Fimm vistaðir í fangaklefa í dag

Í tilkynningu lögreglunnar segir að tveir hafi verið handteknir vegna slagsmála. Hafi mennirnir veist að tveimur öðrum og voru vistaðir í fangaklefa í framhaldinu.

Þá var tilkynnt um þjófnað í apóteki og fannst þjófurinnskammt frá vettvangi eftir að lögreglu bar að garði. Hafði maðurinn snyrtvörur á sér og segir að hann hafi einnig notað nýjar snyrtivörur í búðinni án þess að greiða fyrir þær. Var málið afgreitt „með hefðbundum hætti“.

Þá voru tveir handteknir og vistaðir í fangaklefa eftir að hafa orðið uppvísir að því að eiga við læst reiðhjól. Fram kemur í tilkynningu að þeir hafi verið vopnaðir hnífum og með klippur á sér, auk þess að vera með nokkuð magn þýfi á sér.

Í Mjóddinni var síðan tilkynnt um aðila sem ógnaði öðrum með hnífi. Var maðurinn handtekinn ásamt öðrum og báðir vistaðir í fangaklefa.