Foreldrar Hákons og Hauks: Við erum náttúrulega bara fótboltafjölskylda Runólfur Trausti Þórhallsson og Aron Guðmundsson skrifa 22. júlí 2023 12:00 Haukur Andri ásamt foreldrum sínum. Vísir/Ívar Fannar Það getur tekið á að vera foreldri ungra drengja sem iðka íþróttir. Það þekkja Jónína Víglundsdóttir og Haraldur Ingólfsson betur en flestir aðrir foreldrar. Síðustu vikur hafa verið strembnar hjá þeim hjónum þar sem tveir synir þeirra hafa samið við franska knattspyrnuliðið Lille. Annar þeirra, sá eldri, kostaði liðið tæpa tvo og hálfan milljarð íslenskra króna. Hákon Arnar og Haukur Andri Haraldssynir eru báðir gengnir í raðir franska knattspyrnuliðsins Lille. Hákon Arnar er keyptur á fúlgur fjár frá FC Kaupmannahöfn en Haukur Andri kemur inn í unglingalið félagsins frá uppeldisfélaginu ÍA. Foreldrar drengjanna, sem voru ágæt í tuðrusparki á sínum tíma, ræddu við Stöð 2 og Vísi um vistaskiptin og framtíðina. „Þetta hefur verið mjög gaman, viðburðarríkir og langir dagar að baki. Við fórum þarna út til Frakklands, sáum æfingasvæðið hjá Lille og það var mjög skemmtilegt. Maður er kannski ekki alveg búin að ná utan um þessa stöðu, er frekar í praktísku hlutunum núna að skipuleggja og slíkt,“ segir Jónína Víglundsdóttir, móðir drengjanna. Strembnar vikur að baki Haraldur Ingólfsson, faðir Hákons segir að vissulega hafi það verið stressandi tími þegar að félagsskiptin voru á lokametrunum. Þá tilfinningu þekki bæði hann og Jónína eiginkona hans frá sínum eigin leikmannaferlum í fótboltanum en bæði eiga þau yfir að skipa glæstum ferlum í boltanum. Allir sem hafa verið í fótbolta vita að hlutirnir eru ekki klárir fyrr en það er búið að skrifa undir og ganga frá öllum lausum endum. Félagsskipti Hákons hafa tekið töluvert langan tíma og vissulega hefur því fylgt stress, er þetta að fara ganga upp eða ekki. „Þetta hafa verið strembnar vikur en loksins er þetta í húsi og frábært að sjá hann kominn með þetta nýja tækifæri.“ Stjarna Hákonar hefur risið hratt frá því að hann gekk til liðs við FC Kaupmannahöfn frá ÍA árið 2019. Hann sló í gegn með unglingaliði félagsins og vann sig upp í aðalliðið þar sem að hann átti eftir að spila 58 leiki, verða danskur meistari í tvígang sem og danskur bikarmeistari ásamt því að spila - og skora - í Meistaradeild Evrópu. Haraldur segir þetta ferli hafa verið frábært fyrir son sinn. „Það er gaman sjá hluti, sem hann lagði upp með sér í upphafi þessa ferlis, raungerast. FC Kaupmannahöfn setti strax, við komu Hákonar til félagsins, ákveðið prógram fyrir hann af stað í samræmi við þá leið sem hann ætlaði sér að fara og smám saman tekur hann hverja áskorunina á fætur annarri og vinnur sig áfram. Það er frábært að sjá þetta prógram, sem þú leggur upp með í upphafi ferilsins, ganga upp. Þetta sýnir bæði styrk hjá Hákoni, sem og FC Kaupmannahöfn að hafa gefið honum þessar áskoranir. Þetta hefur ekkert bara verið gaman, þetta hefur líka verið mjög erfitt fyrir Hákon og hann þurft stuðning á leiðinni.