Vildi komast heim til Íslands eins fljótt og hægt var Óskar Ófeigur Jónsson skrifar 18. nóvember 2022 09:30 Guðmundur Ágúst Kristjánsson var að pútta mjög vel á lokaúrtökumótinu á Spáni. Getty/Angel Martinez Kylfingurinn Guðmundur Ágúst Kristjánsson er kominn heim til Íslands eftir ævintýraför til Spánar þar sem hann varð fyrsti Íslendingurinn í fimmtán ár til að komast inná Evrópumótaröðina í golfi. Guðmundur fylgdi þar í fótspor Birgis Leifs Hafþórssonar sem komst fyrstur Íslendinga í gegnum lokaúrtökumótið á Evrópumótaröðinni, fyrst árið 2006 og svo aftur ári síðar. Lokaúrtökumótinu lauk á miðvikudaginn en kylfingarnir þurftu þar að klára sex keppnisdaga. Guðmundur Ágúst lék hringina sex á samtals á átján höggum undir pari og endaði í 19.-23 sæti. Rétt eftir komuna til landsins í gær þá mætti Guðmundur í viðtal hjá Svövu Kristínu Gretarsdóttur. Hún fékk hann til að lýsa síðasta sólarhring hjá sér. „Maður er ekki alveg búinn að átta sig á þessu ennþá en það var bara markmiðið að koma sér eins fljótt heim og hægt var,“ sagði Guðmundur Ágúst Kristjánsson. Flestir hefðu þegið það að liggja aðeins og slappa af í sólinni á Spáni en Guðmundur vildi komast heim til Íslands sem fyrst. „Ég var að gera lítið að mistökum og var góður að pútta. Í öðru stiginu í vikunni á undan þá var ég að slá mjög vel en ekkert að pútta neitt spes. Það var léttari völlur og ekki eins sterkt mót og þá komst maður í gegn þar,“ sagði Guðmundur Ágúst. „Svo var þetta mistakalaust og nokkrir góðir hlutir gerðust inn á milli. Annar hringurinn var geggjaður og að koma sér upp í annað sætið þar. Þá þurfti maður ekki að vera að sækja að óþörfu,“ sagði Guðmundur. Var hann farinn að trúa þá? „Maður trúir alltaf á sjálfan sig en þetta er svo langt að maður má alls ekki fara fram úr sjálfum sér. Ég var eiginlega bara byrjaður að trúa þegar það voru þrjár holur eftir,“ sagði Guðmundur. Birgir Leifur Hafþórsson hafði sent Guðmundi kveðju og hann er að fylgja í hans fótspor með þessum árangri sínum. „Ég hef mjög mikið litið upp til hans í gegnum tíðina og hann er líka toppkarakter sem var alltaf mjög góður við okkur litlu guttana. Ég man að ég var stressaður þegar ég sá hann fyrst. Hann var ekki alveg á sama stað og Tiger en ekki langt frá heldur,“ sagði Guðmundur. Guðmundur Ágúst mun hefja tímabilið á DP World Tour þann 24. nóvember þar sem Joburg Open mótið fer fram í Jóhannesarborg í Suður-Afríku. Mótið stendur yfir dagana 24.-27. nóvember. Það má sjá allt viðtalið við hann hér fyrir neðan. Golf Mest lesið Mikil sorg hjá Haaland Enski boltinn „Mjög erfitt þegar hann hætti að geta verið sá maður“ Íslenski boltinn Lokar á föður sinn: Gerði hryllilega hluti við fólkið sem ég elska Enski boltinn Lést í hlaupi til minningar um systur sína Sport Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Var með ferðatöskuna tilbúna af því að Liverpool ætlaði að kaupa hann Enski boltinn Hungrið enn til staðar hjá Gunnari: Með augun á næsta bardaga Sport „Þeir hótuðu að handtaka konuna mína“ Fótbolti 115 kærur Manchester City teknar fyrir á mánudag Enski boltinn Fleiri fréttir Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sló golfhögg þótt að björninn væri að horfa á McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Sjá meira
Guðmundur fylgdi þar í fótspor Birgis Leifs Hafþórssonar sem komst fyrstur Íslendinga í gegnum lokaúrtökumótið á Evrópumótaröðinni, fyrst árið 2006 og svo aftur ári síðar. Lokaúrtökumótinu lauk á miðvikudaginn en kylfingarnir þurftu þar að klára sex keppnisdaga. Guðmundur Ágúst lék hringina sex á samtals á átján höggum undir pari og endaði í 19.-23 sæti. Rétt eftir komuna til landsins í gær þá mætti Guðmundur í viðtal hjá Svövu Kristínu Gretarsdóttur. Hún fékk hann til að lýsa síðasta sólarhring hjá sér. „Maður er ekki alveg búinn að átta sig á þessu ennþá en það var bara markmiðið að koma sér eins fljótt heim og hægt var,“ sagði Guðmundur Ágúst Kristjánsson. Flestir hefðu þegið það að liggja aðeins og slappa af í sólinni á Spáni en Guðmundur vildi komast heim til Íslands sem fyrst. „Ég var að gera lítið að mistökum og var góður að pútta. Í öðru stiginu í vikunni á undan þá var ég að slá mjög vel en ekkert að pútta neitt spes. Það var léttari völlur og ekki eins sterkt mót og þá komst maður í gegn þar,“ sagði Guðmundur Ágúst. „Svo var þetta mistakalaust og nokkrir góðir hlutir gerðust inn á milli. Annar hringurinn var geggjaður og að koma sér upp í annað sætið þar. Þá þurfti maður ekki að vera að sækja að óþörfu,“ sagði Guðmundur. Var hann farinn að trúa þá? „Maður trúir alltaf á sjálfan sig en þetta er svo langt að maður má alls ekki fara fram úr sjálfum sér. Ég var eiginlega bara byrjaður að trúa þegar það voru þrjár holur eftir,“ sagði Guðmundur. Birgir Leifur Hafþórsson hafði sent Guðmundi kveðju og hann er að fylgja í hans fótspor með þessum árangri sínum. „Ég hef mjög mikið litið upp til hans í gegnum tíðina og hann er líka toppkarakter sem var alltaf mjög góður við okkur litlu guttana. Ég man að ég var stressaður þegar ég sá hann fyrst. Hann var ekki alveg á sama stað og Tiger en ekki langt frá heldur,“ sagði Guðmundur. Guðmundur Ágúst mun hefja tímabilið á DP World Tour þann 24. nóvember þar sem Joburg Open mótið fer fram í Jóhannesarborg í Suður-Afríku. Mótið stendur yfir dagana 24.-27. nóvember. Það má sjá allt viðtalið við hann hér fyrir neðan.
Golf Mest lesið Mikil sorg hjá Haaland Enski boltinn „Mjög erfitt þegar hann hætti að geta verið sá maður“ Íslenski boltinn Lokar á föður sinn: Gerði hryllilega hluti við fólkið sem ég elska Enski boltinn Lést í hlaupi til minningar um systur sína Sport Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Var með ferðatöskuna tilbúna af því að Liverpool ætlaði að kaupa hann Enski boltinn Hungrið enn til staðar hjá Gunnari: Með augun á næsta bardaga Sport „Þeir hótuðu að handtaka konuna mína“ Fótbolti 115 kærur Manchester City teknar fyrir á mánudag Enski boltinn Fleiri fréttir Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sló golfhögg þótt að björninn væri að horfa á McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Sjá meira