Byrjunar­liðið gegn Austur­ríki: Tvær breytingar og allar á skýrslu

Leiðindamistök gerðu það að verkum að tveir leikmenn, Kristín Dís Árnadóttir og Selma Sól Magnúsdóttir, þurftu að sitja uppi í stúku þegar Ísland gerði 1-1 jafntefli við Austurríki síðasta föstudag.

Skýrslan skilaði sér rétt inn í þetta sinn og allir 23 leikmenn hópsins eru á skrá. 

Það er spilað snart í þessari undankeppni og stutt síðan síðasti leikur fór fram úti í Austurríki á föstudag. Þorsteinn tilkynnti þær gleðifréttir á blaðamannafundi í gær að allir leikmenn hafi komið heilir út úr fyrri leiknum og engin meiðsli eða eymsli væri að finna í hópnum. 

Tvær breytingar eru gerðar á liðinu frá því í síðasta leik. Selma Sól Magnúsdóttir kemur inn fyrir Alexöndru Jóhannsdóttur og Hlín Eiríksdóttir kemur inn fyrir Diljá Ýr Zomers. Liðið má sjá hér að neðan:

• 1. Fanney Inga Birkisdóttir
• 3. Sandra María Jessen
• 4. Glódís Perla Viggósdóttir (fyrirliði)
• 6. Ingibjörg Sigurðardóttir
• 7. Selma Sól Magnúsdóttir
• 10. Karólína Lea Vilhjálmsdóttir
• 14. Hlín Eiríksdóttir
• 16. Hildur Antonsdóttir
• 18. Guðrún Arnardóttir
• 20. Guðný Árnadóttir
• 23. Sveindís Jane Jónsdóttir

Sigur í kvöld hefði mikið vægi fyrir Ísland sem stefnir á sitt fimma Evrópumót í röð. 

Leikurinn hefst klukkan 19:30 á Laugardalsvelli og verður í beinni textalýsingu á Vísi.