Girðing og myndavélar ekki stöðvað ferðamenn við að létta á sér Kristinn Haukur Guðnason skrifar 4. maí 2023 22:13 Ferðamenn kasta af sér þvagi við bensínstöðina á Djúpavogi. Skjáskot ja.is Engin salernisaðstaða er við helsta verslunarkjarna Djúpavogs og ferðamenn kasta af sér þvagi við bensínstöðina. Heimastjórn og íbúar í nágrenninu eru ósátt við stöðuna. „Það er búið að reyna að gera allt. Það er búið að girða og setja upp myndavélar. Fólki er nákvæmlega sama því það veit að það er enginn sem situr við skjáinn og starir á það,“ segir Oddný Anna Björnsdóttir, fulltrúi í heimastjórn Djúpavogs í Múlaþingi. RÚV greindi fyrst frá því í mars að sveitarfélagið gerði þá kröfu á fimm fyrirtæki í helsta verslunarkjarna bæjarins að þau kæmu upp salernisaðstöðu. Húsnæðið er í eigu fasteignafélags Samkaupa sem leigir út rými til Landsbankans, ÁTVR og Íslandspósts. Þá er olíufyrirtækið N1 með litla bensínstöð fyrir utan. Fyrirtækin hafa ekki sýnt vilja til að koma upp salernisaðstöðu. Íbúar þreyttir á óþrifnaðinum „Ferðamenn sjá dælurnar, koma inn og búast við að finna salerni,“ segir Oddný. „Þegar þeim er sagt að það sé neðar í götunni nenna þeir ekki þangað heldur fara bak við hús og gera þarfir sínar.“ Vandamálið er þó enn meira utan opnunartíma verslananna því ferðamenn eru að koma á öllum tímum sólarhringsins á bensínstöðina. Sveitarfélagið rekur eina salernisaðstöðu í nágrenninu og hyggst koma upp öðru, í um 100 til 200 metra fjarlægð frá bensínstöðinni. En það virðist ekki vera nóg fyrir ferðamennina og ekki kemur til greina að sveitarfélagið reki salerni inni í húsnæði einkaaðila. Oddný Anna Björnsdóttir segir íbúana orðna þreytta á óþrifnaðinum.Múlaþing „Íbúar þarna í kring eru orðnir mjög þreyttir á þessu,“ segir Oddný um lyktina og óþrifnaðinn sem af þessu hlýst. „Þar sem þetta er lítill verslunarkjarni er ekkert óeðlilegt að þessi fyrirtæki, þar með talið N1, taki sig saman um rekstur salernis til að þjónusta ferðafólk og íbúa. Þá losna þau líka við að fólk sé að létta af sér fyrir utan.“ Vilja færa stöðina Málið hefur ítrekað verið rætt á fundum heimastjórnar og hefur verið óskað eftir viðbrögðum frá fyrirtækjunum. Þau hafa hins vegar hingað til verið neikvæð og bera ÁTVR og Íslandspóstur til dæmis fyrir sig að vera leigjendur. Samkvæmt Oddnýju á N1 eftir að svara heimastjórninni. Á fundi heimastjórnarinnar í dag harmaði stjórnin viðbrögð fyrirtækjanna og furðaði sig á viljaleysi þeirra til að koma til móts við viðskiptavini og nærsamfélagið á Djúpavogi. „Heimastjórn áréttar jafnframt ályktun frá 2. maí 2022 þar sem óskað var eftir því við umhverfis og framkvæmdaráð að kannað verði hvort staðsetning sjálfsafgreiðslustöðvar N1 á Djúpavogi standist núverandi skipulag, enda var stöðin sett niður án grenndarkynningar og án samráðs við íbúa á sínum tíma,“ var jafn framt bókað á fundinum. Aðspurð um hvort þetta sé hótun segist Oddný ekki vilja taka svo djúpt í árina. Áður hefur verið rætt um að finna bensínstöðinni nýja staðsetningu, og þá helst við einhvers konar þjónustumiðstöð. „Þetta er ekki mjög heppileg staðsetning. Þetta eru einu dælurnar og það eru þungaflutningar að fara í gegnum bæinn,“ segir Oddný. Þá sé stöðin líka of lítil og það vanti dælur fyrir rafbíla. Salernismálið hafi ýtt við að þessi mál séu endurskoðuð. „Við ætlum að kalla þau hjá N1 á fund og ræða þessi mál í góðu,“ segir Oddný. Múlaþing Ferðamennska á Íslandi Verslun Mest lesið Lést í umferðarslysi við Álfabakka Innlent „Auðvitað lét ég hann heyra það“ Innlent Tuttugu og þrjár konur stíga fram og fórnarlömb raðnauðgara talin á sjöunda tug Erlent „Það munaði minnstu að þeir dræpu mig“ Innlent Talaði í 25 tíma og sló Bandaríkjamet Erlent Borgarstjóra falið að beita sér fyrir því að einkaflug á Reykjavíkurflugvelli fari annað Innlent „Er líf okkar ekki jafn mikils virði og þeirra í Reykjavík?