Sport

Cody Gakpo að ganga í raðir Liverpool

Andri Már Eggertsson skrifar
Cody Gakpo skoraði 3 mörk í 5 leikjum á HM 
Cody Gakpo skoraði 3 mörk í 5 leikjum á HM  Vísir/Getty

Liverpool hefur gengið frá kaupum á sóknarmaninnum Cody Gakpo sem kemur frá PSV Eindhoven. Kaupverðið er 37 milljónir punda en gæti endað í allt að 50 milljónum punda.

Liverpool hefur fest kaup á einum eftirsóttasta sóknarmanni heims. Cody Gakpo spilaði frábærlega á heimsmeistaramótinu í fótbolta með Hollandi þar sem hann skoraði þrjú mörk í fimm leikjum. 

Yfirmaður knattspyrnumála PSV Eindhoven, Marcel Brands, vildi ekki tjá sig um verðið á Cody Gakpo en fullyrti að þetta væri metsala. Fabrizio Romano fullyrti að kaupverðið væri 37 milljónir punda og gæti farið upp í 50 milljónir punda.

Cody Gakpo mun ferðast til Englands á næstu dögum og fara í læknisskoðun og skrifa undir langtíma samning við Liverpool.

Enski boltinn

Mest lesið


Fleiri fréttir

Sjá meira


×

Mest lesið