Óttuðust að mæta á fund með íbúum eftir eiturefnaslys Samúel Karl Ólason skrifar 16. febrúar 2023 10:31 Frá íbúafundinum í Austur-Palestínu í Ohio í gær. Íbúar kröfðust svara um umfangsmikið eiturefnaslys sem varð þar fyrr í mánuðinum. AP/Gene J. Puskar Forsvarsmenn lestarfyrirtækis sem átti lest sem fór af sporunum í Ohio fyrr í þessum mánuði mættu ekki á opinn fund sem haldinn var um málið í gær. Vísuðu þeir til öryggisástæðna fyrir því að þeir mættu ekki á fundinn. Mikið magn eiturefna sluppu út í andrúmsloftið þegar lestin fór af sporinu. Um fimmtíu vagnar flutningalestar Norfolk Southern-lestarfélagsins fóru út af sporinu við bæinn Austur-Palestínu í Ohio við ríkjamörkin að Pennsylvaníu 3. febrúar. Embættismenn segja fólki að efnin eigi ekki að ógna heilsu þeirra en það hefur gert lítið til að sefa ótta íbúa. Umhverfiseftirlit Bandaríkjanna hefur sagt að hættulaust sé fyrir fólk að anda að sér loftinu í Austur-Palestínu og forsvarsmenn Norfolk Southern hafa heitið því að hreinsa upp eftir lestarslysið. Ellefu af lestarvögnunum fimmtíu sem fóru af sporinu innihéldu eiturefni og lak hluti þeirra út í andrúmsloftið. Eiturefni brunnu einnig í eldi sem kviknaði í kjölfar slyssins. Slökkviliðsmenn komust ekki að eldinum til að slökkva hann í nokkra daga vegna ótta um að tankarnir myndu springa og vegna mögulegrar mengunar. Um fimmtán hundrað íbúum Austur-Palestínu var gert að yfirgefa heimili sín í nokkra daga. Þann 5. febrúar var ákveðið að hleypa efnum út í andrúmsloftið og brenna þau. Af hverju lestin fór af sporinu liggur ekki fyrir en rannsóknarnefnd umgönguslysa í Bandaríkjunum segir myndband sýna að mögulega hafi bilun í öxli eins lestarvagns hafa leitt til slyssins og að von sé á bráðabirgðaniðurstöðum úr rannsókn sérfræðinga eftir um tvær vikur. Síðan lestarslysið varð hafa dauðir fiskar fundist í lækjum og ám á svæðinu og íbúar hafa sagt héraðsmiðlum að hænur hafi drepist og gæludýr orðið veik, samkvæmt frétt BBC. AP fréttaveitan segir starfsmenn Umhverfisverndarstofnunar Ohio hafa greint vatnsból Austur-Palestínu og að þar hafi ekki fundist eiturefni. Hins vegar segja þeir nauðsynlegt að greina einkabrunna sérstaklega, þar sem þeir séu nær yfirborðinu en áðurnefnd vatnsból. Reiði á fundi Héraðsmiðillinn Columbus Dispatch hefur eftir fólki sem sótti fundinn að íþróttahús Austur-Palestínu hafi aldrei verið jafn þétt setið. Fólk hafi haft mikinn áhuga á að heyra svör forsvarsmanna lestarfyrirtækisins og það hafi vakið reiði að þeir mættu ekki. Trent Conaway, bæjarstjóri, sagði fundargestum að hann hefði fengið símtal skömmu fyrir fundinn og honum hafi verið tilkynnt að forsvarsmenn fyrirtækisins treystu því ekki að öryggi þeirra yrði tryggt á fundinum. Íbúar voru ekki sáttir við það en Conaway sagðist skilja reiði þeirra. „Ég er að reyna að fá svör. Ég get ekki þvingað þá til að vera hér,“ sagði bæjarstjórinn samkvæmt Columbus Dispatch. Á íbúafundinum spurðu íbúar ítrekað út í áhrif slyssins á vatnið á svæðinu og skringilegar yfirlýsingar embættismanna. Einn íbúi sagðist hafa fengið þau svör að það væri í góðu lagi að drekka vatn úr krönum en hann ætti samt að drekka vatn úr flöskum. Yfirmaður heilbrigðisdeildar Ohio sagði að þó eiturefnin hefðu drepið dýr væri ekki nóg af þeim í andrúmsloftinu og vatni til að hafa áhrif á menn. Magnið væri langt fyrir neðan heilbrigðisviðmið. Það tóku íbúar ekki vel í og spurðu af hverju fólk væri þá að verða veikt. Þingmaðurinn Bill Johnson, sem sat einnig fundinn, sagðist hvorki vera læknir eða efnafræðingur en benti fólki á að ef það fyndi fyrir einhverjum einkennum, ætti það að fara til læknis og fá það staðfest og skráð. „Látum vísindin segja okkur hvað þetta er,“ sagði Johnson. Segja ósatt um atvikið Mikil upplýsingaóreiða hefur fylgt lestarslysinu og hafa margir nýtt sér slysið til að dreifa rangfærslum og lygum. Í frétt AP er til að mynda bent á færslur á samfélagsmiðlum sem innihalda kort sem eiga að sýna að mikið magn eiturefna barst í ár í fjórtán ríkjum Bandaríkjanna. Færslum sem þessum hefur verið deilt mörg þúsund sinnum á samfélagsmiðlum. Blaðamaður sem fylgist náið með öfgafólki og samsæringum vestanahafs sagði í gær að þessir hópar væru að nýta sér lestarslysið til að dreifa lygum og samsæriskenningum, This is literally the pathway to getting radicalized: you find one thing that one conspiracy influencer says that you agree with, it gets you to drop your guard and explore more of their content, and little by little, you get sucked in. This is how and why they do it.— Mike Rothschild (no relation) (@rothschildmd) February 15, 2023 Bandaríkin Umhverfismál Samgönguslys Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Sjá meira
