„Þú fyrirgefur að ég fari ekki að ljóstra því upp“ Valur Páll Eiríksson skrifar 2. júní 2023 12:00 Arnar kveðst spenntur fyrir leik kvöldsins við Blikalið sem hann hrósar fyrir mikinn sigurvilja í sumar. Vísir/Hulda Margrét „Ég held það megi færa góð rök fyrir því að þetta sé einn af stórleikjum sumarsins. Það er mikil eftirvænting hjá öllum,“ segir Arnar Gunnlaugsson um leik hans manna í Víkingi við Breiðablik í Bestu deild karla í fótbolta á Kópavogsvelli í kvöld. Víkingur hafði unnið fyrstu níu leiki sína í deildinni fyrir 3-2 tap fyrir Val í síðustu umferð. Þrátt fyrir tapið var Arnar ánægður með frammistöðu sinna manna þar. „Ég var mjög ánægður með frammistöðuna. Stundum tekuru þátt í góðum fótboltaleik og tapar. Maður er auðvitað ekki hoppandi glaður að tapa leik en fótboltinn er stundum þannig að hlutirnir falla ekki alveg á þinn veg en ég held að við getum tekið margt gott út úr þeim leik,“ segir Arnar. Víkingur hafði aðeins fengið á sig tvö mörk í fyrstu níu leikjunum en fékk á sig þrjú í þeim leik. Arnar segir þó ekki áhyggjuefni, enda Víkingur fengið á sig lang fæst mörk í deildinni í sumar. „Ég held að það sé betra að hugsa um að glasið sé hálffullt fremur en hálftómt. Það er rétt að við fengum á okkur þrjú mörk og höfðum fengið á okkur tvö, en við getum líka litið á það þannig að við höfum fengið á okkur fimm mörk í tíu leikjum. Það er býsna gott,“ „Þegar einbeitingin er ekki alveg upp á tíu í varnarleiknum, eins og hún var í mörkunum sem við fengum á okkur gegn Val, þá fer illa. Það mun fara illa í kvöld en við bjóðum upp á svona einbeitingarleysi. Þau mál voru rædd í aðdraganda leiksins í kvöld,“ segir Arnar. Forréttindi að takast á við Blikana Breiðablik er ríkjandi Íslandsmeistari en Víkingur bikarmeistari. Óhætt er að segja að þau tvö hafi verið þau bestu á landinu síðustu misseri og hafa þau háð marga baráttuna. Arnar kveðst hafa gaman af því að kljást við Blikana. „Þetta eru forréttindi. Þessi tvö lið hafa svolítið einokað síðustu tvö ár í íslenska boltanum og eru vel að því komin. Þessi lið og önnur líka, hafa ýtt öðrum upp á næsta stig. Þetta verður gríðarleg skák í kvöld og verður hart barist á hliðarlínunni, sem og inni á vellinum,“ segir Arnar sem hrósar kollega sínum, Óskari Hrafni Þorvaldssyni, þjálfara Blika. „Blikarnir hafa kannski ekki verið upp á sitt besta hvað spilamennsku varðar í sumar en hafa sýnt ótrúlegan vilja og karakter í leikjum, þegar hlutirnir hafa ekki litið vel út fyrir þá, til að kreista út úrslit. Það er eitthvað sem Blikarnir hafa kannski ekki verið þekktir fyrir síðustu ár en þessi viljastyrkur er kominn inn í klúbbinn sem er kannski mikið til þjálfaranum að þakka,“ „En við erum með fimm stiga forskot, menn mega ekki gleyma því. Þannig að við mætum með kassann úti og ætlum að sýna það og sanna að við eigum heima á toppnum,“ segir Arnar. Uppskrift að fótboltaveislu Arnar var þá spurður hvort hann ætti einhverja ása uppi í erminni fyrir baráttu kvöldsins. „Þú fyrirgefur að ég fari ekki að ljóstra því upp núna,“ segir Arnar og hlær en bætir við: „Þú reynir alltaf að breyta aðeins til en á þessu stigi ertu alltaf með plan A, plan B og jafnvel plan C. Þú reynir auðvitað að koma aðeins á óvart sem hefur kannski verið einkennismerki hjá okkur