Stærðarinnar tré féll á Tjarnargötu

Vísi bárust eftirfarandi myndir þar sem stærðarinnar birkitré hafði fallið á götuna.

Jón Þór Víglundsson staðfestir í samtali við fréttastofu að engar björgunarsveitir hafi verið kallaðar út vegna tjóns í dag. 

„Það er allavega ekki komið á það stig. Maður vonast bara til þess að það komi ekki til þess, en það er ómögulegt að segja.“

Líklegt er að veðrið sé að ná hámarki þessa stundina. Gul viðvörun er enn í gildi á öllu landinu utan Austfjarða. Viðvörunin gildir til klukkan 18 á morgun, miðvikudag. Á suðvesturhorninu er 15-23 m/s, skúrir eða slydduél. Draga á úr vindi í nótt.