“ Innlent Engin virkni á gossprungunni en glóð logar í hrauninu Innlent Samfylkingin mælist með 27 prósenta fylgi Innlent Skoða kostnaðinn við yfirtöku Grænlands Erlent Fleiri fréttir Möguleiki að gos hefjist norðanmegin en ólíklegt þó Af neyðarstigi og á hættustig 48 þúsund króna sekt fyrir að beita hund harðýðgi „Þetta er bara brandarakvöld“ Hafa núna skrifborð þar sem áður var flugstýri Meðalævilengd eykst milli ára og ungbarnadauði minnkar Lést í umferðarslysi við Álfabakka „Auðvitað lét ég hann heyra það“ Samfylkingin mælist með 27 prósenta fylgi Réðust á og hótuðu starfsmönnum verslunar Engin virkni á gossprungunni en glóð logar í hrauninu Skipað í nýja Grindavíkurnefnd Sjálfstæðisflokkurinn langstærstur Borgarstjóra falið að beita sér fyrir því að einkaflug á Reykjavíkurflugvelli fari annað Sækja um leyfi fyrir Kvíslatunguvirkjun Annasamur sólarhringur hjá björgunarsveit Patreksfjarðar Gosið í dag bara smá leki úr kvikuganginum „Það munaði minnstu að þeir dræpu mig“ „Er líf okkar ekki jafn mikils virði og þeirra í Reykjavík?“ Hafnar ásökunum um byssuat og uppgefnir íbúar undir Steinafjalli „Haugalygi að ég hafi ógnað einhverjum með byssu“ Fordæmir atvikið í Grindavík Fara fram á að Mangione fái dauðarefsinguna Ekið á gangandi vegfaranda Beindi byssunni yfir höfuð björgunarsveitarmanns Neituðu að rýma: „Við viljum fá að vera í friði“ „Þessi staður er ákaflega óheppilegur“ Beita öllum brögðum til að minnka tjón ef hraunið nær bænum Grindvíkingur ógnaði björgunarsveitarfólki með skotvopni „Minni kraftur í þessu samanborið við fyrri gos“ Sjá meira
„Það er búið að reyna að gera allt. Það er búið að girða og setja upp myndavélar. Fólki er nákvæmlega sama því það veit að það er enginn sem situr við skjáinn og starir á það,“ segir Oddný Anna Björnsdóttir, fulltrúi í heimastjórn Djúpavogs í Múlaþingi. RÚV greindi fyrst frá því í mars að sveitarfélagið gerði þá kröfu á fimm fyrirtæki í helsta verslunarkjarna bæjarins að þau kæmu upp salernisaðstöðu. Húsnæðið er í eigu fasteignafélags Samkaupa sem leigir út rými til Landsbankans, ÁTVR og Íslandspósts. Þá er olíufyrirtækið N1 með litla bensínstöð fyrir utan. Fyrirtækin hafa ekki sýnt vilja til að koma upp salernisaðstöðu. Íbúar þreyttir á óþrifnaðinum „Ferðamenn sjá dælurnar, koma inn og búast við að finna salerni,“ segir Oddný. „Þegar þeim er sagt að það sé neðar í götunni nenna þeir ekki þangað heldur fara bak við hús og gera þarfir sínar.“ Vandamálið er þó enn meira utan opnunartíma verslananna því ferðamenn eru að koma á öllum tímum sólarhringsins á bensínstöðina. Sveitarfélagið rekur eina salernisaðstöðu í nágrenninu og hyggst koma upp öðru, í um 100 til 200 metra fjarlægð frá bensínstöðinni. En það virðist ekki vera nóg fyrir ferðamennina og ekki kemur til greina að sveitarfélagið reki salerni inni í húsnæði einkaaðila. Oddný Anna Björnsdóttir segir íbúana orðna þreytta á óþrifnaðinum.Múlaþing „Íbúar þarna í kring eru orðnir mjög þreyttir á þessu,“ segir Oddný um lyktina og óþrifnaðinn sem af þessu hlýst. „Þar sem þetta er lítill verslunarkjarni er ekkert óeðlilegt að þessi fyrirtæki, þar með talið N1, taki sig saman um rekstur salernis til að þjónusta ferðafólk og íbúa. Þá losna þau líka við að fólk sé að létta af sér fyrir utan.