Fótbolti

Flóðljós og ljósleiðari verði skylda á Íslandi

Sindri Sverrisson skrifar
Breiðablik gat spilað á kvöldin síðasta haust vegna þess að flóðljós eru á Kópavogsvelli. Karlalið Blika varð hins vegar að spila á Laugardalsvelli í Evrópukeppni 2021 vegna þess að styrkleiki ljósanna uppfyllti ekki kröfur UEFA um 800 lux styrk, sem meðal annars hefur áhrif á gæði sjónvarpsútsendinga.
Breiðablik gat spilað á kvöldin síðasta haust vegna þess að flóðljós eru á Kópavogsvelli. Karlalið Blika varð hins vegar að spila á Laugardalsvelli í Evrópukeppni 2021 vegna þess að styrkleiki ljósanna uppfyllti ekki kröfur UEFA um 800 lux styrk, sem meðal annars hefur áhrif á gæði sjónvarpsútsendinga. vísir/Diego

Heimavellir allra liða í Bestu deildum karla og kvenna í fótbolta á Íslandi verða vel flóðlýstir og með ljósleiðaratengingu innan 1-3 ára samkvæmt tillögum sem kosið verður um á ársþingi KSÍ á Ísafirði um helgina.

Lenging Íslandsmótsins í fótbolta hefur gert það að verkum að á völlum sem ekki eru flóðlýstir hafa birtuskilyrði ekki verið nægilega góð. Til þess að leikir gætu hreinlega farið fram á þeim völlum, í október í fyrra, var spilað snemma og til að mynda hófst mikilvægur leikur FH og Leiknis í Kaplakrika klukkan 15:15 á mánudegi.

Orri Hlöðversson, formaður Íslensks toppfótbolta og þar af leiðandi stjórnarmaður í KSÍ, er skráður fyrir tillögu um að bætt verði úr flóðlýsingu á leikvöllum.

Samkvæmt tillögunni eiga allir leikvellir í efstu deildum karla og kvenna að vera búnir flóðljósum með að lágmarki 800 lux styrkleika, sem uppfylla einnig önnur skilyrði sem UEFA setur um flóðlýsingu valla. Kröfur UEFA hafa til að mynda valdið því að Breiðablik varð að nota Laugardalsvöll sem heimavöll í Evrópukeppni 2021.

Lagt er til að aðlögunartími verði til upphafs keppnistímabilsins 2026.

Önnur tillaga snýst svo um að á öllum leikvöllum í efstu deildum karla og kvenna sé ljósleiðaratenging, og að félögin hafi frest fram að keppnistímabilinu 2024 til að uppfylla þá kröfu. Í greinargerð segir:

„Eðlilegt er að allir leikvellir í efstu deildum séu tengdir ljósleiðaratengingum þegar auknar kröfur eru gerðar um framleiðslu á leikjum fyrirsjónvarpsútsendingar o.fl. og leikirnir eru söluvara á bæði innlendum og erlendum vettvangi.“

KSÍ Besta deild karla Besta deild kvenna

Mest lesið


Fleiri fréttir

Sjá meira


×

Mest lesið