Fyrrverandi NBA-stjarna handtekin fyrir að kýla dóttur sína

Stoudemire var handtekinn snemma morguns í gær en sleppt gegn tryggingu. Hann er sakaður um að hafa slegið dóttur sína í andlitið á laugardagskvöldið. Stoudemire á tvær unglingsdætur, sautján og fjórtán ára. Ekki er vitað hvora þeirra hann á að hafa slegið.

Í lögregluskýrslu segir að Stoudemire hafi sakað dóttur sína um vanvirðingu í garð móður sinnar í símtali. Þegar hún neitaði því brást Stoudemire ókvæða við og kýldi hana í andlitið.

Stúlkan hafði samband við móður sína, fyrrverandi eiginkonu Stoudemires, sem kom og sótti systurnar og bræður þeirra tvo og hafði svo samband við lögregluna.

Í færslu á samfélagsmiðlum svór Stoudemire af sér allar sakir. „Ég gæti séð mig ráðast á aðra manneskju, allra síst börnin mín. Ég virði, ver og elska fjölskyldu mína, sérstaklega börnin mín. Sem faðir bið ég ykkur um að virða friðhelgi okkar,“ skrifaði Stoudemire.

Hann var valinn nýliði ársins í NBA tímabilið 2002-03. Stoudemire átti sín bestu ár með Phoenix Suns en var skipt til New York Knicks 2010.