarkröfu stúlkunnar varðar og vísað heim í hérað til efnismeðferðar. Loks var Hörður Ellert dæmdur til greiðslu alls sakarkostnaðar í héraði og fyrir Landsrétti, 5,3 milljónir króna. Fékk nálgunarbann á föður og bróður stúlkunnar Í janúar árið 2023 staðfesti Landsréttur úrskurð Héraðsdóms Reykjavíkur um nálgunarbann á hendur manni sem ítrekað hafði haft uppi grófar hótanir, þar á meðal líflátshótanir, í garð annars manns og fjölskyldu hans. Samkvæmt heimildum Vísis er sá sem hótaði faðir stúlkunnar og sá sem fyrir hótunum varð Hörður Ellert. Héraðsdómur Reykjavíkur úrskurðaði annan mann, eldri bróður stúlkunnar, í nálgunarbann vegna málsins. Hann var grunaður um að hafa ráðist á Hörð Ellert í október árið 2022. Landsréttur felldi þann úrskurð hins vegar úr gildi. Kynferðisofbeldi Dómsmál Mest lesið Ölvaður ökumaður keyrði á umferðareyju og reyndi að flýja Innlent „Hreint og klárt vistmorð sem hér á sér stað“ Innlent Allt að tuttugu stiga hiti í dag Veður N1-mót og Dyrfjallahlaup í skítaveðri Innlent Útilokar ekki kosningu en Jón vill kjósa áður en það verður of seint Innlent Lögregla vopnaðist og skotvopn haldlagt Innlent Segir Akranes verða svefnbæ Innlent Miklar framkvæmdir á Kirkjubæjarklaustri fyrir unga fólkið Innlent Eldur kviknaði inni á veitingastað í Ármúla Innlent Reikna með að hefja formlegar sameiningarviðræður í haust Innlent Fleiri fréttir Egill syrgir brottvísun vina sinna Þyrla kölluð út vegna bifhjólaslyss á Vestfjörðum Segir Akranes verða svefnbæ Útilokar ekki kosningu en Jón vill kjósa áður en það verður of seint Íbúum í Árborg fjölgar um 600 til 700 á ári Reikna með að hefja formlegar sameiningarviðræður í haust Annríkt hjá lögreglu á stærsta degi Írskra daga Lögregluaðgerðir í Rangárþingi og sameining Skorradals og Borgarbyggðar Lögregla vopnaðist og skotvopn haldlagt Ölvaður ökumaður keyrði á umferðareyju og reyndi að flýja Miklar framkvæmdir á Kirkjubæjarklaustri fyrir unga fólkið Slökkviliðið kallað út vegna reyks á skemmtistað Sjö gistu fangageymslur á höfuðborgarsvæðinu í nótt Eldur kviknaði inni á veitingastað í Ármúla N1-mót og Dyrfjallahlaup í skítaveðri „Hreint og klárt vistmorð sem hér á sér stað“ Tveir í haldi lögreglu vegna meintrar skotárásar Yfirgáfu skarkalann í borginni og gerðust ferðaþjónustubændur Uppgjöf eftir áratugabaráttu við kerfið og meint skotárás í Þykkvabæ Fannst fyrir botni Birnudals Segir menn hafa skotið á gröfumann við vinnu Fluttu sex á slysadeild eftir harðan árekstur í Breiðholti Umdeild starfsemi hafi ekki áhrif á neysluvatn íbúa Mikil stemning á Goslokahátíð í Vestmannaeyjum Göngumaðurinn fannst látinn „Ótrúlegt hvað er hægt ef maður hefur hugmyndaflugið“ 30 tilvik skráð: „Alltaf einhverjir sem fara út af sporinu“ Nýjar stofnanir hafi aðsetur á landsbyggðinni Maður handtekinn tvisvar í nótt fyrir sama brot Ná að stytta biðlista og kynjaskipta meðferðinni Sjá meira
