Getur ekki flutt inn því það býr kona í í­búðinni hennar

„Ég vil fyrst og fremst fá endurgreitt,“ segir Anastasia Vovk í samtali við Vísi. Um er að ræða íbúðir sem leigðar eru í tveimur fjölbýlishúsum á Bifröst undir heitinu Sjónarhóll. Þær eru leigðar út af Miðgarði. Ekki hefur náðst í forsvarsmenn Miðgarðs vegna málsins.

Anastasia segir Miðgarð því neita að afhenda sér íbúðina sem hún hafi tekið á leigu og ekki vilja endurgreiða henni, nema hún borgi gjald fyrir riftun á leigusamningi sem nemur hálfu ári af leigu. Anastasia hefur þegar borgað 180 þúsund krónur fyrir mars mánuð af íbúðinni sem önnur kona býr nú í.

„Núna búum ég og sonur minn á hóteli. Ég borgaði eina nótt, rúmar tvöhundruð evrur. Ég vil bara fá peninginn minn til baka svo ég geti fundið mér aðra íbúð til að leigja, í Borgarnesi eða eitthvað,“ segir Anastasia.

Hún segir íbúa í húsunum á Bifröst afar óánægða með ýmislegt í húsunum. Nefnir hún meðal annars vandræði með pípulagnir.

Þannig að þú ert í raun heimilislaus?

„Eins og staðan er núna. Ég vil bara losna undan þessum samningi til að komast eitthvert annað,“ sagði Anastasia.