“ Fréttin heldur áfram eftir viðtalið. Að sögn Jónínu er hægt að finna margt líkt með fyrrum félagi Hákons í Kaupmannahöfn og nýja félagi hans Lille í Frakklandi. „Í grunninn er, bæði hjá FC Kaupmannahöfn sem og hjá Lille, þarna að finna gott fólk. Eftir okkar heimsókn til Frakklands sjáum við margt mjög líkt með félögunum en auðvitað sér maður að þetta er aðeins stærra og meira um sig í Frakklandi heldur en Kaupmannahöfn. Aðstæðurnar sem Lille er að bjóða upp á eru virkilega flottar.“ Með félagsskiptunum tikkar Hákon Arnar í enn eitt boxið sem hann vill fylla út í á sínum leikmannaferli og segir Jónína það hafa verið virkilega gaman að fylgjast með syni sínum á þessum tímamótum. „Hann hefur verið ótrúlega kaldur, hefur ekki verið að láta þennan draum sinn trufla sig mikið. Hann vill bara spila fótbolta, það er það skemmtilegasta sem hann gerir og alltaf er hann til í að leggja sig fram. En það var mjög gaman að sjá hversu tilbúinn hann var í að taka þessari áskorun í Frakklandi. Hann var spenntur fyrir því að komast á æfingu og til í að fara berjast.“ Hákon Arnar er þó ekki eini fjölskyldumeðlimurinn sem er búinn að semja við Lille því félagið hefur einnig samið um kaupverð við ÍA á yngsta bróður hans, hinum 17 ára gamla Hauki Andra. Var það alltaf ljóst að Haukur myndi líka fara til félagsins? „Nei það var alls ekki ljóst og kemur í rauninni mjög óvænt upp fyrir nokkrum vikum síðan,“ svarar Haraldur. „Þá lýsa forráðamenn Lille yfir áhuga á því að fá Hauk til sín líka, segjast hafa verið að fylgjast með honum, en á öðrum forsendum en Hákon. Haukur kemur þarna inn sem leikmaður yngra liðs félagsins. Það var algjörlega af fyrra frumkvæði Lille að þeir reyna að fá Hauk til sín. Þeir voru að leita að miðjumanni inn í sitt yngra lið og þeim fannst Haukur passa mjög vel við sína hugmyndafræði. Þeir gefa Hauki fínan samning og hafa samið við Skagann um kaupverð. Þetta er frábært tækifæri fyrir Hauk, hann mun búa inn á heimavist félagsins og mun æfa og spila við frábærar aðstæður. Með því fær hann flott tækifæri til að þroskast og verða betri fótboltamaður.“ Hákon Andri spilaði sínar fyrstu mínútur fyrir Lille í dag og nýtti þær svo sannarlega. Hann skoraði þrennu á aðeins 45 mínútum í 7-2 sigri Lille á belgíska úrvalsdeildarliðinu Cercle Brugge. Gott að vita af bræðrunum þarna saman úti í Frakklandi „Þeir munu geta stutt hvorn annan þarna úti ásamt kærustu Hákonar,“ segir Jónína. „Það er virkilega góð tilhugsun að vita af þeim þarna saman.“ Eins og fyrr sagði eiga þau hjónin bæði yfir að skipa glæstum leikmannaferlum í boltanum. Jónína er goðsögn á Skaganum þar sem að hún spilaði lengi vel með ÍA og þá á hún að baki A-landsleiki fyrir Íslands hönd. Þá spilaði Haraldur bæði sem atvinnu- og landsliðsmaður. Nú er svo komið að allir drengir þeirra hafa farið út í atvinnumennsku í boltanum. Sá elsti, Tryggvi Hrafn, fór á sínum tíma út í mennskuna en hann spilar nú með Val hér heima í Bestu deildinni. Unnur Ýr spilar svo með ÍA í 2. deildinni og er markahæsti leikmaður þeirra gulklæddu með sjö mörk í tólf leikjum. Hvert er leyndarmálið á bak við þessa staðreynd? „Við