Raquel Laneiro: Þetta snýst um liðsheildina

„Við spiluðum virkilega vel og við löguðum mikið af hlutum frá því í síðasta leik,“ byrjaði Raquel Laneiro að segja eftir leik.

„Við vorum mikið sterkari í vörninni og létum þær finna fyrir því og það hjálpaði okkur mikið. En við getum samt bætt okkar leik mikið,“ hélt Raquel áfram að segja.

Raquel talaði aðeins um stemninguna í liðinu eftir leikinn.

„Já stemningin í liðinu er rosalega góð. Það var svo sterkt fyrir okkur að ná okkar fyrsta sigri og hvað þá hérna á heimavelli fyrir okkur sem lið en líka fyrir stuðningsmennina okkar.“

Raquel var síðan spurð um stórleik sinn.

„Auðvitað er ég ánægð með mína spilamennsku en aðallega því ég hjálpaði liðinu. Þetta snýst ekki um mig heldur um liðsheildina,“ endaði Raquel Laneiro að segja eftir leik.