Víkingum undanfarin ár að breyta aðeins til,“ „Það er mikið stolt, mikill rígur en einnig mikil virðing á milli þessara liða. Það er bara í þeirra DNA að hvorugt liðið mun leyfa sér neitt annað en að sækja til sigurs, það er ekkert flóknara en það,“ „Veðrið lítur vel út, það er nýtt gervigras hjá Blikunum og ég verð illa svikinn ef það verða ekki 2000 manns plús á leiknum í kvöld. Ef það er ekki uppskrift að góðri fótboltaveislu, þá veit ég ekki hvað,“ segir Arnar. Leikur Breiðabliks og Víkings hefst klukkan 19:15 í kvöld. Bein útsending hefst klukkan 19:00 á Stöð 2 Sport. Stúkan er á dagskrá klukkan 21:25 þar sem öll umferðin verður gerð upp af Guðmundi Benediktssyni og sérfræðingum. Besta deild karla Fótbolti Víkingur Reykjavík Breiðablik Mest lesið Ronaldo sagður hafa hótað að siga lögreglunni á börnin Fótbolti Ekkert spilað í þrjú ár eftir ítrekuð læknamistök Handbolti Rekinn fyrir að kyssa liðsfélaga sinn Sport Stóð uppi sem hetja Englands þrátt fyrir áfall skömmu fyrir mót Fótbolti Trúnaðarbrestur og formaðurinn hættur Íslenski boltinn Ætlar að vera á íslensku á TikTok Sport Gjörbreyttur Luka hefur tekið á því í ræktinni Körfubolti „Rosalega vitlaust á þessum tímapunkti í leiknum“ Íslenski boltinn Sjáðu markið sem var stolið, rauða spjaldið og alla markaveislu Stjörnunnar Íslenski boltinn Ekroth skúrkurinn í Stúkunni: „Hann grípur um andlitið, hann veit af þessu“ Íslenski boltinn Fleiri fréttir „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Ekroth skúrkurinn í Stúkunni: „Hann grípur um andlitið, hann veit af þessu“ Sjáðu markið sem var stolið, rauða spjaldið og alla markaveislu Stjörnunnar Arftakinn sagður koma frá Hlíðarenda Uppselt á Evrópuleik KA á Akureyri KR lætur þjálfarateymið fjúka Uppgjörið: Stjarnan - Afturelding 4-1 | Snéru við dæminu manni fleiri Tómas Bent nálgast Edinborg Með átta mörk og sex stoðsendingar í sama leiknum Segja Jóhannes kosta tæpar tíu milljónir króna Sjáðu Pedersen jafna metið og Kennie kremja hjörtu Víkinga Uppgjörið: Fram - Víkingur 2-2 | Kennie Chopart stal stigi fyrir Fram Uppgjörið: Valur - FH 3-1 | Pedersen jafnaði markametið og Valur á toppinn Uppgjörið: Vestri - ÍBV 2-0 | Fyrsti sigur Vestra síðan 15. júní Uppgjörið: KR - Breiðablik 1-1 | Allt jafnt á nýja gervigrasinu Spilaði með KV í gær en má spila með KR í dag Snúa aftur eftir 233 daga framkvæmdir: „Þetta er gamechanger“ Aukaspyrnumark Oumars tryggði Njarðvík stig í toppslagnum „Það er ástæða fyrir því að ég vildi snúa aftur “ „Ótrúlegt að við skyldum ekki klára leikinn fyrr“ Uppgjör: FH - Fram 3-1 | FH-konur upp i annað sætið Keflvíkingar klúðruðu víti á nítugustu mínútu Leik lokið: Víkingur - Stjarnan 2-1 | Víkingar galopna fallbaráttuna í fyrsta leik undir nýrri stjórn „Hef mikla trú að það muni ganga upp núna“ Frá sólinni í Tampa yfir í Bestu deild kvenna á Íslandi „Okkur fannst þetta ekkert öðruvísi en aðrir leikir” Andrea Rán semur við FH Uppgjör: Breiðablik-Þróttur 3-1 | Blikakonur unnu toppslaginn Uppgjör: Valur-FHL 2-1 | Fanndís hetja Valskvenna Sjá meira
