Fótbolti

Útisigrar hjá Íslendingaliðunum á Ítalíu

Ingvi Þór Sæmundsson skrifar
Alexandra Jóhannsdóttir gekk í raðir Fiorentina í sumar.
Alexandra Jóhannsdóttir gekk í raðir Fiorentina í sumar. getty/Gabriele Maltinti

Þrjú Íslendingalið unnu sína leiki í ítölsku bikarkeppninni í dag, alla á útivelli. Um er að ræða Mílanó-liðin Inter og AC og Fiorentina.

Alexandra Jóhannsdóttir og stöllur hennar í Fiorentina byrjuðu með látum í E-riðli og unnu Genoa á útivelli með sjö mörkum gegn einu. Alexandra kom inn á sem varamaður í seinni hálfleik.

Í F-riðli vann Milan, sem Guðný Árnadóttir leikur með, 2-0 sigur á Ternana. Og í D-riðli rústaði Inter Cesena, 0-5.

Juventus, sem Sara Björk Gunnarsdóttir leikur með, mætir Cittadella í fyrsta leik sínum í B-riðli ekki fyrr en í byrjun næsta árs.

Ítalski boltinn

Mest lesið


Fleiri fréttir

Sjá meira


×

Mest lesið