Ísak Snær á láni til Breiðabliks

Ísak á að baki 51 leik í efstu deild hér á landi og hefur hann skorað sautján mörk í þeim leikjum. Hann lék síðast hér á landi með Breiðabliki tímabilið 2022 og varð þá Íslandsmeistari með Blikum, auk þess sem hann var valinn leikmaður mótsins, og var í kjölfarið keyptur út til Rosenborgar.  

Þessi 22 ára gamli sóknarmaður hefur leikið 21 leik fyrir Rosenborg og skorað sjö mörk í þeim leikjum, lagt upp eitt. 

Ljóst er að um er að ræða virkilega góða viðbót í leikmannahóp Breiðablik fyrir komandi tímabil en Besta deildin rúllar af stað á morgun. 

Fréttin verður uppfærð