Hart tekist á um erfðafjárskatt: „Er þetta í alvöru forgangsröðunin?“ Ólafur Björn Sverrisson skrifar 5. apríl 2023 00:03 Helga Vala og Guðrún Hafsteinsdóttir tókust á um breytingu á erfðalögum. samsett Þrír þingmenn Sjálfstæðisflokks hafa lagt fram frumvarp á Alþingi þar sem lagt er til að fyrstu tíu milljónir erfðafjár verði gerðar skattfrjálsar. Samkvæmt núgildandi lögum eru fyrstu 5,7 milljónir erfðafjár skattfrjálsar. Þingmaður Samfylkingar segir erfðafjárskattinn þann sanngjarnasta. Ekki sé rétt forgangsröðun að veita efnamesta fólki landsins skattaafslátt með þessari breytingu. Helga Vala Helgadóttir þingkona Samfylkingar og Guðrún Hafsteinsdóttir þingkona Sjálfstæðisflokks ræddu um fyrrgreint frumvarp í Reykjavík síðdegis. „Ég hef tekið eftir því á ýmsum vettvangi að eldra fólk vill gjarnan getað aðstoðað börnin sín með betri hætti en mögulegt er í dag. Sem betur fer er það þannig núna í okkar samfélagi að það eru margir ágætlega staddir fjárhagslega. Það eru fjölmargir sem hafa það ágætt og við eigum að gleðjast yfir því,“ segir Guðrún og beinir sjónum sínum í framhaldinu að fyrirframgreiddum arfi. „Ríkisvaldið er að hagnast á þeim gjörningi í formi skatts og af fjármunum sem í mörgum tilfellum hafa verið margskattlagðir áður. Ég er þeirrar skoðunar að við eigum að geta fært fjármuni á milli kynslóða án svo mikilla ríkisafskipta eins og nú eru.“ Guðrún Hafsteinsdóttir er einnig formaður efnahags- og viðskiptanefndar AlþingisVísir/Vilhelm Sanngjarn skattur í ljósi misskiptingar Helga Vala segir ástandið í samfélaginu koma í veg fyrir að hægt sé að réttlæta þessa breytingu. „Maður veltir því fyrir sér hvort þetta sé rétt forgangsröðun á Íslandi í dag, að aflétta skattbyrði af þeim sem að eiga mest, í staðinn fyrir að koma einhvern veginn til móts við þá sem eiga ekki til hnífs og skeiðar í dag. Sá hópur fer sístækkandi og það er staðreynd,“ segir hún. Erfðarfjárskattur sé jafnframt sanngjarn. „Hann er að mati færustu hagfræðinga metinn sá sanngjarnasti almennt,“ segir Helga Vala og bætir við: „Við erum með alls konar þjónustugjöld þar sem ekkert er tekið tillit til eigna, en þarna á að fara og hjálpa þeim sem að eiga mest til að láta fjármuni ganga áfram. Það er það sem ég er að velta fyrir mér, er þetta í alvöru forgangsröðunin? Það eru meira að segja hægrisinnaðir hagfræðingar sem benda á að þetta sé sanngjarnasta skattheimtan, þar sem þetta er ekki skattur á laun heldur gjöf sem enginn getur átt von á eða búist við.“ Helga Vala HelgadóttirVísir/Vilhelm Ekki hópurinn sem þarf að verja Guðrún segir rangt hjá Helgu Völu að Sjálfstæðismenn séu á móti skattheimtu. „Ég held að við getum gert margt í íslensku skattkerfi til að einfalda það. Vitaskuld viljum við grípa þá hópa sem standa höllum fæti. En þegar það kemur að eignum eins og dánarbúum sem er sannarlega búið að margskattleggja í gegnum árin, og ef það er geta hjá foreldrum að aðstoða börn sín með einhverjum hætti, af hverju eigum við þá ekki að leyfa fólki að gera það?“ spyr Guðrún sem telur erfðafjárskattinn ósanngjarnan og vill sjá hann lægri en 10 prósent. Helga Vala telur ekki rétt að tekjuhæsti hópurinn fái ívilnun sem þessa. „Ef maður á það mikla fjármuni að maður getur afhent margar milljónir án þess að selja ofan af þér húsið og steypa þér í skuldir, hefur barnið þitt væntanlega alist upp við mikið ríkidæmi og mun gera það áfram eftir þinn dag. Ég velti fyrir mér hvort þetta sé hópurinn sem við þurfum að verja í dag.