Inter flaug í úr­slit

Marcus Thuram kom Inter yfir strax á 17. mínútu eftir stoðsendingu frá Federico Dimarco, en það reyndist eina mark fyrri hálfleiksins.

Hakan Calhanoglu tvöfaldaði svo forystu Inter-manna með marki úr vítaspyrnu snemma í síðari hálfleik áður en varamaðurinn Davide Frattesi gerði endanlega út um leikinn á 87. mínútu eftir undirbúning Henrikh Mkhitaryan.

Ciro Immobile skoraði það sem hann hélt að væri sárabótarmark fyrir Lazio stuttu síðar, en markið að lokum dæmt af eftir skoðun myndbandsdómara.

Niðurstaðan því öruggur 3-0 sigur Inter sem er á leið í úrslit ítalska ofurbikarsins. Þar mætir liðið Napoli, en úrslitin fara farm næstkomandi mánudag.