Skagamaður gerði allt vitlaust í London Valur Páll Eiríksson skrifar 31. október 2022 07:30 Dagur Jóhannsson tryllti lýðinn á The Valley á laugardaginn. Heimasíða Charlton/Ben Peters/Focus Images Víkingaklapp, runkarabending og ömurleg skottilraun komu við sögu hjá Degi Jóhannssyni sem varð á örfáum sekúndum vinsælasti maðurinn á The Valley, heimavelli enska C-deildarliðsins Charlton, á laugardaginn var. Dagur var á meðal áhorfenda á leik Charlton Athletic og Ipswich Town á laugardaginn, ásamt níu manna föruneyti Skagamanna sem höfðu það þó að meginmarkmiði við ferðaáætlanir sínar að fara á ýmist á NFL-leik milli Jacksonville Jaguars og Denver Broncos á Wembley eða leik Arsenal við Nottingham Forest í ensku úrvalsdeildinni á sunnudeginum. Þeir þurftu þó að finna einhvern íþróttaviðburð á laugardeginum og fyrir valinu varð leikur Charlton og Ipswich – The Herminator Derby – kallaður af sumum, enda tvö lið sem fyrrum landsliðsmaðurinn Hermann Hreiðarsson spilaði fyrir á meðan þau voru í efstu deild snemma á þessari öld. Félagarnir af Skaganum fengu VIP-meðferð á vellinum. Efri röð: Andri Geir, Geir, Birkir, Arnþór Ingi og Alex. Neðri röð: Ragnar Þór, Jón Gunnar, Róbert og Dagur.Úr einkasafni Vinahópurinn fékk Hermann með sér í lið og sendu út mynd af sér með Hermanni sem tekin var eftir leik liðs hans ÍBV við Fram í Úlfarsárdal á dögunum. Þeir fengu eftir það aðgang ásamt öðrum erlendum stuðningsmannahópum liðsins að sérstakri VIP aðstöðu sem opnaði fjórum klukkustundum fyrir leik. Charlton stóð nefnilega fyrir degi alþjóðlegra stuðningsmanna í kringum leikinn þar sem fjölmargir erlendir stuðningsmannahópar liðsins voru saman komnir, ásamt hópi Íslendinga sem sögðust vera aðdáendahópur Hermanns Hreiðarssonar, og fengu að launum mynd af sér með Hermanni (þá sem var tekin eftir Fram leikinn) birta í leikskrá leiks laugardagsins. Hluti hópsins ásamt Hermanni Hreiðarssyni fyrir leik Fram og ÍBV í Úlfarsárdal á dögunum. Myndin var birt í leikskrá leiks Charlton og Ipswich.Úr einkasafni Hálfleikssýningin sem gerði ferðina Ekki nóg með það heldur fékk einn þeirra félaga að vera þátttakandi í svokallaðri Crossbeer áskorun í hálfleik. Um er að ræða sláarskotskeppni þar sem aðeins ein tilraun fæst, frá miðjuboga vallarins, og ef viðkomandi hittir í slá fær hann fimm þúsund pund í vasann og allir á vellinum fá frían bjór að auki. Dagur Jóhannsson varð fyrir valinu í vinahópnum og óhætt er að segja að það val hafi lukkast vel. Ekki þó þannig að Dagur hafi hitt í slá og farið af velli fimm þúsund sterlingspundum ríkari. Klippa: Dagur ærir The Valley Er hann var kynntur til leiks veifaði hann öllum vel í stúkunni nema þeim hluta þar sem stuðningsmenn Ipswich voru staðsettir sem hann sendi svokallaða runkarabendingu (e. wanker). Hann uppskar fyrir mikinn hlátur úr stúkunni og vakti töluverða athygli netverja sem kunnu misvel að meta athæfi hans. Þá stýrði Dagur einnig Víkingaklappi að íslenskum sið áður en hann spreytti sig á sláarskotinu. Það fór ekki betur en svo að hann rann til og flaug á höfuðið er boltinn þaut víðs fjarri marki. Það vakti einnig töluverða kátínu, og líklega meiri í ákveðnum enda stúkunnar en annars staðar. He's just slipped over now whilst doing the Crossbeer challenge, thus ironically, looking a bit of a w*nker HT #cafc 0-1 #itfc — Louis Mendez (@LouisMend) October 29, 2022 Félagar hans hlógu sig þá allir máttlausa í stúkunni á meðan þessu stóð og hafa ekki hlegið minna síðan, eftir að hafa séð viðbrögð stuðningsmanna liðsins á samfélagsmiðlum. Eftir hálfleikssýningu Dags fengu þeir félagar þó enn meira fyrir peninginn. Staðan var jöfn, 2-2, þegar komið var fram á 90. mínútu leiksins en Ipswich skoraði tvö mörk í uppbótartíma, á 91. og 94. mínútu. Charlton svaraði á ótrúlegan hátt með mörkum á 96. og 99. mínútu til að tryggja sér 4-4 jafntefli og gleðin ósvikin hjá Charlton-mönnum og þeim félögum af Skaganum í stúkunni í leikslok. 90 mins: 2 -2 FT: 4 -4 Sit back, relax and enjoy the MADDEST stoppage time that you will probably ever see! #cafc pic.twitter.com/dfVg0q5yEQ— Charlton Athletic FC (@CAFCofficial) October 30, 2022 Arsenal-stuðningsmaðurinn Dagur sá svo 5-0 sigur sinna manna á Nottingham Forest í gær en hluti hópsins sem fór á NFL-leikinn sá Denver Broncos leggja Jacksonville Jaguars. Þar rákust þeir á söngkonuna Ciöru, sem er eiginkona Russells Wilson, leikstjórnanda Denver Broncos. Ciara er eflaust þekktust fyrir lagið One, Two Step með Missy Elliott. Jón Gunnar, Arnþór Ingi og Geir rákust á Ciöru sem er þekktust fyrir lagið One, Two Step með Missy Elliott.Úr einkasafni Akranes England Enski boltinn Mest lesið Gæti orðið fyrsti músliminn til að spila fyrir enska landsliðið Enski boltinn Uppgjörið: Breiðablik - FH 2-1 | Ótrúleg endurkoma og Blikar að stinga af Íslenski boltinn Myndir frá endalokum Íslands á EM Körfubolti „Betra fótboltaliðið tapaði í dag“ Íslenski boltinn Afturelding marði Hauka í Hafnafirði Handbolti Óvænt tap Þýskalands og Belgía skoraði sex Fótbolti EM í dag: Flenging og stór bossi í kveðjuþætti Körfubolti Fram byrjar tímabilið á sterkum útisigri í Kaplakrika Handbolti Uppgjörið: Ísland - Færeyjar 1-2 | Íslendingar í gjafastuði Fótbolti Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Fleiri fréttir Gæti orðið fyrsti músliminn til að spila fyrir enska landsliðið Hetja Blika: „Einn leikur í einu“ „Betra fótboltaliðið tapaði í dag“ Óvænt tap Þýskalands og Belgía skoraði sex Sameiginlegt lið Grindavíkur og Njarðvíkur upp í Bestu eftir ótrúlegan sigur Uppgjörið: Víkingur - Valur 3-2 | Víkingur náði í dýrmæt stig í fallbarátunni Ólafur Ingi: „Sjálfum okkur verstir“ Uppgjörið: Breiðablik - FH 2-1 | Ótrúleg endurkoma og Blikar að stinga af Levy hættur hjá Tottenham eftir 25 ár í starfi Uppgjörið: Tindastóll - Fram 1-0 | Lífsnauðsynlegur sigur Stólanna Uppgjörið: Ísland - Færeyjar 1-2 | Íslendingar í gjafastuði Valsmenn semja við einn markahæsta leikmanninn í Lengjunni Arnar og Hákon sátu fyrir svörum Mættust í fótboltagolfi fyrir stórleik kvöldsins Fundu efnið sem felldi fótboltastelpurnar í öllu gúmmíi á gervigrasi Isak í fjölmiðlafeluleik Mo Salah var ekki skemmt vegna færslu um fyrrum félaga Guðjohnsen bræður berjast um sömu stöðu en gætu spilað saman Setti nýtt heimsmet í Liverpool treyjum Heimir leggur allt undir: „Núna er tíminn til að standa sig“ Styðja þrettán ára strák sem var kýldur af pabba mótherja Blindraþraut fyrir risaleik: „Þetta er svo vandræðalegt“ Chiesa og Tel ekki valdir í Meistaradeild en Dowman gæti slegið met Sædís kom að dýrmætu marki „Lítum á þennan leik sem leik sem við verðum að vinna“ Freyr ósáttur við Bodø/Glimt og sakar þá um hroka Leikir U-21 árs strákanna í opinni dagskrá á Sýn Sport HM-hetja hvarf eftir að hafa fengið sér kaffi Tárvotur Antony: Rosalega erfitt að vera hjá Man United Eiginkona Gunnhildar Yrsu kvaddi með tárin í augunum Sjá meira
