Einn læsti sig inni á salerni og öðrum vísað út af sól­bað­stofu

Lögreglu barst ein tilkynning um líkamsárás í póstnúmerinu 103, þar sem þrír voru sagðir hafa ráðist á einn. Tveir voru handteknir og árásarþoli leitaði aðstoðar á bráðamótttöku.  Fleiri tilkynningar bárust um slagsmál, meðal annars í póstnúmerinu 105, en þeim var lokið þegar lögreglu bar að.

Í miðborginni hafði lögregla afskipti af bar sem var haldið opnum lengur en heimild var til. Mikinn hávaða lagði frá staðnum og töluvert af fólki inni þegar lögreglu mætti á vettvang. Var starfsmönnum gert að loka staðnum.

Tilkynnt var um innbrot og þjófnaði í umdæminu Kópavogur/Breiðholt og innbrot og eignaspjöll á bifreið í umdæminu Hafnarfjörður/Garðabær. Þá var tilkynnt um einstakling í annarlegu ástandi í fjölbýlishúsi í póstnúmerinu 112. Honum var ekið heim.