„Ég hef þjálfað fólk í líkams- og heilsurækt síðastliðin 25 ár, þolfimi, fimleikum, hlaupahópum, kerrupúli og BootCamp svo nokkuð sé nefnt.  Ég er 46 ára, gift og er móðir þriggja barna. Ég hef mikla trú á náttúruafurðum á borð við þær sem Saga Natura hefur rannsakað í gegnum árin. 

Þar finnst mér íslenska ætihvönnin og SagaPro standa uppúr þegar kemur að löngum og krefjandi æfingum ásamt AstaSkin sem er að mínu mati ást fyrir húðina," segir Melkorka.

„Ég prófaði AstaSkin fyrst fyrir nokkrum árum. Ég hafði notað SagaPro í þó nokkurn tíma með góðum árangri þannig ég hafði trú á þeim gæðavörum sem Saga Natura framleiðir.“

„Ég á nokkrar vinkonur sem nota AstaSkin að staðaldri allan ársins hring og aðrar sem nota það bara á sumrin. 

Þær vinkonur mínar sem hafa prófað Astaskin tala um að brúnir húðblettir hafi minnkað og dregið hafi úr húðþurrki ásamt því að brúnkan/húðliturinn verður jafnari og meira geislandi. Sérstaklega hafa þær tekið eftir þessum jákvæðu breytingum í andliti og á höndum.“

Sjálf segist Melkorka finna að húðin þolir sólina mun betur en áður.

„Ég var t.d. gjörn að fá sólarexem, en það hefur ekki gerst eftir að ég byrjaði að nota AstaSkin. Mér finnst ég einnig fá jafnari og fallegri húðlit af sólinni sem endist lengur auk þess sem húðin mín er þolnari fyrir sól og ég brenn síður. Húðin mín er öll mýkri og ekki eins þurr.“ 

Melkorka bætir við að hún sé sannfærð um að varan dragi úr bjúgmyndum en astaxanthin sem er eitt af þremur virku efnunum í AstaSkin er þekkt fyrir að draga úr bólgumyndun. 

„Ég hef tekið eftir því ég fæ gjarnan bjúg þegar ég ferðast en eftir að ég byrjaði að taka inn AstaSkin hef ég ekki fundið fyrir þeim kvilla.“

„Áhugamál mín tengjast flest öll útivist og hefur AstaSkin komið þar að góðum notum fyrir líkama og húð mína. Ég hef stundað útihlaup í mörg ár, auk þess að hafa gaman af því að ganga á fjöll, stunda skíðamennsku, hjóla og ferðast. 

Ég er best geymd úti eins og ég segi gjarnan við mína nánustu því mér líður hvergi betur en úti í náttúrunni og þá skiptir veðrið engu máli, sól, rigning, rok allt þar á milli hefur sinn sjarma og nærir og hreinsar bæði líkama og sál.“

„Ég get svo sannarlega mælt með áskriftarkerfi Saga Natura enda er áfyllingin send frítt heim, ég fæ 20% afslátt af öllum vörum og það er enginn binditími. Þægindin að vera laus við að muna eftir að nálgast fæðubótarefnin úti í búð hefur sparað mér tíma, fyrirhöfn og skipulag. Þetta er frábær leið fyrir þá sem gleyma gjarnan að verða sér út um mikilvæg bætiefni.“

Neytendur uppgötvuðu nýja virkni og bólurnar hurfu!

Sólveig Stefánsdóttir, framkvæmdastjóri Saga Natura segir AstaSkin eina vinsælustu vöru fyrirtækisins og hafa viðskiptavinir verið duglegir að deila sögum sínum um virkni vörunnar. 

„Við heyrum frá neytendum að AstaSkin virki vel á þurra og bólótta húð, styrki húðina í sól, dragi úr þurrkublettum og stuðli að almennt sterkari húð. Áhugaverðustu sögurnar eru þó hversu vel AstaSkin hefur virkað á algengan húðkvilla sem nefnist Keratosis pilaris (KP). Erlendis nefnist þessi kvilli öðru nafni „chicken skin” og einkennist af smáum upphleyptum bólum sem innihalda uppsafnað keratín. Bólurnar eru stundum með roða og eru yfirleitt á upphandleggjum, vanga og bringu en finnast líka annarsstaðar á líkamanum." 