höfum svo sem ekkert svar við því,“ segir Haraldur og glottir. Tryggvi Hrafn spilar með Val.Vísir/Hulda Margrét „Að einhverju leyti er þetta kannski genatískt, svo höfum við öll að einhverju leyti verið heppin að því leytinu til að við héldum nokkuð meiðslalaus nema Tryggvi Hrafn. Svo erum við náttúrulega bara fótboltafjölskylda, börnin okkar alast upp við þetta og fótboltinn hefur alltaf verið nálægur. Svo snýst þetta náttúrulega líka um hugarfar, krakkarnir hötuðu að tapa fyrir mér í fótbolta þegar að þau voru yngri og lögðu sig 100 prósent fram í því að reyna vinna mig. Það hefur einhvern veginn skilað sér í öll börnin. Við erum ekki með einhverja eina uppskrift að þessu, er bara samblanda af mörgum þáttum.“ Þá hafi börn þeirra notið góðs af því að alast upp á Skaganum. „Hér við hliðina á fótboltavellinum. Hér eyddu þau löngum dögum í að æfa sjálf og hafa fengið frábæra þjálfun hér. Það er líka hluti af þessu, uppbyggingarstarfið sem þau hafa gengið í gegnum hér hjá ÍA.“ Viðtalið við þau hjón má sjá í spilaranum hér að ofan. Fótbolti ÍA Franski boltinn Íslendingar erlendis Mest lesið Í beinni: Ísland - Aserbaísjan | Fyrsti leikur í undankeppni HM Fótbolti Anníe Mist selur CrossFit Reykjavíkur og BKG meðal kaupenda Sport Stórsér á stjörnunni eftir leikfang dótturinnar Golf Allir lögðust niður eftir óvænta og ágenga truflun í fótboltaleik Fótbolti Þróttur lánar sextán ára strák til Inter Milan Íslenski boltinn Húðflúraði Diogo Jota á kálfann sinn Fótbolti 54 ára markvörður rífur hanskana af hillunni Fótbolti Caitlin Clark ekki meira með á tímabilinu Körfubolti Levy var neyddur til að hætta Enski boltinn Fantasýn: „Ekki kaupa Isak núna“ Enski boltinn Fleiri fréttir Tuchel hefur ekkert rætt við Greenwood 54 ára markvörður rífur hanskana af hillunni Byrjunarlið Íslands gegn Aserbaísjan: Elías ver markið, Skagamenn stýra miðjunni og Logi á bekkinn Í beinni: Ísland - Aserbaísjan | Fyrsti leikur í undankeppni HM Gyökeres vitni í réttarhöldum Segir að Liverpool-menn muni sennilega aldrei jafna sig á fráfalli Jota „Gríðarleg pressa og það er bara gaman“ Orðin dýrust í sögu kvennaboltans Húðflúraði Diogo Jota á kálfann sinn „Alltaf mikil samkeppni og maður þarf að vera klár í það“ „Megum alls ekki vanmeta Aserbaísjan“ Fantasýn: „Ekki kaupa Isak núna“ Messi skoraði tvö í síðasta landsleiknum í Argentínu Allir lögðust niður eftir óvænta og ágenga truflun í fótboltaleik Levy var neyddur til að hætta Þróttur lánar sextán ára strák til Inter Milan Maðurinn sem keyrði á Liverpool stuðningsfólkið neitar sök Ein sú besta gæti snúið aftur eftir 20 mánaða fjarveru Gæti orðið fyrsti músliminn til að spila fyrir enska landsliðið Hetja Blika: „Einn leikur í einu“ „Betra fótboltaliðið tapaði í dag“ Óvænt tap Þýskalands og Belgía skoraði sex Sameiginlegt lið Grindavíkur og Njarðvíkur upp í Bestu eftir ótrúlegan sigur Uppgjör: Víkingur - Valur 3-2 | Víkingur náði í dýrmæt stig í fallbarátunni Ólafur Ingi: „Sjálfum okkur verstir“ Uppgjörið: Breiðablik - FH 2-1 | Ótrúleg endurkoma og Blikar að stinga af Levy hættur hjá Tottenham eftir 25 ár í starfi Uppgjörið: Tindastóll - Fram 1-0 | Lífsnauðsynlegur sigur Stólanna Uppgjörið: Ísland - Færeyjar 1-2 | Íslendingar í gjafastuði Valsmenn semja við einn markahæsta leikmanninn í Lengjunni Sjá meira
