Matt­hew McCon­aug­hey og Woo­dy Harrel­son gætu verið bræður

McConaughey sagði nýlega frá þessu í viðtali og í gær staðfesti Harrelson þetta. Þeir gætu virkilega verið hálfbræður. Faðir Harrelson gæti í raun einnig verið faðir McConaughey. 

Sagan er þannig að leikararnir voru eitt sinn saman í Grikklandi ásamt móður McConaughey. Harrelson var þá að tala um föður sinn og sagðist hún hafa þekkt hann. Lagði hún áherslu á að hún hafi þekkt hann og áttuðu leikararnir sig á því að hún var að meina að hún hafi sofið hjá honum. 

Tímalínan í þessu stemmir, móðir McConaughey á að hafa sofið hjá föður Harrelson níu mánuðum áður en hún eignaðist hann. 

„Við viljum fara í DNA-próf en það er miklu stærra mál fyrir hann. Honum líður eins og hann sé að missa pabba sinn. En ég segi bara að hann sé að eignast annan pabba og bróður,“ sagði Harrelson í þætti Stephen Colbert í gær.