AstaSkin virðist virka gegn þessum algenga kvilla sem margir hafa átt erfitt með að ráða bót á með öðrum aðferðum. Leyndarmálið á bakvið einstaka blöndu AstaSkin telur Sólveig liggja í þremur mikilvægum virkum innihaldsefnum;

1. Seramíðið Myoceram® er klínískt rannsakað fæðubótarefni. Náttúrlegt seramíð í húð fólks minnkar alla jafna yfir veturinn og því er mikilvægt að huga vel að lausnum fyrir húðina nú þegar sumarið nálgast. Seramíðið í AstaSkin vinnur gegn rakatapi húðarinnar og hjálpar til við að draga úr þurrki húðarinnar.
2. Astaxanthin hefur margvíslega eiginleika, m.a. eykur það endurheimt, verndar húðina gegn UV geislum sólar, hrukkur og fínar línur verða grynnri og einnig getur astaxanthin komið í veg fyrir myndun á öldrunarblettum. Fjölmargar klínískar rannsóknir hafa verið gerðar víða um heim á áhrifum astaxanthin á heilsu manna, en það er einstaklega öflugt andoxunarefni.
3. Kollagen er eitt helsta byggingarprótein húðarinnar. Eftir 25 ára aldur fer náttúrleg kollagen framleiðsla í líkamanum að minnka. Rannsóknir benda til þess að inntaka kollagens geti minnkað liðverki ásamt því að hafa góð áhrif á húð, hár og neglur.

Saga Natura fær styrk til útrásar á AstaSkin

Hjá Saga Natura starfar öflugt rannsóknar- og þróunarteymi og er markmið þeirra að rannsaka virkni vara Saga Natura í þaula. 

„Það var mikil viðurkenning fyrir okkur að fá rannsóknarstyrk frá Matvælasjóði, meðal annars í þeim tilgangi að gera heildstæða markaðsúttekt á markhópi AstaSkin erlendis. Einnig höfum við sótt um hugverkaleyfi fyrir okkar sérstöku formúlu sem liggur á bakvið AstaSkin.

Þess má geta að í haust mega okkar traustu viðskiptavinir búast við bættri AstaSkin blöndu með auknu E-vítamíni og í stað þess að þurfa að taka tvö hylki á dag þurfa neytendur aðeins að innbyrða eitt hylki. 

Okkar markmið er ávallt að þróa og betrumbæta vörur okkar og á haustdögum munum við hefja framleiðslu á AstaSkin í samstarfi við Pharmartica sem staðsett er á Grenivík. Gæðastaðlar eru okkur mikilvægir og uppfyllir Pharmarctica alla þá staðla sem krafist er af nútímaframleiðslufyrirtækjum í dag.“

Sólveig bætir við að vinsældir AstaSkin hér á landi hafa styrkt Saga Natura í enn frekari útrás. 

„Við ætlum okkur stóra hluti fyrir AstaSkin á komandi misserum, rétt eins og við höldum áfram að sækja út með okkar stærstu vöru, SagaPro, sem við seljum nú þegar í 9 löndum við afar góðan orðstýr.“

Sólveig telur AstaSkin eiga mikið erindi á alþjóðamarkað: 

„Fyrir tveimur árum framkvæmdi rannsóknarteymi Saga Natura tvær neytendakannanir á AstaSkin. Allir þátttakendur í könnuninni sem voru með KP alba fundu töluverðan mun eftir inntöku AstaSkin, í báðum könnunum. Það tók um tvo mánuði að sjá áhrif AstaSkin á húðina og einkennin minnkuðu með hverjum mánuðinum. Það var því virkilega áhugavert og ánægjulegt að sjá viðbrögð þátttakenda í lok könnunarinnar þegar fyrir og eftir myndir voru skoðaðar, þar sem margir trúðu varla hve munurinn var mikill. Sérstaklega var svo áhugavert að sjá að þegar að þátttakendur prófuðu að hætta inntöku AstaSkin í rannsóknarskyni í lok könnunarinnar tók ekki langan tíma fyrir einkennin að láta á sér kræla aftur.“

AstaSkin er selt í öllum helstu marvörubúðum, apótekum og á heimasíðu Saga Natura www.saganatura.is