Hákon Arnar og Haukur Andri Haraldssynir eru báðir gengnir í raðir franska knattspyrnuliðsins Lille. Hákon Arnar er keyptur á fúlgur fjár frá FC Kaupmannahöfn en Haukur Andri kemur inn í unglingalið félagsins frá uppeldisfélaginu ÍA. Foreldrar drengjanna, sem voru ágæt í tuðrusparki á sínum tíma, ræddu við Stöð 2 og Vísi um vistaskiptin og framtíðina. „Þetta hefur verið mjög gaman, viðburðarríkir og langir dagar að baki. Við fórum þarna út til Frakklands, sáum æfingasvæðið hjá Lille og það var mjög skemmtilegt. Maður er kannski ekki alveg búin að ná utan um þessa stöðu, er frekar í praktísku hlutunum núna að skipuleggja og slíkt,“ segir Jónína Víglundsdóttir, móðir drengjanna. Strembnar vikur að baki Haraldur Ingólfsson, faðir Hákons segir að vissulega hafi það verið stressandi tími þegar að félagsskiptin voru á lokametrunum. Þá tilfinningu þekki bæði hann og Jónína eiginkona hans frá sínum eigin leikmannaferlum í fótboltanum en bæði eiga þau yfir að skipa glæstum ferlum í boltanum. Allir sem hafa verið í fótbolta vita að hlutirnir eru ekki klárir fyrr en það er búið að skrifa undir og ganga frá öllum lausum endum. Félagsskipti Hákons hafa tekið töluvert langan tíma og vissulega hefur því fylgt stress, er þetta að fara ganga upp eða ekki. „Þetta hafa verið strembnar vikur en loksins er þetta í húsi og frábært að sjá hann kominn með þetta nýja tækifæri.“ Stjarna Hákonar hefur risið hratt frá því að hann gekk til liðs við FC Kaupmannahöfn frá ÍA árið 2019. Hann sló í gegn með unglingaliði félagsins og vann sig upp í aðalliðið þar sem að hann átti eftir að spila 58 leiki, verða danskur meistari í tvígang sem og danskur bikarmeistari ásamt því að spila - og skora - í Meistaradeild Evrópu. Haraldur segir þetta ferli hafa verið frábært fyrir son sinn. „Það er gaman sjá hluti, sem hann lagði upp með sér í upphafi þessa ferlis, raungerast. FC Kaupmannahöfn setti strax, við komu Hákonar til félagsins, ákveðið prógram fyrir hann af stað í samræmi við þá leið sem hann ætlaði sér að fara og smám saman tekur hann hverja áskorunina á fætur annarri og vinnur sig áfram. Það er frábært að sjá þetta prógram, sem þú leggur upp með í upphafi ferilsins, ganga upp. Þetta sýnir bæði styrk hjá Hákoni, sem og FC Kaupmannahöfn að hafa gefið honum þessar áskoranir. Þetta hefur ekkert bara verið gaman, þetta hefur líka verið mjög erfitt fyrir Hákon og hann þurft stuðning á leiðinni.“ Fréttin heldur áfram eftir viðtalið. Að sögn Jónínu er hægt að finna margt líkt með fyrrum félagi Hákons í Kaupmannahöfn og nýja félagi hans Lille í Frakklandi. „Í grunninn er, bæði hjá FC Kaupmannahöfn sem og hjá Lille, þarna að finna gott fólk. Eftir okkar heimsókn til Frakklands sjáum við margt mjög líkt með félögunum en auðvitað sér maður að þetta er aðeins stærra og meira um sig í Frakklandi heldur en Kaupmannahöfn. Aðstæðurnar sem Lille er að bjóða upp á eru virkilega flottar.