Dagur var á meðal áhorfenda á leik Charlton Athletic og Ipswich Town á laugardaginn, ásamt níu manna föruneyti Skagamanna sem höfðu það þó að meginmarkmiði við ferðaáætlanir sínar að fara á ýmist á NFL-leik milli Jacksonville Jaguars og Denver Broncos á Wembley eða leik Arsenal við Nottingham Forest í ensku úrvalsdeildinni á sunnudeginum. Þeir þurftu þó að finna einhvern íþróttaviðburð á laugardeginum og fyrir valinu varð leikur Charlton og Ipswich – The Herminator Derby – kallaður af sumum, enda tvö lið sem fyrrum landsliðsmaðurinn Hermann Hreiðarsson spilaði fyrir á meðan þau voru í efstu deild snemma á þessari öld. Félagarnir af Skaganum fengu VIP-meðferð á vellinum. Efri röð: Andri Geir, Geir, Birkir, Arnþór Ingi og Alex. Neðri röð: Ragnar Þór, Jón Gunnar, Róbert og Dagur.Úr einkasafni Vinahópurinn fékk Hermann með sér í lið og sendu út mynd af sér með Hermanni sem tekin var eftir leik liðs hans ÍBV við Fram í Úlfarsárdal á dögunum. Þeir fengu eftir það aðgang ásamt öðrum erlendum stuðningsmannahópum liðsins að sérstakri VIP aðstöðu sem opnaði fjórum klukkustundum fyrir leik. Charlton stóð nefnilega fyrir degi alþjóðlegra stuðningsmanna í kringum leikinn þar sem fjölmargir erlendir stuðningsmannahópar liðsins voru saman komnir, ásamt hópi Íslendinga sem sögðust vera aðdáendahópur Hermanns Hreiðarssonar, og fengu að launum mynd af sér með Hermanni (þá sem var tekin eftir Fram leikinn) birta í leikskrá leiks laugardagsins. Hluti hópsins ásamt Hermanni Hreiðarssyni fyrir leik Fram og ÍBV í Úlfarsárdal á dögunum. Myndin var birt í leikskrá leiks Charlton og Ipswich.Úr einkasafni Hálfleikssýningin sem gerði ferðina Ekki nóg með það heldur fékk einn þeirra félaga að vera þátttakandi í svokallaðri Crossbeer áskorun í hálfleik. Um er að ræða sláarskotskeppni þar sem aðeins ein tilraun fæst, frá miðjuboga vallarins, og ef viðkomandi hittir í slá fær hann fimm þúsund pund í vasann og allir á vellinum fá frían bjór að auki. Dagur Jóhannsson varð fyrir valinu í vinahópnum og óhætt er að segja að það val hafi lukkast vel. Ekki þó þannig að Dagur hafi hitt í slá og farið af velli fimm þúsund sterlingspundum ríkari. Klippa: Dagur ærir The Valley Er hann var kynntur til leiks veifaði hann öllum vel í stúkunni nema þeim hluta þar sem stuðningsmenn Ipswich voru staðsettir sem hann sendi svokallaða runkarabendingu (e. wanker). Hann uppskar fyrir mikinn hlátur úr stúkunni og vakti töluverða athygli netverja sem kunnu misvel að meta athæfi hans. Þá stýrði Dagur einnig Víkingaklappi að íslenskum sið áður en hann spreytti sig á sláarskotinu. Það fór ekki betur en svo að hann rann til og flaug á höfuðið er boltinn þaut víðs fjarri marki. Það vakti einnig töluverða kátínu, og líklega meiri í ákveðnum enda stúkunnar en annars staðar. He's just slipped over now whilst doing the Crossbeer challenge, thus ironically, looking a bit of a w*nker HT #cafc 0-1 #itfc — Louis Mendez (@LouisMend) October 29, 2022 Félagar hans hlógu sig þá allir máttlausa í stúkunni á meðan þessu stóð og hafa ekki hlegið minna síðan, eftir að hafa séð viðbrögð stuðningsmanna liðsins á samfélagsmiðlum. Eftir hálfleikssýningu Dags fengu þeir félagar þó enn meira fyrir peninginn. Staðan var jöfn, 2-2, þegar komið var fram á 90. mínútu leiksins en Ipswich skoraði tvö mörk í uppbótartíma, á 91. og 94. mínútu. Charlton svaraði á ótrúlegan hátt með mörkum á 96. og 99. mínútu til að tryggja sér 4-4 jafntefli og gleðin ósvikin hjá Charlton-mönnum og þeim félögum af Skaganum í stúkunni í leikslok. 