“ Vilja færa stöðina Málið hefur ítrekað verið rætt á fundum heimastjórnar og hefur verið óskað eftir viðbrögðum frá fyrirtækjunum. Þau hafa hins vegar hingað til verið neikvæð og bera ÁTVR og Íslandspóstur til dæmis fyrir sig að vera leigjendur. Samkvæmt Oddnýju á N1 eftir að svara heimastjórninni. Á fundi heimastjórnarinnar í dag harmaði stjórnin viðbrögð fyrirtækjanna og furðaði sig á viljaleysi þeirra til að koma til móts við viðskiptavini og nærsamfélagið á Djúpavogi. „Heimastjórn áréttar jafnframt ályktun frá 2. maí 2022 þar sem óskað var eftir því við umhverfis og framkvæmdaráð að kannað verði hvort staðsetning sjálfsafgreiðslustöðvar N1 á Djúpavogi standist núverandi skipulag, enda var stöðin sett niður án grenndarkynningar og án samráðs við íbúa á sínum tíma,“ var jafn framt bókað á fundinum. Aðspurð um hvort þetta sé hótun segist Oddný ekki vilja taka svo djúpt í árina. Áður hefur verið rætt um að finna bensínstöðinni nýja staðsetningu, og þá helst við einhvers konar þjónustumiðstöð. „Þetta er ekki mjög heppileg staðsetning. Þetta eru einu dælurnar og það eru þungaflutningar að fara í gegnum bæinn,“ segir Oddný. Þá sé stöðin líka of lítil og það vanti dælur fyrir rafbíla. Salernismálið hafi ýtt við að þessi mál séu endurskoðuð. „Við ætlum að kalla þau hjá N1 á fund og ræða þessi mál í góðu,“ segir Oddný.
Múlaþing Ferðamennska á Íslandi Verslun Mest lesið Lést í umferðarslysi við Álfabakka Innlent „Auðvitað lét ég hann heyra það“ Innlent Tuttugu og þrjár konur stíga fram og fórnarlömb raðnauðgara talin á sjöunda tug Erlent „Það munaði minnstu að þeir dræpu mig“ Innlent Talaði í 25 tíma og sló Bandaríkjamet Erlent Borgarstjóra falið að beita sér fyrir því að einkaflug á Reykjavíkurflugvelli fari annað Innlent „Er líf okkar ekki jafn mikils virði og þeirra í Reykjavík?“ Innlent Engin virkni á gossprungunni en glóð logar í hrauninu Innlent Samfylkingin mælist með 27 prósenta fylgi Innlent Skoða kostnaðinn við yfirtöku Grænlands Erlent Fleiri fréttir Möguleiki að gos hefjist norðanmegin en ólíklegt þó Af neyðarstigi og á hættustig 48 þúsund króna sekt fyrir að beita hund harðýðgi „Þetta er bara brandarakvöld“ Hafa núna skrifborð þar sem áður var flugstýri Meðalævilengd eykst milli ára og ungbarnadauði minnkar Lést í umferðarslysi við Álfabakka „Auðvitað lét ég hann heyra það“ Samfylkingin mælist með 27 prósenta fylgi Réðust á og hótuðu starfsmönnum verslunar Engin virkni á gossprungunni en glóð logar í hrauninu Skipað í nýja Grindavíkurnefnd Sjálfstæðisflokkurinn langstærstur Borgarstjóra falið að beita sér fyrir því að einkaflug á Reykjavíkurflugvelli fari annað Sækja um leyfi fyrir Kvíslatunguvirkjun Annasamur sólarhringur hjá björgunarsveit Patreksfjarðar Gosið í dag bara smá leki úr kvikuganginum „Það munaði minnstu að þeir dræpu mig“ „Er líf okkar ekki jafn mikils virði og þeirra í Reykjavík?“ Hafnar ásökunum um byssuat og uppgefnir íbúar undir Steinafjalli „Haugalygi að ég hafi ógnað einhverjum með byssu“ Fordæmir atvikið í Grindavík Fara fram á að Mangione fái dauðarefsinguna Ekið á gangandi vegfaranda Beindi byssunni yfir höfuð björgunarsveitarmanns Neituðu að rýma: „Við viljum fá að vera í friði“ „Þessi staður er ákaflega óheppilegur“ Beita öllum brögðum til að minnka tjón ef hraunið nær bænum Grindvíkingur ógnaði björgunarsveitarfólki með skotvopni „Minni kraftur í þessu samanborið við fyrri gos“ Sjá meira
Borgarstjóra falið að beita sér fyrir því að einkaflug á Reykjavíkurflugvelli fari annað Innlent
Borgarstjóra falið að beita sér fyrir því að einkaflug á Reykjavíkurflugvelli fari annað Innlent