“ Alþingi Fjölskyldumál Skattar og tollar Sjálfstæðisflokkurinn Mest lesið Skotin með gúmmíkúlu í beinni frá mótmælunum Erlent Sannfærð um sakleysi eiginmannsins og segir hann hetjuna sína Erlent Konan er fundin Innlent Ísraelsher stöðvaði skútuna og handtók áhöfnina Erlent Newsom ætlar að kæra Trump Erlent Íslendingur á válista CIA árið 1970 Innlent Tveir sjúkrabílar kallaðir út vegna bílslyss við Mjódd Innlent „Erum ekki að lýsa yfir stuðningi við Trump“ Innlent Mjög áhyggjufull yfir tilfærslu ráðuneytisins Innlent Ökumenn mótorhjóla greiða meira en landsbyggðin minna Innlent Fleiri fréttir Leita leiða til að auðvelda framsal fanga til heimalands síns Taka húfurnar úr sölu: Harma að „misheppnað grín“ hafi komið illa við fólk Nemar á Landspítalanum klæddust „Öldrunarbúningi“ Ökumenn mótorhjóla greiða meira en landsbyggðin minna Ástand í Kaliforníu og breytt frumvarp um kílómetragjald Tveir sjúkrabílar kallaðir út vegna bílslyss við Mjódd Sóttu veikan sjómann Konan er fundin Slökktu eld á svölum á fjórðu hæð í Engihjalla Ekki hægt að nota rafræn skilríki Mjög áhyggjufull yfir tilfærslu ráðuneytisins Frestun fjármagns til verkmenntaskóla, mótmæli í LA og fjölmenningarhátíð Komu í veg fyrir sýruleka á Akureyrarhöfn „Erum ekki að lýsa yfir stuðningi við Trump“ Þotur notaðar í flugi Icelandair til Nuuk Íslendingur á válista CIA árið 1970 Flutningur Konukots mikið framfaraskref en skilur áhyggjur nágranna Vond stjórnsýsla að teikna bara einhverja reiti á kort Fresta uppbyggingu verkmenntaskóla: „Þessi óvissa er fyrir neðan allar hellur“ Menningarveisla í allt sumar á Sólheimum Björgunarsveit selur derhúfur í stíl Bandaríkjaforseta Alvarlegt ástand í Los Angeles og opnun nýs Konukots Eftirlýstur maður handtekinn grunaður um vændiskaup Ríkisstjóri Utah heimsækir Eyjar: Mormónarnir vissu allt um sprönguna Heilbrigðisstofnun Suðurnesja skilaði 800 milljónum til ríkissjóðs Alþjóðlegir sérfræðingar ræða baráttuna gegn myglu í Hörpu Hermenn í Los Angeles, mylguráðstefna og síðasti leikur Arons Pálmarssonar Hætta með ökuskírteini í símaveski vegna Evrópureglna Evrópusambandið, rétttrúnaður og endurskoðun veiðiráðgjafarinnar Þrír reyndu að komast undan lögreglu Sjá meira
Helga Vala Helgadóttir þingkona Samfylkingar og Guðrún Hafsteinsdóttir þingkona Sjálfstæðisflokks ræddu um fyrrgreint frumvarp í Reykjavík síðdegis. „Ég hef tekið eftir því á ýmsum vettvangi að eldra fólk vill gjarnan getað aðstoðað börnin sín með betri hætti en mögulegt er í dag. Sem betur fer er það þannig núna í okkar samfélagi að það eru margir ágætlega staddir fjárhagslega. Það eru fjölmargir sem hafa það ágætt og við eigum að gleðjast yfir því,“ segir Guðrún og beinir sjónum sínum í framhaldinu að fyrirframgreiddum arfi. „Ríkisvaldið er að hagnast á þeim gjörningi í formi skatts og af fjármunum sem í mörgum tilfellum hafa verið margskattlagðir áður. Ég er þeirrar skoðunar að við eigum að geta fært fjármuni á milli kynslóða án svo mikilla ríkisafskipta eins og nú eru.“ Guðrún Hafsteinsdóttir er einnig formaður efnahags- og viðskiptanefndar AlþingisVísir/Vilhelm Sanngjarn skattur í ljósi misskiptingar Helga Vala segir ástandið í samfélaginu koma í veg fyrir að hægt sé að réttlæta þessa breytingu. „Maður veltir því fyrir sér hvort þetta sé rétt forgangsröðun á Íslandi í dag, að aflétta skattbyrði af þeim sem að eiga mest, í staðinn fyrir að koma einhvern veginn til móts við þá sem eiga ekki til hnífs og skeiðar í dag. Sá hópur fer sístækkandi og það er staðreynd,“ segir hún. Erfðarfjárskattur sé jafnframt sanngjarn. „Hann er að mati færustu hagfræðinga metinn sá sanngjarnasti almennt,“ segir Helga Vala og bætir við: „Við erum með alls konar þjónustugjöld þar sem ekkert er tekið tillit til eigna, en þarna á að fara og hjálpa þeim sem að eiga mest til að láta fjármuni ganga áfram. Það er það sem ég er að velta fyrir mér, er þetta í alvöru forgangsröðunin? Það eru meira að segja hægrisinnaðir hagfræðingar sem benda á að þetta sé sanngjarnasta skattheimtan, þar sem þetta er ekki skattur á laun heldur gjöf sem enginn getur átt von á eða búist við.