Grátbiðja borgarstjórana um að bjarga „einstæðu listaverki Guðjóns“ Kolbeinn Tumi Daðason skrifar 22. apríl 2024 10:24 Dagur B. Eggertsson og Einar Þorsteinsson við borgarstjóraskiptin í janúar. Vísir/Einar Fastagestir og velunnarar Sundhallarinnar í Reykjavík biðla til borgarstjóra um að falla frá fyrirhuguðum breytingum á einni merkustu byggingu borgarinnar. Listaverki Guðjóns Samúelssonar eins og þeir komast að orði. Þröstur Ólafsson hagfræðingur, Sigurður Gísli Pálmason fjárfestir og Leifur Breiðfjörð listamaður eru á meðal þeirra sem rita grein í Morgunblaðið í dag og vara við fyrirhuguðum breytingum. Þeir beina orðum sínum til borgarastjóra kjörtímabilsins; Dags B. Eggertssonar og Einars Þorsteinssonar sem tók við stöðunni um áramótin. „Ágætu borgarstjórar, þótt búið sé að prímsigna þetta skemmdarverk í stofnunum borgarinnar, þá er enn ekki of seint að hverfa frá verknaðinum,“ segir greinarhöfundar. Fjallað var um fyrirhugaðar endurbætur á Vísi í þessari grein árið 2022. „Sundhöll Reykjavíkur er meðal merkustu bygginga borgarinnar. Hún hefur ekki bara glæsilegt klassískt ytra útlit heldur er innri gerð hennar samgróin þeirri heild sem blasir við úti sem og inni í lauginni sjálfri.“ Samþætt heildarlistaverk „Hún er ein af fyrstu og fáum byggingum frá fyrri helmingi liðinnar aldar þar sem gætt er fullkomins samræmis í stíl og hönnun ytra sem innra, milli stórra sem smæstu eininga og einstakra hluta. Hún er samþætt heildarlistaverk þar sem hver hannaður kimi, stallur eða sylla er hluti af órjúfanlegri samofinni heild, enda sögð og skrásett sem alfriðuð, þótt sú vernd virðist eigendum ekki íþyngjandi,“ segir í greininni. Útilaug bættist við Sundhöllina árið 2017 og fylgdu breytingar á inngangi og búningsklefum. „Við byggingu nýrrar útilaugar voru gerðar breytingar í inngangs- og afgreiðslurými hallarinnar sem breyttu útliti og andrými hússins, sem mörgum þótti miður og að mestu óþarfar. Aðrar lausnir voru í boði. Fyrrnefndar breytingar snertu þó ekki kjarnann, sjálft laugarhúsið.“ Órjúfanlegur hluti af heildinni Greinarhöfundar segja að nú sé reitt til höggs að nýju. „Breyta skal laugarbökkunum og endurgera í samræmi við nútímakröfur, eyðileggja laugarbakkana sem eru órjúfanlegur hluti af heildinni og endurhanna þá eftir kröfum um nútímasundlaugar.“ Engin knýjandi þörf sé á þessari breytingu enda sé hún ekki gerð með þarfir sundgesta að leiðarljósi heldur samkvæmt óskilgreindum nútímakröfum. „Gangi þetta fram verður þessu einstæða listaverki Guðjóns Samúelssonar spillt varanlega, til frambúðar. Óþarfi að minna á þá sóun almannafjár sem fylgir. Sundhöllin þarfnast vissulega viðgerða. Látið þar við sitja. Notið peningana í þarfari hluti.“ Þeir biðla til Dags og Einars. Friðuð frá 2004 „Ágætu borgarstjórar, þótt búið sé að prímsigna þetta skemmdarverk í stofnunum borgarinnar, þá er enn ekki of seint að hverfa frá verknaðinum. Látið þessar breytingar daga uppi og ónýtast. Gerið þetta fyrir borgarbúa í virðingarskyni við einstakt listaverk á reykvískri grund.“ Í tillögu að breytingum frá því í desember síðastliðnum kemur fram að laugarker innilaugar sé orðið illa farið og þarfnist endurgerðar. „Laugarkerið verður brotið niður og endursteypt, einnig verða pottar á austursvölum steyptir að nýju. Jafnframt verður þvottahús á neðri hæð fært á efri hæð og komið fyrir nýjum gufuböðum, þurrgufu og infra rauðri gufu á neðri hæð í stað þvottaherbergi.“ Ekkert annað en viðgerð í boði Pétur Ármannsson, arkitekt, sviðsstjóri hjá Minjastofnun og sérfræðingur um Guðjón Samúelsson, tjáði Vísi árið 2022 að breytingarnar væru nauðsynlegar. Staðreyndin væri sú að ef ekkert yrði gert við innilaugina myndi hún eyðileggjast. Breytingin væri einfaldlega óumflýjanleg ef nota ætti innilaugina áfram. Það væri „lífsspursmál fyrir húsið að fara í þessa viðgerð,“ sagði Pétur. „Það er lykilatriði að mannvirki sé í notkun og þjóni upprunalegu hlutverki sínu. Það er ekki um neitt annað að ræða en að fara í þessa viðgerð,“ sagði Pétur. Sundhöllin var hönnuð af Guðjóni Samúelssyni árið 1929 og tekin í notkun 1937. Menntamálaráðherra friðaði bygginguna í deesember 2004. Friðunin tekur til ytra og innra borðs laugar, búningsklefa og sturtuklefa. Minjastofnun Íslands hefur verið með í ráðum í hönnunarferlinu. Borgarstjórn Reykjavík Sundlaugar Arkitektúr Húsavernd Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent Mótmælendur hindruðu för lögreglubíls í forgangsakstri Innlent Erfitt að setja tölu á hve margir vilji stjórnarslit Innlent Svandís og Guðmundur Ingi nýir leiðtogar Vinstri grænna Innlent „Þegar hægrið fær að ráða ferðinni óheft og án alls taumhalds fer illa“ Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Fleiri fréttir Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Sjá meira