Um fimmtíu vagnar flutningalestar Norfolk Southern-lestarfélagsins fóru út af sporinu við bæinn Austur-Palestínu í Ohio við ríkjamörkin að Pennsylvaníu 3. febrúar. Embættismenn segja fólki að efnin eigi ekki að ógna heilsu þeirra en það hefur gert lítið til að sefa ótta íbúa. Umhverfiseftirlit Bandaríkjanna hefur sagt að hættulaust sé fyrir fólk að anda að sér loftinu í Austur-Palestínu og forsvarsmenn Norfolk Southern hafa heitið því að hreinsa upp eftir lestarslysið. Ellefu af lestarvögnunum fimmtíu sem fóru af sporinu innihéldu eiturefni og lak hluti þeirra út í andrúmsloftið. Eiturefni brunnu einnig í eldi sem kviknaði í kjölfar slyssins. Slökkviliðsmenn komust ekki að eldinum til að slökkva hann í nokkra daga vegna ótta um að tankarnir myndu springa og vegna mögulegrar mengunar. Um fimmtán hundrað íbúum Austur-Palestínu var gert að yfirgefa heimili sín í nokkra daga. Þann 5. febrúar var ákveðið að hleypa efnum út í andrúmsloftið og brenna þau. Af hverju lestin fór af sporinu liggur ekki fyrir en rannsóknarnefnd umgönguslysa í Bandaríkjunum segir myndband sýna að mögulega hafi bilun í öxli eins lestarvagns hafa leitt til slyssins og að von sé á bráðabirgðaniðurstöðum úr rannsókn sérfræðinga eftir um tvær vikur. Síðan lestarslysið varð hafa dauðir fiskar fundist í lækjum og ám á svæðinu og íbúar hafa sagt héraðsmiðlum að hænur hafi drepist og gæludýr orðið veik, samkvæmt frétt BBC. AP fréttaveitan segir starfsmenn Umhverfisverndarstofnunar Ohio hafa greint vatnsból Austur-Palestínu og að þar hafi ekki fundist eiturefni. Hins vegar segja þeir nauðsynlegt að greina einkabrunna sérstaklega, þar sem þeir séu nær yfirborðinu en áðurnefnd vatnsból. Reiði á fundi Héraðsmiðillinn Columbus Dispatch hefur eftir fólki sem sótti fundinn að íþróttahús Austur-Palestínu hafi aldrei verið jafn þétt setið. Fólk hafi haft mikinn áhuga á að heyra svör forsvarsmanna lestarfyrirtækisins og það hafi vakið reiði að þeir mættu ekki. Trent Conaway, bæjarstjóri, sagði fundargestum að hann hefði fengið símtal skömmu fyrir fundinn og honum hafi verið tilkynnt að forsvarsmenn fyrirtækisins treystu því ekki að öryggi þeirra yrði tryggt á fundinum. Íbúar voru ekki sáttir við það en Conaway sagðist skilja reiði þeirra. „Ég er að reyna að fá svör. Ég get ekki þvingað þá til að vera hér,“ sagði bæjarstjórinn samkvæmt Columbus Dispatch. Á íbúafundinum spurðu íbúar ítrekað út í áhrif slyssins á vatnið á svæðinu og skringilegar yfirlýsingar embættismanna. Einn íbúi sagðist hafa fengið þau svör að það væri í góðu lagi að drekka vatn úr krönum en hann ætti samt að drekka vatn úr flöskum. Yfirmaður heilbrigðisdeildar Ohio sagði að þó eiturefnin hefðu drepið dýr væri ekki nóg af þeim í andrúmsloftinu og vatni til að hafa áhrif á menn. Magnið væri langt fyrir neðan heilbrigðisviðmið. Það tóku íbúar ekki vel í og spurðu af hverju fólk væri þá að verða veikt. Þingmaðurinn Bill Johnson, sem sat einnig fundinn, sagðist hvorki vera læknir eða efnafræðingur en benti fólki á að ef það fyndi fyrir einhverjum einkennum, ætti það að fara til læknis og fá það staðfest og skráð. „Látum vísindin segja okkur hvað þetta er,“ sagði Johnson. Segja ósatt um atvikið Mikil upplýsingaóreiða hefur fylgt lestarslysinu og hafa margir nýtt sér slysið til að dreifa rangfærslum og lygum. Í frétt AP er til að mynda bent á færslur á samfélagsmiðlum sem innihalda kort sem eiga að sýna að mikið magn eiturefna barst í ár í fjórtán ríkjum Bandaríkjanna. Færslum sem þessum hefur verið deilt mörg þúsund sinnum á samfélagsmiðlum. Blaðamaður sem fylgist náið með öfgafólki og samsæringum vestanahafs sagði í gær að þessir hópar væru að nýta sér lestarslysið til að dreifa lygum og samsæriskenningum, This is literally the pathway to getting radicalized: you find one thing that one conspiracy influencer says that you agree with, it gets you to drop your guard and explore more of their content, and little by little, you get sucked in. This is how and why they do it.— Mike Rothschild (no relation) (@rothschildmd) February 15, 2023
Bandaríkin Umhverfismál Samgönguslys Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Sjá meira