Fótbolti

Guð­ný og stöllur lágu gegn toppliðinu

Hjörtur Leó Guðjónsson skrifar
Guðný Árnadóttir lék seinasta hálftíman í dag.
Guðný Árnadóttir lék seinasta hálftíman í dag. Vísir/Getty

Guðný Árnadóttir og stöllur hennar í AC Milan þurftu að sætta sig við 2-1 tap er liðið heimsótti topplið Roma í ítölsku úrvalsdeildinni í knattspyrnu í dag.

Guðný hóf leik á bekknum, en kom inn á sem varamaður eftir rétt rúmlega klukkutíma leik. Þá var staðan 1-1 eftir að Kosovare Asllani hafði komið AC Milan í forystu með marki úr vítaspyrnu í fyrri hálfleik áður en Manuela Giugliano jafnaði metin á 58. mínútu.

Lucia Di Guglielmo skoraði svo annað mark heimakvenna í Roma á 64. mínútu og tryggði liðinu um leið 2-1 sigur.

Roma trónir því enn á toppi deildarinnar með fullt hús stiga eftir tíu leiki, en AC Milan, sem nú er án sigurs í seinustu fimm leikjum, situr í sjötta sæti með níu stig.

Ítalski boltinn

Mest lesið


Fleiri fréttir

Sjá meira


×

Mest lesið