Fyrrverandi kona Pippens á stefnumóti með syni Jordans

Þau Larsa og Marcus sáumst saman á japönskum veitingastað í Miami í fyrradag. Samkvæmt bandarískum fjölmiðlum voru þau á eins konar tvöföldu stefnumóti.

Skilnaður þeirra Lörsu og Scotties gekk í gegn í fyrra en þau höfðu verið gift síðan 1987. Þau eiga fjögur börn saman.

Larsa er 48 ára, sautján árum eldri en Marcus. Hann á tvö alsystkini, Jeffrey og Jasmine. Marcus lék körfubolta með Central Floria háskólanum.

Pippen og Jordan eru eitt frægasta tvíeyki körfuboltasögunnar en þeir unnu sex titla saman með Chicago Bulls á 10. áratug síðustu aldar.

Síðustu árin hefur Pippen verið ófeiminn við að skjóta á Jordan. Hann var meðal annars mjög ósáttur við þá mynd sem var dregin upp af honum í heimildaþáttaröðinni The Last Dance þar sem fjallað var um síðasta tímabil þeirra Jordans hjá Bulls, 1997-98.