Ekki gefið upp hvort grunaði ISIS-liðinn hafi mannslíf á samviskunni Jón Þór Stefánsson skrifar 31. janúar 2024 17:01 Grunaði hryðjuverkamaðurinn var búsettur á Akureyri. Vísir/Tryggvi Talið er að maður, sem var handtekinn á Akureyri þann tólfta janúar og fluttur til Grikklands ásamt fjölskyldu sinni samdægurs, sé virkur meðlimur í hryðjuverkasamtökunum Íslamska ríkinu. Þær upplýsingar fengu íslensk stjórnvöld frá erlendum samstarfsaðilum, líkt og Europol og Interpol. Þetta kemur fram í svörum frá embætti ríkislögreglustjóra við fyrirspurn fréttstofu, en í þeim er tekið fram að stjórnvöld treysti umræddum samstarfsaðilum. Spurningar fréttastofu vörðuðu meðal annars hvort maðurinn væri grunaður um að hafa framið manndráp. Lögreglan sagðist ekki hafa heimild til að miðla upplýsingum um það. Ríkislögreglustjóri greindi frá handtöku mannsins samdægurs og hún fór fram. Þrír karlmenn voru handteknir og einn þeirra, sá sem hér er til umfjöllunar, var fluttur til Grikklands ásamt eiginkonu sinni og sex börnum sem eru á aldrinum 6 mánaða til 16 ára. Hinum tveimur var síðar um daginn sleppt úr haldi. Í framhaldi af handtökunum var framkvæmd húsleit í tveimur húsum og lögreglan lagði hald á farsíma og peninga. Í fyrirspurn sinni vísaði fréttastofa til orða fjölmiðlamannsins Stefáns Einars Stefánssonar sem hefur sagst hafa heimildir fyrir því að grunaði hryðjuverkamaðurinn sé með mannslíf á samviskunni. Þetta kom bæði fram í hlaðvarpsþættinum Þjóðmál, þar sem Stefán er tíður gestur, og í þætti Samstöðvarinnar, Rauða borðinu. „Ég hef heimildir fyrir því að þessi maður hafi verið búinn að myrða fjölda manna,“ sagði Stefán í Þjóðmálaþættinum. „Hann hefði allt eins getað farið inn á einhvern leikskóla, menntaskóla, eða inn á eitthvað öldrunarheimili og náð fram vilja sínum.“ „Þessi morðingi norður á Akureyri, sem var kominn inn í kerfið hjá okkur. Það var búið að afhenda honum húsnæði og hann gekk eins og fínn maður um götur Akureyrar í marga mánuði,“ sagði hann í Rauða borðinu. Stefán Einar hefur hefur starfað sem viðskiptaritstjóri Morgunblaðsins og stýrir nú umræðuþættinum Spursmál.Vísir/Vilhelm Líkt og áður segir gat lögreglan ekki gefið upp hvort hún hefði heimildir fyrir því að svo væri sem Stefán segir, að maðurinn væri grunaður um að hafa framið manndráp. Ekki hægt að segja hvort hann sé grunaður um brot á íslenskri grundu Jafnframt segist lögreglan, vegna rannsóknarhagsmuna, ekki geta upplýst um hvernig rannsókn á manninum gangi, hvaða brot hann sé grunaður um, og hvort hann sé grunaður um afbrot á íslenskri grundu. Fréttastofa spurði hvort maðurinn hafi verið sendur úr landi á grundvelli framsalsbeiðni. Embætti ríkislögreglustjóra segir að flutningur fjölskyldunnar frá Íslandi hafi verið á grundvelli synjunar um alþjóðlega vernd. Ekki var hægt að svara hvort vitað væri um stöðu mannsins á Grikklandi, hvort hann gengi þar laus. Í svari lögreglunnar segir að þeirri fyrirspurn verði að beina til grískra yfirvalda þar sem fjölskyldan er með alþjóðlega vernd. Í fyrirspurninni var einnig spurt hvort einhverjar ráðstafanir hafi verið gerðar reyni maðurinn að snúa aftur til landsins. Í svari embættisins segir að þegar útlendingur hafi fengið lokasynjun um alþjóðlega vernd sé honum vísað úr landi og að brottvísun feli að jafnaði í sér endurkomubann til Íslands eða á Schengen-svæðið. Lengd endurkomubannsins sé að lágmarki tvö ár. Hjálpuðu við rannsókn á hryðjuverkabrotum Fréttastofa sendi einnig fyrirspurn á Europol vegna málsins. Í svari þess fékk staðfestingu á því að Europol hefði komið að rannsókn á máli mannsins sem varðaði brot sem tengjast hryðjuverkum. Hins vegar hafi stofnunin ekki komið að brottflutningi hans úr landi. Europol sagðist ekki geta gefið upp frekari upplýsingar um málið og sagði lögregluyfirvöld á Íslandi í forsvari í málinu. Lögreglumál Akureyri Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Setja þurfi meiri þunga í hagsmunagæslu gagnvart ESB Innlent Sagði sig úr þingmannahóp: „Ég læt ekki nota mig í slíkum tilgangi“ Innlent „Í minningu sonar - og allra þeirra sem aldrei komu heim“ Innlent Neyðast til að endurbyggja grunnskólann vegna myglu Innlent MBA-nemi kvartaði og kveinaði en beið lægri hlut Innlent Gripinn glóðvolgur í skjóli nætur við að tappa af bílnum Innlent Fleiri fréttir Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Sjá meira