“ Með félagsskiptunum tikkar Hákon Arnar í enn eitt boxið sem hann vill fylla út í á sínum leikmannaferli og segir Jónína það hafa verið virkilega gaman að fylgjast með syni sínum á þessum tímamótum. „Hann hefur verið ótrúlega kaldur, hefur ekki verið að láta þennan draum sinn trufla sig mikið. Hann vill bara spila fótbolta, það er það skemmtilegasta sem hann gerir og alltaf er hann til í að leggja sig fram. En það var mjög gaman að sjá hversu tilbúinn hann var í að taka þessari áskorun í Frakklandi. Hann var spenntur fyrir því að komast á æfingu og til í að fara berjast.“ Hákon Arnar er þó ekki eini fjölskyldumeðlimurinn sem er búinn að semja við Lille því félagið hefur einnig samið um kaupverð við ÍA á yngsta bróður hans, hinum 17 ára gamla Hauki Andra. Var það alltaf ljóst að Haukur myndi líka fara til félagsins? „Nei það var alls ekki ljóst og kemur í rauninni mjög óvænt upp fyrir nokkrum vikum síðan,“ svarar Haraldur. „Þá lýsa forráðamenn Lille yfir áhuga á því að fá Hauk til sín líka, segjast hafa verið að fylgjast með honum, en á öðrum forsendum en Hákon. Haukur kemur þarna inn sem leikmaður yngra liðs félagsins. Það var algjörlega af fyrra frumkvæði Lille að þeir reyna að fá Hauk til sín. Þeir voru að leita að miðjumanni inn í sitt yngra lið og þeim fannst Haukur passa mjög vel við sína hugmyndafræði. Þeir gefa Hauki fínan samning og hafa samið við Skagann um kaupverð. Þetta er frábært tækifæri fyrir Hauk, hann mun búa inn á heimavist félagsins og mun æfa og spila við frábærar aðstæður. Með því fær hann flott tækifæri til að þroskast og verða betri fótboltamaður.“ Hákon Andri spilaði sínar fyrstu mínútur fyrir Lille í dag og nýtti þær svo sannarlega. Hann skoraði þrennu á aðeins 45 mínútum í 7-2 sigri Lille á belgíska úrvalsdeildarliðinu Cercle Brugge. Gott að vita af bræðrunum þarna saman úti í Frakklandi „Þeir munu geta stutt hvorn annan þarna úti ásamt kærustu Hákonar,“ segir Jónína. „Það er virkilega góð tilhugsun að vita af þeim þarna saman.“ Eins og fyrr sagði eiga þau hjónin bæði yfir að skipa glæstum leikmannaferlum í boltanum. Jónína er goðsögn á Skaganum þar sem að hún spilaði lengi vel með ÍA og þá á hún að baki A-landsleiki fyrir Íslands hönd. Þá spilaði Haraldur bæði sem atvinnu- og landsliðsmaður. Nú er svo komið að allir drengir þeirra hafa farið út í atvinnumennsku í boltanum. Sá elsti, Tryggvi Hrafn, fór á sínum tíma út í mennskuna en hann spilar nú með Val hér heima í Bestu deildinni. Unnur Ýr spilar svo með ÍA í 2. deildinni og er markahæsti leikmaður þeirra gulklæddu með sjö mörk í tólf leikjum. Hvert er leyndarmálið á bak við þessa staðreynd? „Við höfum svo sem ekkert svar við því,“ segir Haraldur og glottir. Tryggvi Hrafn spilar með Val.Vísir/Hulda Margrét „Að einhverju leyti er þetta kannski genatískt, svo höfum við öll að einhverju leyti verið heppin að því leytinu til að við héldum nokkuð meiðslalaus nema Tryggvi Hrafn. Svo erum við náttúrulega bara fótboltafjölskylda, börnin okkar alast upp við þetta og fótboltinn hefur alltaf verið nálægur. Svo snýst þetta náttúrulega líka um hugarfar, krakkarnir hötuðu að tapa fyrir mér í fótbolta þegar að þau voru yngri og lögðu sig 100 prósent fram í því að reyna vinna mig. Það hefur einhvern veginn skilað sér í öll börnin. Við erum ekki með einhverja eina uppskrift að þessu, er bara samblanda af mörgum þáttum.