Tólf tenniskonur eru á meðal 25 efstu og sjö af tíu efstu. Osaka er á toppi listans þriðja árið í röð. Á þessu ári námu tekjur hennar 51,1 milljónir Bandaríkjadala.
Serena Williams er í 2. sæti með tekjur upp á 41,3 milljónir Bandaríkjadala. Hinar tenniskonurnar á meðal tíu efstu eru Emma Raducanu, Iga Swiatek, Venus Williams, Coco Gauff og Jessica Pegula.
Skíðafimikonan Eileen Gu er í 3. sæti listans en tekjur hennar á árinu námu rúmlega tuttugu milljónum Bandaríkjadala. Það munar því helmingi á tekjum hennar og Serenu sem er í 2. sæti listans.
Fimleikakonan Simone Biles er svo í 8. sætinu og kylfingurinn Minjee Lee í því tíunda.
Tekjuhæstu íþróttakonur heims 2022 samkvæmt Forbes
- Naomi Osaka, tennis - 51,1 milljón (Bandaríkjadalir)
- Serena Williams, tennis - 41,3 milljónir
- Eileen Gu, skíðafimi - 20,1 milljón
- Emma Raducanu, tennis - 18,7 milljón
- Iga Świątek, tennis - 14,9 milljónir
- Venus Williams, tennis - 12,1 milljónir
- Coco Gauff, tennis - 11,1 milljón
- Simone Biles, fimleikar - 10 milljónir
- Jessica Pegula, tennis - 7,6 milljónir
- Minjee Lee, golf - 7,3 milljónir