Þannig fékk lögregla tilkynningu í miðborginni klukkan fjögur í nótt um manneskju sem lá á götunni og virtist meðvitundarlaus. Eftir skoðun sjúkraliðs var talið að um ölvun væri að ræða og gistir manneskjan fangageymslu þangað til ástand hennar batnar.
Þá hafði lögreglan afskipti af nokkrum ökumönnum sem grunaðir voru um akstur undir áhrifum áfengis og/eða fíkniefna. Einn þeirra var fastur í snjóskafli í einu úthverfa Reykjavíkur, ekki kemur fram hvar.
Lögregla ók fram á manninn sem var fastur í bíl sínum í skaflinum klukkan tvö í nótt. Maðurinn reyndist vera ölvaður og því grunaður um akstur undir áhrifum áfengis sem og fíkniefna og var hann í þokkabót á ótryggðum bíl.