Víkingur hafði unnið fyrstu níu leiki sína í deildinni fyrir 3-2 tap fyrir Val í síðustu umferð. Þrátt fyrir tapið var Arnar ánægður með frammistöðu sinna manna þar. „Ég var mjög ánægður með frammistöðuna. Stundum tekuru þátt í góðum fótboltaleik og tapar. Maður er auðvitað ekki hoppandi glaður að tapa leik en fótboltinn er stundum þannig að hlutirnir falla ekki alveg á þinn veg en ég held að við getum tekið margt gott út úr þeim leik,“ segir Arnar. Víkingur hafði aðeins fengið á sig tvö mörk í fyrstu níu leikjunum en fékk á sig þrjú í þeim leik. Arnar segir þó ekki áhyggjuefni, enda Víkingur fengið á sig lang fæst mörk í deildinni í sumar. „Ég held að það sé betra að hugsa um að glasið sé hálffullt fremur en hálftómt. Það er rétt að við fengum á okkur þrjú mörk og höfðum fengið á okkur tvö, en við getum líka litið á það þannig að við höfum fengið á okkur fimm mörk í tíu leikjum. Það er býsna gott,“ „Þegar einbeitingin er ekki alveg upp á tíu í varnarleiknum, eins og hún var í mörkunum sem við fengum á okkur gegn Val, þá fer illa. Það mun fara illa í kvöld en við bjóðum upp á svona einbeitingarleysi. Þau mál voru rædd í aðdraganda leiksins í kvöld,“ segir Arnar. Forréttindi að takast á við Blikana Breiðablik er ríkjandi Íslandsmeistari en Víkingur bikarmeistari. Óhætt er að segja að þau tvö hafi verið þau bestu á landinu síðustu misseri og hafa þau háð marga baráttuna. Arnar kveðst hafa gaman af því að kljást við Blikana. „Þetta eru forréttindi. Þessi tvö lið hafa svolítið einokað síðustu tvö ár í íslenska boltanum og eru vel að því komin. Þessi lið og önnur líka, hafa ýtt öðrum upp á næsta stig. Þetta verður gríðarleg skák í kvöld og verður hart barist á hliðarlínunni, sem og inni á vellinum,“ segir Arnar sem hrósar kollega sínum, Óskari Hrafni Þorvaldssyni, þjálfara Blika. „Blikarnir hafa kannski ekki verið upp á sitt besta hvað spilamennsku varðar í sumar en hafa sýnt ótrúlegan vilja og karakter í leikjum, þegar hlutirnir hafa ekki litið vel út fyrir þá, til að kreista út úrslit. Það er eitthvað sem Blikarnir hafa kannski ekki verið þekktir fyrir síðustu ár en þessi viljastyrkur er kominn inn í klúbbinn sem er kannski mikið til þjálfaranum að þakka,“ „En við erum með fimm stiga forskot, menn mega ekki gleyma því. Þannig að við mætum með kassann úti og ætlum að sýna það og sanna að við eigum heima á toppnum,“ segir Arnar. Uppskrift að fótboltaveislu Arnar var þá spurður hvort hann ætti einhverja ása uppi í erminni fyrir baráttu kvöldsins. „Þú fyrirgefur að ég fari ekki að ljóstra því upp núna,“ segir Arnar og hlær en bætir við: „Þú reynir alltaf að breyta aðeins til en á þessu stigi ertu alltaf með plan A, plan B og jafnvel plan C. Þú reynir auðvitað að koma aðeins á óvart sem hefur kannski verið einkennismerki hjá okkur Víkingum undanfarin ár að breyta aðeins til,“ „Það er mikið stolt, mikill rígur en einnig mikil virðing á milli þessara liða. Það er bara í þeirra DNA að hvorugt liðið mun leyfa sér neitt annað en að sækja til sigurs, það er ekkert flóknara en það,“ „Veðrið lítur vel út, það er nýtt gervigras hjá Blikunum og ég verð illa svikinn ef það verða ekki 2000 manns plús á leiknum í kvöld. Ef það er ekki uppskrift að góðri fótboltaveislu, þá veit ég ekki hvað,“ segir Arnar. Leikur Breiðabliks og Víkings hefst klukkan 19:15 í kvöld. Bein útsending hefst klukkan 19:00 á Stöð 2 Sport. Stúkan er á dagskrá klukkan 21:25 þar sem öll umferðin verður gerð upp af Guðmundi Benediktssyni og sérfræðingum.
