Neytendur

Glúten­frír bjór inn­kallaður vegna glútens

Atli Ísleifsson skrifar
Fyrirtækið Rætur og vín ehf. hefur innkallað vöruna í samráði við Heilbrigðiseftirlitið.
Fyrirtækið Rætur og vín ehf. hefur innkallað vöruna í samráði við Heilbrigðiseftirlitið. MAST

Matvælastofnun hefur varað við glútenfría bjórnum Snublejuice frá To Øl sem Rætur og Vín ehf. flytja inn þar sem glúten í bjórnum. Bjórinn er markaðssettur sem glútenfrír bjór.

Á vef Matvælastofnunar segir að Rætur og Vín hafi með aðstoð heilbrigðiseftirlit Garðarbæjar, Hafnarfjarðar, Kópavogs, Mosfellsbæjar og Seltjarnaness innkallað vöruna.

Tilkynning um innköllunina barst fyrst til Matvælastofnunar í gegnum RASFF hraðviðvörunarkerfi Evrópu um hættuleg matvæli og fóður á markaði.

Einungis á innköllunin við eftirfarandi framleiðslulotur:

  • 30/05/23
  • 31/05/23
  • 15/06/23
  • 03/08/23
  • 19/08/23
  • 06/09/23
  • 27/10/23
  • 14/11/23
  • 22/12/23
  • 23/12/23

Viðskiptavinir sem keypt hafa vöruna geta skilað henni í næstu Vínbúð gegn endurgreiðslu.

Innköllun Áfengi og tóbak


Mest lesið


Fleiri fréttir

Sjá meira


×

Mest lesið