Ensku þjóðhetjurnar skora á stjórnvöld

Þannig verði stúlkum í landinu gert hægar um vik að elta drauminn sinn um að feta einn daginn í fótspor þeirra.

Rishi Sunak og Liz Truss berjast nú um hvor verður næsti formaður Íhaldsflokksins og þar af leiðandi forsætisráðherra Bretlands eftir að Boris Johnson lætur af því embætti í haust.

Enska liðið stendur sameinað í áskorun sinni til frambjóðendanna um að auka aðgengi stúlkna til fótboltaiðkunar í nærumhverfi sínu í Bretlandi.

Ljónynjurnar benda á að eins og staðan er í dag geti einungis 63 prósent stúlkna í landinu stundað fótbolta í leikfimitímum í skólum sínum.

„Á sunnudagskvöldið síðastliðið skráði enska kvennlandsliðið nafn sitt í sögubókina. Draumar 23 leikmanna urðu að veruleika þegar England varð Evrópumeistari í fyrsta skipti í sögunni,“ segir í bréfi sem leikmennirnir skrifuðu undir.

„Í gegnum Evrópumótið ræddu leikmenn enska liðsins um þá arfleifð okkar og markmiðið um að veita þjóðinni innblástur. Margir telja að það hafi nú þegar tekist en við lítum einungis á þennan áfanga sem byrjunina á einhverju miklu umfangsmeira.

Við viljum horfa til framtíðar og skapa þar raunverulegan möguleika fyrir stúlkur til þess að skapa vettvang innan fótboltans. Við biðlum til þín, framtíðar leiðtogi þjóðarinnar, um aðstoð við að koma þeim breytingum áleiðis,“ segir í ákalli enska liðsins.

Þar er þess farið að leit að ríkisstjórn Bretlands tryggi að allar stúlkur fái að minnsta kosti tveggja klukkustunda þjálfun í fótbolta í viku á skólalóð sinni. Þar muni kvennkyns þjálfarar stýrar þeirri þjálfun.

„Við gegnum allar í gegnum erfiðleika við það að stunda fótbolta á uppvaxtarárum okkar. Okkur var bannað að spila fótbolta í skólanum og þurftum þá að stofna okkar eigin lið og ferðast langar vegalengdir til þess að fara á æfingar og í leiki.

Þrátt fyrir þetta héldum við áfram og létum þetta ekki á okkar fá eða stöðva okkar. Kvennafótbolti hefur tekið stórstígum framförum síðan við vorum ungar stúlkar en það er þó enn langur vegur fram undan,“ segja leikmenn Evrópumeistaranna. 

Truss svaraði þessu ákalli á twitter-síðu sinni þar sem hún sagðist munu leggja áherslu á jafnrétti stúlkna og stráka í fótbolta og hét stuðning við átaksverkefni enska knattspyrnusambandsins Let Girls Play.

Sunak lofaði að hljóti hann brautargengi verði gerð ítarleg skýrsla um leiðir til þess að efla kvennafótbolta í landinu og þá verður ráðherra íþróttamála falið að rýna í fótboltaþjálfun stúlkna í skólum landsins.

Í kjölfar sigurs Englands á Evrópumótinu var miðasala sett af stað á vináttulandsleik enska liðsins gegn Bandaríkjunum sen eru ríkjandi heimsmeistarar. Skemmst er frá því að segja að miðar á leikinn ruku út á innan við sólarhring og heimasíða enska knattspyrnusambandsins hrundi.