Besta deild karla Fótbolti Víkingur Reykjavík Breiðablik Mest lesið Ronaldo sagður hafa hótað að siga lögreglunni á börnin Fótbolti Ekkert spilað í þrjú ár eftir ítrekuð læknamistök Handbolti Rekinn fyrir að kyssa liðsfélaga sinn Sport Stóð uppi sem hetja Englands þrátt fyrir áfall skömmu fyrir mót Fótbolti Trúnaðarbrestur og formaðurinn hættur Íslenski boltinn Ætlar að vera á íslensku á TikTok Sport Gjörbreyttur Luka hefur tekið á því í ræktinni Körfubolti „Rosalega vitlaust á þessum tímapunkti í leiknum“ Íslenski boltinn Sjáðu markið sem var stolið, rauða spjaldið og alla markaveislu Stjörnunnar Íslenski boltinn Ekroth skúrkurinn í Stúkunni: „Hann grípur um andlitið, hann veit af þessu“ Íslenski boltinn Fleiri fréttir „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Ekroth skúrkurinn í Stúkunni: „Hann grípur um andlitið, hann veit af þessu“ Sjáðu markið sem var stolið, rauða spjaldið og alla markaveislu Stjörnunnar Arftakinn sagður koma frá Hlíðarenda Uppselt á Evrópuleik KA á Akureyri KR lætur þjálfarateymið fjúka Uppgjörið: Stjarnan - Afturelding 4-1 | Snéru við dæminu manni fleiri Tómas Bent nálgast Edinborg Með átta mörk og sex stoðsendingar í sama leiknum Segja Jóhannes kosta tæpar tíu milljónir króna Sjáðu Pedersen jafna metið og Kennie kremja hjörtu Víkinga Uppgjörið: Fram - Víkingur 2-2 | Kennie Chopart stal stigi fyrir Fram Uppgjörið: Valur - FH 3-1 | Pedersen jafnaði markametið og Valur á toppinn Uppgjörið: Vestri - ÍBV 2-0 | Fyrsti sigur Vestra síðan 15. júní Uppgjörið: KR - Breiðablik 1-1 | Allt jafnt á nýja gervigrasinu Spilaði með KV í gær en má spila með KR í dag Snúa aftur eftir 233 daga framkvæmdir: „Þetta er gamechanger“ Aukaspyrnumark Oumars tryggði Njarðvík stig í toppslagnum „Það er ástæða fyrir því að ég vildi snúa aftur “ „Ótrúlegt að við skyldum ekki klára leikinn fyrr“ Uppgjör: FH - Fram 3-1 | FH-konur upp i annað sætið Keflvíkingar klúðruðu víti á nítugustu mínútu Leik lokið: Víkingur - Stjarnan 2-1 | Víkingar galopna fallbaráttuna í fyrsta leik undir nýrri stjórn „Hef mikla trú að það muni ganga upp núna“ Frá sólinni í Tampa yfir í Bestu deild kvenna á Íslandi „Okkur fannst þetta ekkert öðruvísi en aðrir leikir” Andrea Rán semur við FH Uppgjör: Breiðablik-Þróttur 3-1 | Blikakonur unnu toppslaginn Uppgjör: Valur-FHL 2-1 | Fanndís hetja Valskvenna Sjá meira
Leik lokið: Víkingur - Stjarnan 2-1 | Víkingar galopna fallbaráttuna í fyrsta leik undir nýrri stjórn