Ástæðulaust er að fara með mál fyrir dómstóla ef augljóst þykir að neyðarvörn hafi verið beitt, segir fyrrverandi hæstaréttardómari. Maðurinn sem varð fyrir skoti á heimili sínu á Blönduósi og sonur hans eru með stöðu sakbornings í rannsókn lögreglu.
Það stendur ekki til að loka alfarið leikskólanum Bakka í Grafarvogi; það er að segja hann mun áfram hýsa leikskólabörn. Foreldrar í hverfinu eru uggandi yfir framtíð skólans.
Mikhail Gorbachev, síðasti leiðtogi Sovétríkjanna, er látinn. Hann naut virðingar á Vesturlöndum en var óvinsæll heima fyrir og enn er óvíst hvort hann fær opinbera útför.
Umboðsmaður Alþingis segir að heimsfaraldur COVID-19 hafi reynt töluvert á þanþol grunnregla réttarríkisins. Embættið hefur aldrei leyst úr fleiri málum á einu ári en árið 2021.
Þetta og fleira í hádegisfréttum Bylgjunnar klukkan 12.
