Styttir upp með kvöldinu

Á vef Veðurstofu Íslands segir að í dag verði austlæg átt, þrír til átta metrar á sekúndu. Skúrir verði víða á sunnan- og suðvestanverðu landinu. Bjart með köflum í öðrum landshlutum en þar myndist skúrir um eða eftir hádegi. Þá muni draga úr úrkomu þegar líður á kvöldið.

Siðdegis verði hiti tíu til sautján stig, hlýjast norðan- og vestantil á landinu.

Veðurhorfur næstu daga:

Á mánudag, frídag verslunarmanna:

Austlæg eða breytileg átt 3-8 m/s, en 5-10 með suðurströndinni. Skýjað með köflum og víða skúrir, sérílagi síðdegis. Samfelldari rigning á Suðausturlandi framan af degi. Hiti 10 til 18 stig, hlýjast norðan- og vestanlands.

Á þriðjudag:

Hæg breytileg átt. Bjart með köflum, en líkur á skúrum, einkum síðdegis. Yfirleitt þurrt á norðaustanverðu landinu. Hiti 10 til 16 stig.

Á miðvikudag:

Breytileg átt 3-8, en norðvestan 8-13 á norðausturhorni landsins. Víða þurrt og bjart veður. Hiti 8 til 18 stig, svalast við norðurströndina, en hlýjast sunnan heiða.

Á fimmtudag og föstudag:

Ákveðin austlæg átt og rigning með köflum, en þurrt að kalla á norðanverðu landinu. Hiti víða 12 til 18 stig.

Á laugardag:

Útlit fyrir austlæga átt. Dálítil rigning á víð og dreif en úrkomumeira á Austfjörðum. Hiti breytist lítið.