Afþakkaði aðstoð lögreglu eftir líkamsárás

Þetta kemur fram í dagbók lögreglunnar. Þar segir að korter í eitt í nótt hafi verið óskað eftir aðstoð lögreglu á skemmtistað vegna manns sem var með vandræði við aðra gesti. Dyravörðum tókst ekki að vísa manninum frá og var lögregla kölluð til aðstðoar. 

Þá var tilkynnt um slagsmál milli dyravarða og gesta á skemmtistað klukkan fjögur í nótt og þurfti lögregla að bregðast við rafhlaupahjólaslysi í miðborginni sömuleiðis. Þá var lítið um önnur verkefni hjá lögreglunni í vesturhluta borgarinnar þó hún hafi verið kölluð til vegna minniháttar mála, eins og hávaða og ölvunartengd mál. 

Einn var stöðvaður grunaður um akstur undir áhrifum fíkniefna, ölvunarakstur og akstur án réttinda og annar stöðvaður vegna gruns um ölvunarakstur.