Álfhildur selur sjarmerandi útsýnisperlu í Vesturbænum

Svava Marín Óskarsdóttir skrifar 5. janúar 2024 10:14

Álfhildur heldur úti hinum vinsæla Instagram-reikningi Barnabitar.

Álfhildur Ösp Reynisdóttir læknir ogt tveggja barna móðir hefur sett sjarmerandi íbúð sína í Vesturbæ Reykjavíkur á sölu. Eignin á þriðju hæð í snyrtilegu fjölbýlishúsi með stórbrotnu útsýni til suðvesturs og norður. Ásett verð er 73,9 milljónir.

Samhliða starfinu heldur Álfhildur úti síðunni Barnabitar á Instagram þar sem deilir hugmyndum og fróðleik um mat handa börnum.

„Mjög skrítið að þessi sé komin á sölu,“ skrifar Álfhildur og deilir mynd af eigninni í story á Instagram.

Húsið var reist árið 1956 og hefur fengið miklar endurbætur síðastliðin ár.Fasteignaljósmyndun

Um er að ræða mikið endurnýjaða 90 fermetra íbúð á efstu hæð í fjölbýlishúsi á vinsælum stað í Vesturbænum. Í íbúðinni eru tvö svefnherbergi og eitt baðherbergi sem var nýlega tekið í gegn.

Stofa og borðstofa er í opnu og björtu rými þar sem falleg hönnun og bjartir litir fanga augað. Frönsk hurð skilur stofu og hjónaherbergi að, þaðan er útgengt á suðursvalir.

Stofan er björt með glugga á tvo vegu.Fasteignaljósmyndun

Frönsk hurð skilur hjónaherbergi og stofu að á sjarmerandi máta.Fasteignaljósmyndun

Í eldhúsi er falleg og nýleg viðarinnrétting með góðu skápaplássi. Svartar Sjöur eftir danska hönnuðinn Arne Jacobsen prýða rýmið auk klassíska loftljóssins, PH-5, eftir Louis Poulsen.

Á veggnum í stofunni má sjá hvítar Montana hillur, hönnun frá árinu 1982 og appelsínugulan Flowerpot lampa, hönnun frá árinu 1968.

Nánari upplýsingar um eignina má finna á fasteignavef Vísis.

Eldhúsið er nýlega endurnýjað.Fasteignaljósmyndun

Gangurinn skilur stofu og eldhús að.Fasteignaljósmyndun

Sniðug lausn með fataskápana í þessu rúmgóða hjónaherbergi.Fasteignaljósmyndun

Barnaberbergið er notalega innréttað.Fasteignaljósmyndun

Baðherbergið er flísalagt í hólf og gólf. Fasteignaljósmyndun

Fasteignamarkaður Reykjavík Hús og heimili

Tengdar fréttir

Stökkið: „Við skrifuðum undir leigusamning án þess að sjá íbúðina okkar“

Álfhildur Reynisdóttir býr í Álaborg í Danmörku þar sem hún er að klára síðustu mánuðina í master í læknisfræði eftir að hafa upphaflega flutt til Slóvakíu þar sem hún hóf námið. Hún heldur einnig uppi miðlinum Barnabitar í frítíma sínum.

25. apríl 2022 07:01

Heldur úti Instagramsíðunni Barnabitar samhliða læknanámi í Danmörku

„Ég hef aldrei verið mikil matarmanneskja, borðað fáar tegundir og einhæft. Það hins vegar hvatti mig enn frekar til að „passa“ það að dóttir mín myndi ekki enda í sama pakka og ég“ segir Álfhildur Reynisdóttir sem heldur úti Instagramsíðunni Barnabitar.

3. september 2020 11:00