Fótbolti

Sigurganga Napoli heldur áfram

Arnar Geir Halldórsson skrifar
Skorar alltaf.
Skorar alltaf. vísir/getty

Ekkert fær stöðvað topplið Napoli í ítölsku úrvalsdeildinni í fótbolta.

Í kvöld fékk liðið heimsókn frá Cremonese sem er í neðsta sæti deildarinnar og hefur enn ekki unnið leik á tímabilinu.

Getumunurinn á liðunum gríðarlegur og á 22.mínútu náði Khvicha Kvaratskhelia forystunni fyrir heimamenn og var staðan í leikhléi.

Markamaskínan Victor Osimhen var á skotskónum eins og oftast áður og kom Napoli í 2-0 eftir rúmlega klukkutíma leik og Eljif Elmas rak svo síðasta naglann í kistu botnliðsins með marki á 79.mínútu

Napoli hefur nú sextán stiga forystu á toppi deildarinnar.

Ítalski boltinn

Mest lesið


Fleiri fréttir

Sjá meira


×

Mest lesið