Lakers á siglingu og Embiid frábær í naumum sigri

D´Angelo Russell fór mikinn í góðum sigri Los Angeles Lakers á Toronto Raptors, 122-112. Russell var stigahæstur Lakers manna með 28 stig auk þess að gefa níu stoðsendingar.

Eftir fremur slakt tímabil hafa Lakers menn verið á siglingu að undanförnu þrátt fyrir að LeBron James sé fjarri góðu gamni vegna meiðsla en þetta var þriðji sigur liðsins í röð og er liðið í níunda sæti Vesturdeildarinnar.

Joel Embiid reyndist hetja Philadelpha 76ers sem lagði Portland Trail Blazers að velli með minnsta mun, 120-119.

Kamerúninn kórónaði frábæran leik sinn með því að gera sigurkörfuna en hann var jafnframt stigahæsti leikmaður vallarins með 39 stig.

Úrslit næturinnar

Philadelphia 76ers - Portland Trail Blazers 120-119

Washington Wizards - Atlanta Hawks 107-114

Miami Heat - Cleveland Cavaliers 119-115

Minnesota Timberwolves - Brooklyn Nets 123-124

San Antonio Spurs - Denver Nuggets 128-120

Los Angeles Lakers - Toronto Raptors 122-112