„Probi Fema­le er það eina sem hefur virkað fyrir mig“

Sænska fyrirtækið Probi AB var stofnað fyrir 30 árum síðan í kringum merkilega uppgötvun á mjólkursýrugerlinum Lactobacillus plantarum 299v. Gerillinn sýndi sig vera sérlega harðger og hefur eiginleika til að fjölga sér í meltingarvegi og styrkja þar með varnir okkar og draga úr óþægindum tengdum maga og meltingu. Probi AB er í dag leiðandi á heimsvísu í rannsóknum á mjólkursýrugerlum og með alheimseinkaleyfi á LP299V gerlinum, ásamt því að vera þeir einu sem innihalda gerilinn í vörum sínum á Íslandi.

Járngildin í toppstandi með Probi Female

Lág járn gildi er einn algengasti næringarefnaskortur í heiminum í dag samkvæmt Alþjóðaheilbrigðisstofnun (WHO) og lýsir sér helst í orkuleysi og þreytu en við langvarandi skort geta komið upp ýmsir aðrir kvillar. Hulda Stefánsdóttir er gift tveggja barna móðir sem elskar að ferðast og fara í fjallgöngur ásamt því að verja tíma með fjölskyldu sinni en hún nýtur lífsins til hins ítrasta.

Hulda hefur verið að notast við Probi Female með stórgóðum árangri og mælir hiklaust með fyrir allar þær konur sem upplifa skort af einhverju tagi. „Mér hefur þótt Probi Female alveg hafa bjargað mér þar sem ég er blóðgjafi og hef þurft að taka járn á formi bætiefna í dágóðan tíma. Ég hef prófað allskyns bætiefni sem innihalda járn í gegnum tíðina en Probi Female er það eina sem hefur virkað vel fyrir mig. Þegar ég hef verið að fara í mælingar þá hefur alltaf komið fram mikill munur á mínum gildum þegar ég hef verið að taka inn Probi Female.

Blandan inniheldur gott magn af járni sem gerir mér kleift að taka einungis minn skammt af vörunni daglega og gildin mín segja alltaf til um að ég sé í toppstandi. Mér þykir líka ofsalega góður kostur að blandan inniheldur einnig C vítamín en læknirinn minn sagði mér á sínum tíma að járn frásogist betur ef að C vítamín er tekið inn samhliða. Því finnst mér þessi blanda góð fyrir mig og ættu allar konur að skoða vöruna að mínu mati,“ segir Hulda sem hefur fundið mikinn mun á sér með tilkomu Probi Female í sína daglegu rútínu.

Probi Female fyrir aukna járnupptöku

Probi Female inniheldur einkaleyfisvarða mjólkursýrugerilinn Lactobacillus plantarum 299v sem viðheldur heilbrigðum meltingarvegi og hefur verið rannsakaður til fjölda ára. Auk þess inniheldur blandan járn og fólínsýru ásamt C vítamíni sem stuðlar að eðlilegri starfsemi ónæmiskerfisins sem og eykur upptöku járns. Probi Female hefur það að markmiði að auka upptöku járns ásamt því að það er milt fyrir meltingarkerfið sem og náttúruleg leið til að viðhalda góðum járngildum í líkamanum. Góður kostur Probi Female er að formúlan hentar einnig vel fyrir barnshafandi konur.

Probi Original fyrir öfluga meltingu

Mjólkursýrugerlar eru hluti af örlífverum þarmanna en þeir eru eins ólíkir og þeir eru margir og með mismunandi virkni. Mjólkursýrugerla má ýmist finna í fæðu og meltingarvegi mannsins en þeir hafa heilsueflandi áhrif á líkamann með því eða efla meltingu og frásog næringarefna. Þegar velja á mjólkursýrugerla til inntöku er ekki úr vegi að skoða magn gerla sem hvert hylki inniheldur sem og virkni og eru því gerlarnir frá Probi AB kjörin viðbót en þeir innihalda 10 milljarða lifandi mjólkursýrugerla í hverju hylki. 

Probi Original inniheldur gerilinn Lactobacillus plantarum 299V sem hefur eiginleika til að fjölga sér í meltingarvegi og hefur þ.a.l. það að markmiði að draga úr óþægindum tengdum maga og meltingu. Probi Orignial hentar börnum eldri en 6 mánaða en hægt er að opna hylkin og bæta m.a. út á grautinn.