Þetta segir í dómi Landsréttar, sem kveðinn var upp í gær. Hörður Ellert er ekki nafngreindur í dóminum en samkvæmt heimildum Vísis er um hann að ræða. DV greindi fyrst frá. Í dóminum segir að Hörður Ellert, sem hefur í gegnum tíðina komið að stofnun og rekstri þónokkurra fyrirtækja, þar á meðal Inhouse, Nostra veitingahúss, Mótherja og Syndis, verið ákærður fyrir að hafa á árunum 2016 til 2019 í ótilgreindan fjölda skipta með ólögmætri nauðung haft við stúlkuna önnur kynferðismök en samræði með því að setja fingur inn í leggöng hennar, getnaðarlim sinn á milli læra hennar og viðhafa samfarahreyfingar, sleikja kynfæri hennar, nudda kynfæri hennar og fróa sér á meðan og í eitt skipti látið hana veita sér munnmök. Þá hafi hann sýnt stúlkunni klámmyndir og tekið myndir af kynfærum hennar í eitt skipti. Sneri við dómi héraðsdóms Hörður Ellert var sýknaður af öllum kröfum ákæruvaldsins og einkaréttarkröfu stúlkunnar var vísað frá með dómi Héraðsdóms Reykjavíkur í júní í fyrra. Þá taldi héraðsdómur að framburður stúlkunnar, sem þó hefði verið trúverðugur, hefði ekki þá stoð að nægði til að sakfella Hörð Ellert gegn eindreginni neitun hans. Í dómi Landsréttar kemur fram að framburður stúlkunnar hefði frá upphafi verið skýr, stöðugur og án mótsagna. Frásögn hennar hefði verið einlæg, ýkjulaus og sannfærandi og yrði ekki séð að framburður hennar væri í ósamræmi við framburð annarra vitna eða gögn málsins. Framburður Harðar Ellerts fengi hins vegar takmarkaða stoð í framburðum vitna og gögnum málsins sem rýrði trúverðugleika hans og sönnunargildi. Trúverðugur framburður stúlkunnar hafi verið lagður til grundvallar við úrlausn málsins þrátt fyrir eindregna neitun Harðar Ellerts. Hann hafi því verið sakfelldur fyrir þá háttsemi sem honum var gefin að sök í ákæru. Þegar gagnrýnd málsmeðferð Herði til refsimildunar Í dóminum segir að við ákvörðun refsingar Harðar Ellerts hafi verið litið til þess að hann hefði ekki áður hlotið refsidóm og dráttur hefði orðið á málinu, sem honum yrði ekki kennt um, honum til refsimildunar. Fréttastofa ræddi við Helgu Baldvins Bjargardóttur, réttargæslumann stúlkunnar, í janúar árið 2019. Hún gagnrýndi vinnubrögð lögreglu og ákæruvaldsins harðlega og sagði ekki boðlegt að réttarkerfið gæti ekki unnið úr málum án þess að valda brotaþolum skaða. Stúlkan hefði þurft að bíða í nærri tvö ár án ákæru og lögreglan hafi á þeim tíma afhent Herði Ellerti síma stúlkunnar. Í dóminum segir að hins vegar hafi verið litið til þess að Hörður Ellert hefði nýtt sér yfirburðastöðu sína gagnvart stúlkunni, sem var á barnsaldri, og misnotað sem stjúpfaðir hennar traust stúlkunnar og trúnað um þriggja ára skeið. Þessi háttsemi Harðar Ellerts bæri vott um styrkan og einbeittan ásetning hans. Þá bæru gögnmálsins með sér að háttsemi hans hefði haft alvarlegar afleiðingar fyrir heilsu stúlkunnar. Samkvæmt þessu væri refsing Harðar Ellerts hæfilega ákveðin þriggja og hálfs árs óskilorðsbundin fangelsisvist. Þá var dómur héraðsdóms ómerktur hvað einkaréttarkröfu stúlkunnar varðar og vísað heim í hérað til efnismeðferðar. Loks var Hörður Ellert dæmdur til greiðslu alls sakarkostnaðar í héraði og fyrir Landsrétti, 5,3 milljónir króna. Fékk nálgunarbann á föður og bróður stúlkunnar Í janúar árið 2023 staðfesti Landsréttur úrskurð Héraðsdóms Reykjavíkur um nálgunarbann á hendur manni sem ítrekað hafði haft uppi grófar hótanir, þar á meðal líflátshótanir, í garð annars manns og fjölskyldu hans. Samkvæmt heimildum Vísis er sá sem hótaði faðir stúlkunnar og sá sem fyrir hótunum varð Hörður Ellert. Héraðsdómur Reykjavíkur úrskurðaði annan mann, eldri bróður stúlkunnar, í nálgunarbann vegna málsins. Hann var grunaður um að hafa ráðist á Hörð Ellert í október árið 2022. Landsréttur felldi þann úrskurð hins vegar úr gildi.