“ Helga Vala HelgadóttirVísir/Vilhelm Ekki hópurinn sem þarf að verja Guðrún segir rangt hjá Helgu Völu að Sjálfstæðismenn séu á móti skattheimtu. „Ég held að við getum gert margt í íslensku skattkerfi til að einfalda það. Vitaskuld viljum við grípa þá hópa sem standa höllum fæti. En þegar það kemur að eignum eins og dánarbúum sem er sannarlega búið að margskattleggja í gegnum árin, og ef það er geta hjá foreldrum að aðstoða börn sín með einhverjum hætti, af hverju eigum við þá ekki að leyfa fólki að gera það?“ spyr Guðrún sem telur erfðafjárskattinn ósanngjarnan og vill sjá hann lægri en 10 prósent. Helga Vala telur ekki rétt að tekjuhæsti hópurinn fái ívilnun sem þessa. „Ef maður á það mikla fjármuni að maður getur afhent margar milljónir án þess að selja ofan af þér húsið og steypa þér í skuldir, hefur barnið þitt væntanlega alist upp við mikið ríkidæmi og mun gera það áfram eftir þinn dag. Ég velti fyrir mér hvort þetta sé hópurinn sem við þurfum að verja í dag.“
Alþingi Fjölskyldumál Skattar og tollar Sjálfstæðisflokkurinn Mest lesið Skotin með gúmmíkúlu í beinni frá mótmælunum Erlent Sannfærð um sakleysi eiginmannsins og segir hann hetjuna sína Erlent Konan er fundin Innlent Ísraelsher stöðvaði skútuna og handtók áhöfnina Erlent Newsom ætlar að kæra Trump Erlent Íslendingur á válista CIA árið 1970 Innlent Tveir sjúkrabílar kallaðir út vegna bílslyss við Mjódd Innlent „Erum ekki að lýsa yfir stuðningi við Trump“ Innlent Mjög áhyggjufull yfir tilfærslu ráðuneytisins Innlent Ökumenn mótorhjóla greiða meira en landsbyggðin minna Innlent Fleiri fréttir Leita leiða til að auðvelda framsal fanga til heimalands síns Taka húfurnar úr sölu: Harma að „misheppnað grín“ hafi komið illa við fólk Nemar á Landspítalanum klæddust „Öldrunarbúningi“ Ökumenn mótorhjóla greiða meira en landsbyggðin minna Ástand í Kaliforníu og breytt frumvarp um kílómetragjald Tveir sjúkrabílar kallaðir út vegna bílslyss við Mjódd Sóttu veikan sjómann Konan er fundin Slökktu eld á svölum á fjórðu hæð í Engihjalla Ekki hægt að nota rafræn skilríki Mjög áhyggjufull yfir tilfærslu ráðuneytisins Frestun fjármagns til verkmenntaskóla, mótmæli í LA og fjölmenningarhátíð Komu í veg fyrir sýruleka á Akureyrarhöfn „Erum ekki að lýsa yfir stuðningi við Trump“ Þotur notaðar í flugi Icelandair til Nuuk Íslendingur á válista CIA árið 1970 Flutningur Konukots mikið framfaraskref en skilur áhyggjur nágranna Vond stjórnsýsla að teikna bara einhverja reiti á kort Fresta uppbyggingu verkmenntaskóla: „Þessi óvissa er fyrir neðan allar hellur“ Menningarveisla í allt sumar á Sólheimum Björgunarsveit selur derhúfur í stíl Bandaríkjaforseta Alvarlegt ástand í Los Angeles og opnun nýs Konukots Eftirlýstur maður handtekinn grunaður um vændiskaup Ríkisstjóri Utah heimsækir Eyjar: Mormónarnir vissu allt um sprönguna Heilbrigðisstofnun Suðurnesja skilaði 800 milljónum til ríkissjóðs Alþjóðlegir sérfræðingar ræða baráttuna gegn myglu í Hörpu Hermenn í Los Angeles, mylguráðstefna og síðasti leikur Arons Pálmarssonar Hætta með ökuskírteini í símaveski vegna Evrópureglna Evrópusambandið, rétttrúnaður og endurskoðun veiðiráðgjafarinnar Þrír reyndu að komast undan lögreglu Sjá meira