90 mins: 2 -2 FT: 4 -4 Sit back, relax and enjoy the MADDEST stoppage time that you will probably ever see! #cafc pic.twitter.com/dfVg0q5yEQ— Charlton Athletic FC (@CAFCofficial) October 30, 2022 Arsenal-stuðningsmaðurinn Dagur sá svo 5-0 sigur sinna manna á Nottingham Forest í gær en hluti hópsins sem fór á NFL-leikinn sá Denver Broncos leggja Jacksonville Jaguars. Þar rákust þeir á söngkonuna Ciöru, sem er eiginkona Russells Wilson, leikstjórnanda Denver Broncos. Ciara er eflaust þekktust fyrir lagið One, Two Step með Missy Elliott. Jón Gunnar, Arnþór Ingi og Geir rákust á Ciöru sem er þekktust fyrir lagið One, Two Step með Missy Elliott.Úr einkasafni
Akranes England Enski boltinn Mest lesið Gæti orðið fyrsti músliminn til að spila fyrir enska landsliðið Enski boltinn Uppgjörið: Breiðablik - FH 2-1 | Ótrúleg endurkoma og Blikar að stinga af Íslenski boltinn Myndir frá endalokum Íslands á EM Körfubolti „Betra fótboltaliðið tapaði í dag“ Íslenski boltinn Afturelding marði Hauka í Hafnafirði Handbolti Óvænt tap Þýskalands og Belgía skoraði sex Fótbolti EM í dag: Flenging og stór bossi í kveðjuþætti Körfubolti Fram byrjar tímabilið á sterkum útisigri í Kaplakrika Handbolti Uppgjörið: Ísland - Færeyjar 1-2 | Íslendingar í gjafastuði Fótbolti Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Fleiri fréttir Gæti orðið fyrsti músliminn til að spila fyrir enska landsliðið Hetja Blika: „Einn leikur í einu“ „Betra fótboltaliðið tapaði í dag“ Óvænt tap Þýskalands og Belgía skoraði sex Sameiginlegt lið Grindavíkur og Njarðvíkur upp í Bestu eftir ótrúlegan sigur Uppgjörið: Víkingur - Valur 3-2 | Víkingur náði í dýrmæt stig í fallbarátunni Ólafur Ingi: „Sjálfum okkur verstir“ Uppgjörið: Breiðablik - FH 2-1 | Ótrúleg endurkoma og Blikar að stinga af Levy hættur hjá Tottenham eftir 25 ár í starfi Uppgjörið: Tindastóll - Fram 1-0 | Lífsnauðsynlegur sigur Stólanna Uppgjörið: Ísland - Færeyjar 1-2 | Íslendingar í gjafastuði Valsmenn semja við einn markahæsta leikmanninn í Lengjunni Arnar og Hákon sátu fyrir svörum Mættust í fótboltagolfi fyrir stórleik kvöldsins Fundu efnið sem felldi fótboltastelpurnar í öllu gúmmíi á gervigrasi Isak í fjölmiðlafeluleik Mo Salah var ekki skemmt vegna færslu um fyrrum félaga Guðjohnsen bræður berjast um sömu stöðu en gætu spilað saman Setti nýtt heimsmet í Liverpool treyjum Heimir leggur allt undir: „Núna er tíminn til að standa sig“ Styðja þrettán ára strák sem var kýldur af pabba mótherja Blindraþraut fyrir risaleik: „Þetta er svo vandræðalegt“ Chiesa og Tel ekki valdir í Meistaradeild en Dowman gæti slegið met Sædís kom að dýrmætu marki „Lítum á þennan leik sem leik sem við verðum að vinna“ Freyr ósáttur við Bodø/Glimt og sakar þá um hroka Leikir U-21 árs strákanna í opinni dagskrá á Sýn Sport HM-hetja hvarf eftir að hafa fengið sér kaffi Tárvotur Antony: Rosalega erfitt að vera hjá Man United Eiginkona Gunnhildar Yrsu kvaddi með tárin í augunum Sjá meira