Bylgju­lest og götu­biti í Hljóm­skála­garðinum

Það má því búast við fjölmenni næsta laugardag þar sem margt verður í boði fyrir unga sem aldna.

Lestarstjórar Bylgjulestarinnar næsta laugardag verða Ómar Úlfur og Vala Eiríks en þau verða í beinni á Bylgjunni milli kl. 12 og 16.

Fjölbreytt dagskrá verður í boði fyrir alla fjölskylduna eins og venjulega. Gefnir verða gjafapokar frá Bylgjunni, Vodafone vagninn mætir á svæðið, Hekla býður upp á bílasýningu, Hoppukastalar og leiktæki frá Kastalar.is verða á staðnum, Blaðrarinn mætir með blöðrurnar sínar og margt fleira. Einnig verður sumarleikur Bylgjulestarinnar, Tengiru?, á staðnum en hægt er að kynna sér leikinn hér.

Hvorki fleiri né færri en 30 matarvagnar og sölubásar verða á staðnum, þar af fimmtán nýir að sögn Robba, framkvæmdastjóra Götubitans. „Það er óhætt að segja við munum bjóða upp á rosalega fjölbreytni um helgina. Í boði verður götubiti frá Kólumbíu, Ítalíu, Kína, Ástralíu, Mexíkó, Nepal, Spáni og Japan svo nokkur lönd séu talin upp. Svo verða auðvitað þessir klassísku íslensku vagnar sem landsmenn eru farnir að þekkja. Flestir vagnarnir bjóða upp á nýja rétti um helgina þannig að landsmenn eiga svo sannarlega von á bragðmikilli veislu.“

Samhliða Götubitahátíðinni fer fram götubitakeppnin Europe­an Street Food Aw­ards sem er haldin víða um Evrópu. Sig­ur­veg­ari keppn­inn­ar um helgina mun taka þátt í lokakeppn­inni í Evr­ópu síðar í sumar en keppt er í nokkrum flokkum. „Dómnefnd fær það öfundsverða hlutverk að smakka alla bitana en hana skipa Hrefna Sætran frá Grillmarkaðinum, Jakob Einar Jakobsson frá Jómfrúnni, Davíð Örn Hákonarson frá Skreið og Eyþór Mar Halldórsson frá Public House Gastropub. Smakkið fer fram á laugardag og úrslitin verða kynnt kl. 16 á sunnudag en keppt er um besta götubitann, smábitann, grænmetisréttinn og götubíl fólksins en gestir hátíðarinnar kjósa um hann.“

Robbi býst við miklum fjölda gesta enda er veðurspáin fín um helgina. „Í fyrra komu um 30 þúsund manns og við eigum von á fleiri um helgina. Utan matarins verður margt skemmtilegt í boði, svo sem leiktæki og leiksvæði fyrir börnin og ýmis tónlistaratriði. Það ætti því engum að leiðast í Hljómskálagarðinum um helgina.“

Nánari upplýsingar um Götubitahátíðina má finna hér.

Götubitahátíðin stendur yfir frá kl. 12-20 á laugardag og frá 13-18 á sunnudag.

Kíktu við í Hljómskálagarðinn um helgina og taktu þátt í fjörinu með Bylgjulestinni á laugardag. Svalaðu þorstanum með Appelsíni án sykurs, gæddu þér á góðgæti frá Nóa Síríus og skemmtu þér með okkur í boði Orku náttúrunnar, Heklu, Samgöngustofu, Vodafone og Nettó.

Bylgjulestin, björt og brosandi um land allt í sumar.