Kynferðisofbeldi Dómsmál Mest lesið Ölvaður ökumaður keyrði á umferðareyju og reyndi að flýja Innlent „Hreint og klárt vistmorð sem hér á sér stað“ Innlent Allt að tuttugu stiga hiti í dag Veður N1-mót og Dyrfjallahlaup í skítaveðri Innlent Útilokar ekki kosningu en Jón vill kjósa áður en það verður of seint Innlent Lögregla vopnaðist og skotvopn haldlagt Innlent Segir Akranes verða svefnbæ Innlent Miklar framkvæmdir á Kirkjubæjarklaustri fyrir unga fólkið Innlent Eldur kviknaði inni á veitingastað í Ármúla Innlent Reikna með að hefja formlegar sameiningarviðræður í haust Innlent Fleiri fréttir Egill syrgir brottvísun vina sinna Þyrla kölluð út vegna bifhjólaslyss á Vestfjörðum Segir Akranes verða svefnbæ Útilokar ekki kosningu en Jón vill kjósa áður en það verður of seint Íbúum í Árborg fjölgar um 600 til 700 á ári Reikna með að hefja formlegar sameiningarviðræður í haust Annríkt hjá lögreglu á stærsta degi Írskra daga Lögregluaðgerðir í Rangárþingi og sameining Skorradals og Borgarbyggðar Lögregla vopnaðist og skotvopn haldlagt Ölvaður ökumaður keyrði á umferðareyju og reyndi að flýja Miklar framkvæmdir á Kirkjubæjarklaustri fyrir unga fólkið Slökkviliðið kallað út vegna reyks á skemmtistað Sjö gistu fangageymslur á höfuðborgarsvæðinu í nótt Eldur kviknaði inni á veitingastað í Ármúla N1-mót og Dyrfjallahlaup í skítaveðri „Hreint og klárt vistmorð sem hér á sér stað“ Tveir í haldi lögreglu vegna meintrar skotárásar Yfirgáfu skarkalann í borginni og gerðust ferðaþjónustubændur Uppgjöf eftir áratugabaráttu við kerfið og meint skotárás í Þykkvabæ Fannst fyrir botni Birnudals Segir menn hafa skotið á gröfumann við vinnu Fluttu sex á slysadeild eftir harðan árekstur í Breiðholti Umdeild starfsemi hafi ekki áhrif á neysluvatn íbúa Mikil stemning á Goslokahátíð í Vestmannaeyjum Göngumaðurinn fannst látinn „Ótrúlegt hvað er hægt ef maður hefur hugmyndaflugið“ 30 tilvik skráð: „Alltaf einhverjir sem fara út af sporinu“ Nýjar stofnanir hafi aðsetur á landsbyggðinni Maður handtekinn tvisvar í nótt fyrir sama brot Ná að stytta biðlista og kynjaskipta meðferðinni Sjá meira