“ Þá hafi börn þeirra notið góðs af því að alast upp á Skaganum. „Hér við hliðina á fótboltavellinum. Hér eyddu þau löngum dögum í að æfa sjálf og hafa fengið frábæra þjálfun hér. Það er líka hluti af þessu, uppbyggingarstarfið sem þau hafa gengið í gegnum hér hjá ÍA.“ Viðtalið við þau hjón má sjá í spilaranum hér að ofan.
Fótbolti ÍA Franski boltinn Íslendingar erlendis Mest lesið Í beinni: Ísland - Aserbaísjan | Fyrsti leikur í undankeppni HM Fótbolti Anníe Mist selur CrossFit Reykjavíkur og BKG meðal kaupenda Sport Stórsér á stjörnunni eftir leikfang dótturinnar Golf Allir lögðust niður eftir óvænta og ágenga truflun í fótboltaleik Fótbolti Þróttur lánar sextán ára strák til Inter Milan Íslenski boltinn Húðflúraði Diogo Jota á kálfann sinn Fótbolti 54 ára markvörður rífur hanskana af hillunni Fótbolti Caitlin Clark ekki meira með á tímabilinu Körfubolti Levy var neyddur til að hætta Enski boltinn Fantasýn: „Ekki kaupa Isak núna“ Enski boltinn Fleiri fréttir Tuchel hefur ekkert rætt við Greenwood 54 ára markvörður rífur hanskana af hillunni Byrjunarlið Íslands gegn Aserbaísjan: Elías ver markið, Skagamenn stýra miðjunni og Logi á bekkinn Í beinni: Ísland - Aserbaísjan | Fyrsti leikur í undankeppni HM Gyökeres vitni í réttarhöldum Segir að Liverpool-menn muni sennilega aldrei jafna sig á fráfalli Jota „Gríðarleg pressa og það er bara gaman“ Orðin dýrust í sögu kvennaboltans Húðflúraði Diogo Jota á kálfann sinn „Alltaf mikil samkeppni og maður þarf að vera klár í það“ „Megum alls ekki vanmeta Aserbaísjan“ Fantasýn: „Ekki kaupa Isak núna“ Messi skoraði tvö í síðasta landsleiknum í Argentínu Allir lögðust niður eftir óvænta og ágenga truflun í fótboltaleik Levy var neyddur til að hætta Þróttur lánar sextán ára strák til Inter Milan Maðurinn sem keyrði á Liverpool stuðningsfólkið neitar sök Ein sú besta gæti snúið aftur eftir 20 mánaða fjarveru Gæti orðið fyrsti músliminn til að spila fyrir enska landsliðið Hetja Blika: „Einn leikur í einu“ „Betra fótboltaliðið tapaði í dag“ Óvænt tap Þýskalands og Belgía skoraði sex Sameiginlegt lið Grindavíkur og Njarðvíkur upp í Bestu eftir ótrúlegan sigur Uppgjör: Víkingur - Valur 3-2 | Víkingur náði í dýrmæt stig í fallbarátunni Ólafur Ingi: „Sjálfum okkur verstir“ Uppgjörið: Breiðablik - FH 2-1 | Ótrúleg endurkoma og Blikar að stinga af Levy hættur hjá Tottenham eftir 25 ár í starfi Uppgjörið: Tindastóll - Fram 1-0 | Lífsnauðsynlegur sigur Stólanna Uppgjörið: Ísland - Færeyjar 1-2 | Íslendingar í gjafastuði Valsmenn semja við einn markahæsta leikmanninn í Lengjunni Sjá meira
Byrjunarlið Íslands gegn Aserbaísjan: Elías ver markið, Skagamenn stýra miðjunni og Logi á bekkinn