Þetta kemur fram í svörum frá embætti ríkislögreglustjóra við fyrirspurn fréttstofu, en í þeim er tekið fram að stjórnvöld treysti umræddum samstarfsaðilum. Spurningar fréttastofu vörðuðu meðal annars hvort maðurinn væri grunaður um að hafa framið manndráp. Lögreglan sagðist ekki hafa heimild til að miðla upplýsingum um það. Ríkislögreglustjóri greindi frá handtöku mannsins samdægurs og hún fór fram. Þrír karlmenn voru handteknir og einn þeirra, sá sem hér er til umfjöllunar, var fluttur til Grikklands ásamt eiginkonu sinni og sex börnum sem eru á aldrinum 6 mánaða til 16 ára. Hinum tveimur var síðar um daginn sleppt úr haldi. Í framhaldi af handtökunum var framkvæmd húsleit í tveimur húsum og lögreglan lagði hald á farsíma og peninga. Í fyrirspurn sinni vísaði fréttastofa til orða fjölmiðlamannsins Stefáns Einars Stefánssonar sem hefur sagst hafa heimildir fyrir því að grunaði hryðjuverkamaðurinn sé með mannslíf á samviskunni. Þetta kom bæði fram í hlaðvarpsþættinum Þjóðmál, þar sem Stefán er tíður gestur, og í þætti Samstöðvarinnar, Rauða borðinu. „Ég hef heimildir fyrir því að þessi maður hafi verið búinn að myrða fjölda manna,“ sagði Stefán í Þjóðmálaþættinum. „Hann hefði allt eins getað farið inn á einhvern leikskóla, menntaskóla, eða inn á eitthvað öldrunarheimili og náð fram vilja sínum.“ „Þessi morðingi norður á Akureyri, sem var kominn inn í kerfið hjá okkur. Það var búið að afhenda honum húsnæði og hann gekk eins og fínn maður um götur Akureyrar í marga mánuði,“ sagði hann í Rauða borðinu. Stefán Einar hefur hefur starfað sem viðskiptaritstjóri Morgunblaðsins og stýrir nú umræðuþættinum Spursmál.Vísir/Vilhelm Líkt og áður segir gat lögreglan ekki gefið upp hvort hún hefði heimildir fyrir því að svo væri sem Stefán segir, að maðurinn væri grunaður um að hafa framið manndráp. Ekki hægt að segja hvort hann sé grunaður um brot á íslenskri grundu Jafnframt segist lögreglan, vegna rannsóknarhagsmuna, ekki geta upplýst um hvernig rannsókn á manninum gangi, hvaða brot hann sé grunaður um, og hvort hann sé grunaður um afbrot á íslenskri grundu. Fréttastofa spurði hvort maðurinn hafi verið sendur úr landi á grundvelli framsalsbeiðni. Embætti ríkislögreglustjóra segir að flutningur fjölskyldunnar frá Íslandi hafi verið á grundvelli synjunar um alþjóðlega vernd. Ekki var hægt að svara hvort vitað væri um stöðu mannsins á Grikklandi, hvort hann gengi þar laus. Í svari lögreglunnar segir að þeirri fyrirspurn verði að beina til grískra yfirvalda þar sem fjölskyldan er með alþjóðlega vernd. Í fyrirspurninni var einnig spurt hvort einhverjar ráðstafanir hafi verið gerðar reyni maðurinn að snúa aftur til landsins. Í svari embættisins segir að þegar útlendingur hafi fengið lokasynjun um alþjóðlega vernd sé honum vísað úr landi og að brottvísun feli að jafnaði í sér endurkomubann til Íslands eða á Schengen-svæðið. Lengd endurkomubannsins sé að lágmarki tvö ár. Hjálpuðu við rannsókn á hryðjuverkabrotum Fréttastofa sendi einnig fyrirspurn á Europol vegna málsins. Í svari þess fékk staðfestingu á því að Europol hefði komið að rannsókn á máli mannsins sem varðaði brot sem tengjast hryðjuverkum. Hins vegar hafi stofnunin ekki komið að brottflutningi hans úr landi. Europol sagðist ekki geta gefið upp frekari upplýsingar um málið og sagði lögregluyfirvöld á Íslandi í forsvari í málinu.
Lögreglumál Akureyri Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Setja þurfi meiri þunga í hagsmunagæslu gagnvart ESB Innlent Sagði sig úr þingmannahóp: „Ég læt ekki nota mig í slíkum tilgangi“ Innlent „Í minningu sonar - og allra þeirra sem aldrei komu heim“ Innlent Neyðast til að endurbyggja grunnskólann vegna myglu Innlent MBA-nemi kvartaði og kveinaði en beið lægri hlut Innlent Gripinn glóðvolgur í skjóli nætur við að tappa af bílnum Innlent Fleiri fréttir Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Sjá meira