Íslenski boltinn

HK fær einn heitasta leik­mann Lengju­deildarinnar

Runólfur Trausti Þórhallsson skrifar
Nýjasti leikmaður HK.
Nýjasti leikmaður HK. HK

Nýliðar HK eru byrjaðir að styrkja sig fyrir komandi átök í Bestu deild karla næsta sumar. Liðið tilkynnti í kvöld að það hefði samið við Marciano Aziz til tveggja ára.

Hinn 21 árs gamli Aziz gekk til liðs við Aftureldingu um mitt sumar á síðasta ári og heillaði flesta með spilamennsku sinni. Alls skoraði hann 10 mörk í aðeins 10 leikjum. Aziz kemur frá Belgíu og lék á sínum tíma fjóra leiki fyrir U-17 ára landslið Belga.

„Aziz mun styrkja hópinn mikið fyrir komandi tímabil í Bestu deildinni og bjóðum við hann hjartanlega velkominn til félagsins,“ segir í tilkynningu HK.

HK mætir Íslandsmeisturum Breiðabliks á Kópavogsvelli í 1. umferð Bestu deildarinnar þann 10. apríl næstkomandi.

Fótbolti Íslenski boltinn Besta deild karla HK Lengjudeild karla Afturelding

Mest lesið


Fleiri fréttir

Sjá meira


×

Mest lesið