Myndaveisla: Stjörnum prýtt opnunarteiti Verona

Verslunin er í eigu fjölmiðlakonunnar, Ragnhildar Steinunnar Jónsdóttur, Hauks Inga Guðnasonar og vinahjónanna, Martinu Vigdísar Nardini og Jóns Helga Erlendssonar.

Í Verona sameinast tvær rótgrónar verslanir; Duxiana og Gegnum glerið sem voru áður í Ármúla 10. Vörumerkið Duxiana er í farabroddi hjá Verona en 150 af bestu hótel heims reiða sig á fyrsta flokks gæði DUX-rúma, þar á meðal sjö stjörnu hótelið Burj Al Arab í Dubai.

Í opnunni gafst gestum færi á að kynna sér rúmin auk þess sem ný húsgögn frá Duxiana auk dúnkodda og sænga voru til sýnis í nýju versluninni. Þá mátti einnig sjá úrval ljósa frá Louis Poulsen, sængurföt frá Georg Jensen Damask og GANT auk annarrar handgerðrar smávöru.

Eigendur Verona segja að verslunin fari vel af stað og viðtökur hafi verið framar björtustu vonum.

„Við erum mjög þakklát fyrir þessar góðu viðtökur og hlökkum til framhaldsins,”  segir Haukur Ingi Guðnason, framkvæmdastjóri Verona.