Hand­tekinn fyrir að ganga í skrokk á kærustunni

Hinn 23 ára gamli Porter var handtekinn á hóteli í New York árla mánudags eftir að hringt hafði verið í Neyðarlínuna.

Í yfirlýsingu lögreglunnar kom fram að fórnarlambið hefði verið lamið margoft í líkamann sem og árásarmaðurinn hefði sett hendur sínar á háls hennar. Houston Rockets vildi ekki svara fyrirspurn ESPN og sagði að það væri að vinna í söfnun gagna um hvað hefði gerst.

Þetta er ekki í fyrsta sinn sem Porter kemst í vandræði en hann hefur þó aldrei verið handtekinn áður. Hann skrifaði undir fjögurra ára samning við Rockets á síðustu leiktíð en aðeins hluti launa hans í þeim samning, sem hljóðar upp á 82,5 milljónir Bandaríkjadala, er tryggður.

Þá hefur Kalabrya Gondrezick-Haskins - systir Kysre - hótað Porter öllu illu eins og sjá má á færslu hennar á samfélagsmiðlum eftir að leikmaðurinn var handtekinn.