Þröstur Ólafsson hagfræðingur, Sigurður Gísli Pálmason fjárfestir og Leifur Breiðfjörð listamaður eru á meðal þeirra sem rita grein í Morgunblaðið í dag og vara við fyrirhuguðum breytingum. Þeir beina orðum sínum til borgarastjóra kjörtímabilsins; Dags B. Eggertssonar og Einars Þorsteinssonar sem tók við stöðunni um áramótin. „Ágætu borgarstjórar, þótt búið sé að prímsigna þetta skemmdarverk í stofnunum borgarinnar, þá er enn ekki of seint að hverfa frá verknaðinum,“ segir greinarhöfundar. Fjallað var um fyrirhugaðar endurbætur á Vísi í þessari grein árið 2022. „Sundhöll Reykjavíkur er meðal merkustu bygginga borgarinnar. Hún hefur ekki bara glæsilegt klassískt ytra útlit heldur er innri gerð hennar samgróin þeirri heild sem blasir við úti sem og inni í lauginni sjálfri.“ Samþætt heildarlistaverk „Hún er ein af fyrstu og fáum byggingum frá fyrri helmingi liðinnar aldar þar sem gætt er fullkomins samræmis í stíl og hönnun ytra sem innra, milli stórra sem smæstu eininga og einstakra hluta. Hún er samþætt heildarlistaverk þar sem hver hannaður kimi, stallur eða sylla er hluti af órjúfanlegri samofinni heild, enda sögð og skrásett sem alfriðuð, þótt sú vernd virðist eigendum ekki íþyngjandi,“ segir í greininni. Útilaug bættist við Sundhöllina árið 2017 og fylgdu breytingar á inngangi og búningsklefum. „Við byggingu nýrrar útilaugar voru gerðar breytingar í inngangs- og afgreiðslurými hallarinnar sem breyttu útliti og andrými hússins, sem mörgum þótti miður og að mestu óþarfar. Aðrar lausnir voru í boði. Fyrrnefndar breytingar snertu þó ekki kjarnann, sjálft laugarhúsið.“ Órjúfanlegur hluti af heildinni Greinarhöfundar segja að nú sé reitt til höggs að nýju. „Breyta skal laugarbökkunum og endurgera í samræmi við nútímakröfur, eyðileggja laugarbakkana sem eru órjúfanlegur hluti af heildinni og endurhanna þá eftir kröfum um nútímasundlaugar.“ Engin knýjandi þörf sé á þessari breytingu enda sé hún ekki gerð með þarfir sundgesta að leiðarljósi heldur samkvæmt óskilgreindum nútímakröfum. „Gangi þetta fram verður þessu einstæða listaverki Guðjóns Samúelssonar spillt varanlega, til frambúðar. Óþarfi að minna á þá sóun almannafjár sem fylgir. Sundhöllin þarfnast vissulega viðgerða. Látið þar við sitja. Notið peningana í þarfari hluti.“ Þeir biðla til Dags og Einars. Friðuð frá 2004 „Ágætu borgarstjórar, þótt búið sé að prímsigna þetta skemmdarverk í stofnunum borgarinnar, þá er enn ekki of seint að hverfa frá verknaðinum. Látið þessar breytingar daga uppi og ónýtast. Gerið þetta fyrir borgarbúa í virðingarskyni við einstakt listaverk á reykvískri grund.“ Í tillögu að breytingum frá því í desember síðastliðnum kemur fram að laugarker innilaugar sé orðið illa farið og þarfnist endurgerðar. „Laugarkerið verður brotið niður og endursteypt, einnig verða pottar á austursvölum steyptir að nýju. Jafnframt verður þvottahús á neðri hæð fært á efri hæð og komið fyrir nýjum gufuböðum, þurrgufu og infra rauðri gufu á neðri hæð í stað þvottaherbergi.“ Ekkert annað en viðgerð í boði Pétur Ármannsson, arkitekt, sviðsstjóri hjá Minjastofnun og sérfræðingur um Guðjón Samúelsson, tjáði Vísi árið 2022 að breytingarnar væru nauðsynlegar. Staðreyndin væri sú að ef ekkert yrði gert við innilaugina myndi hún eyðileggjast. Breytingin væri einfaldlega óumflýjanleg ef nota ætti innilaugina áfram. Það væri „lífsspursmál fyrir húsið að fara í þessa viðgerð,“ sagði Pétur. „Það er lykilatriði að mannvirki sé í notkun og þjóni upprunalegu hlutverki sínu. Það er ekki um neitt annað að ræða en að fara í þessa viðgerð,“ sagði Pétur. Sundhöllin var hönnuð af Guðjóni Samúelssyni árið 1929 og tekin í notkun 1937. Menntamálaráðherra friðaði bygginguna í deesember 2004. Friðunin tekur til ytra og innra borðs laugar, búningsklefa og sturtuklefa. Minjastofnun Íslands hefur verið með í ráðum í hönnunarferlinu.
Borgarstjórn Reykjavík Sundlaugar Arkitektúr Húsavernd Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent Mótmælendur hindruðu för lögreglubíls í forgangsakstri Innlent Erfitt að setja tölu á hve margir vilji stjórnarslit Innlent Svandís og Guðmundur Ingi nýir leiðtogar Vinstri grænna Innlent „Þegar hægrið fær að ráða ferðinni óheft og án alls taumhalds fer illa“ Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Fleiri fréttir Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Sjá meira