Yfir 400 fyrirtæki með frábær tilboð

1111.is 10. nóvember 2023 08:31

Það eru níu ár síðan 1111.is hóf að bjóða landsmönnum upp á frábær tilboð á Singles Day. Brynja Dan Gunnarsdóttir er eigandi 1111.is. Mynd/Ása Steinars.

Singles Day er einn af stóru afsláttardögum ársins í íslenskri verslun og raunar víðast hvar annars staðar í heiminum. Á morgun, laugardaginn 11. nóvember, munu yfir 400 verslanir og fyrirtæki bjóða upp á frábæra afslætti á margskonar vörum og þjónustu á 1111.is.

Þar sem dagurinn lendir á laugardegi þetta árið verður í fyrsta sinn boðið upp á tveggja daga opnum á 1111.is enda mikið að gera hjá flestum landsmönnum í aðdraganda aðventunnar.

„Við ákváðum að prófa tvo daga þetta árið og sjáum svo bara til hvort það sé komið til að vera,“ segir Brynja Dan Gunnarsdóttir, eigandi 1111.is. „Þetta er níunda árið sem ég held utan um þetta verkefni og þetta árið hafa aldrei verið jafn mörg fyrirtæki sem bjóða upp á frábæra afslætti eða yfir 400 talsins. Vöruúrvalið er mjög fjölbreytt og eykst alltaf milli ára sem auðveldar viðskiptavinum svo sannarlega lífið. Á 1111.is má meðal annars finna frábær tilboð á ýmis konar upplifun, verkfærum, barnavörum, unaðsvörum, rúmum, skarti, fatnaði og hönnun.“

Þar sem Singles Day er á laugardfegi þetta árið verður í fyrsta sinn boðið upp á tveggja daga opnum á 1111.is.

Fyrir þá fáu Íslendinga sem þekkja ekki 1111.is má helst líkja henni við jólagjafahandbók að sögn Brynju. „Vefurinn er einstaklega þægilegur fyrir notendur og það er auðvelt að leita eftir vörum í ólíkum vöruflokkum. Þar sem fyrirtækin eru svo mörg og fjölbreytt er líka auðvelt að fá nýjar og skemmtilegar hugmyndir að til dæmis jólagjöfum eða bara einhverju fyrir sjálfan sig.“

Í ár verður líka boðið upp á þá skemmtilegu nýjung að gefa nokkrum heppnum viðskiptavinum vinninga, þar á meðal 100 þúsund króna gjafabréf frá Play. Eina sem þarf að gera er að skrá sig á listann.

Vefurinn 1111.is er í samstarfi við Netgíró og Póstinn. Hér er Vilborg Ásta Árnadóttir, markaðsstjóri Póstsins (t.v.) ásamt Brynju.

Vefurinn 1111.is er í samstarfi við Netgíró og Póstinn. „Ég er afar þakklát þessum fyrirtækjum sem hafa staðið við bakið á mér og haft trú á þessu verkefni.“

1111.is opnar á miðnætti í dag föstudag og verður vefurinn opinn fram á miðnætti á sunnudag. Vefurinn verður auk þess opinn frá Black Friday fram að Cyper Monday, þ.e. dagana 24. nóvember til miðnættis mánudaginn 27. nóvember.

Verslun